Dal pysgod o bysgodfa

Mae’r safon hon yn ymwneud â dal pysgod o bysgodfa, gan ddilyn manyleb berthnasol. Mae’n cwmpasu pennu’r ffordd fwyaf priodol o ddal pysgod, ynghyd â pharatoi’r cyfarpar i’w ddefnyddio i ddal a chadw pysgod byw yn ddiogel. Mae’n cynnwys cymhwyso dulliau dal a thrin diogel sy’n lleihau’r straen i’r pysgod. Hefyd, mae’n cynnwys cynnal y pysgod a ddaliwyd mewn unedau cadw. Nid yw FIM9 yn ymwneud â dal pysgod gan ddefnyddio dulliau electrobysgota; mae hyn yn cael sylw yn FIM10.
 
Bydd y rhai sy’n dal y pysgod o bysgodfa yn gweithio i’r bysgodfa.
 
Mae’r safon hon yn gofyn am ddefnyddio’r dulliau dal canlynol: 

1. rhwydi
2. bachyn a lein
3. trapiau

4. draenio i lawr o bwll

    
   Mae’r safon hon yn gofyn eich bod yn gwneud gwaith yn ddiogel, yn unol â gofynion cyfreithiol a gofynion iechyd a diogelwch perthnasol, a’ch bod yn gweithio i gynnal bioddiogelwch a lleihau tarfu amgylcheddol bob amser.
    
   Bydd y ddeddfwriaeth berthnasol sy’n rheoli cymhwyso’r safon hon yn amrywio yn ôl lleoliad y bysgodfa – yng Nghymru, Lloegr, yr Alban neu Ogledd Iwerddon.

1. cyflawni’r holl weithgareddau sy’n ofynnol i ddal pysgod o bysgodfa yn ddiogel, yn unol â’r gofynion iechyd a diogelwch perthnasol 
2. dewis a defnyddio cyfarpar diogelu personol (PPE) priodol ar gyfer y gwaith sy’n ofynnol
3. cael y fanyleb sy’n ofynnol i ddal pysgod
4. cael y trwyddedau/hawlenni angenrheidiol (os oes eu hangen) i ganiatáu am ddal pysgod
5. asesu amodau’r dŵr (h.y. gwelededd, llif y dŵr, dyfnder) i bennu’r dull dal mwyaf priodol i’w ddefnyddio
6. paratoi a chynnal a chadw cyfarpar dal pysgod yn unol â safon ofynnol y bysgodfa
7. paratoi unedau cadw pysgod i dderbyn a chynnal cyflwr y pysgod sy’n cael eu dal
8. defnyddio dulliau dal perthnasol i ddal pysgod
9. sefydlu’r pysgod yn ddiogel mewn uned(au) cadw pysgod
10. trin pysgod sydd wedi’u dal mewn ffordd sy’n lleihau straen
11. monitro a gwylio’r pysgod a rhoi gwybod i’r person priodol am arwyddion o straen, trafferth neu annormaledd
12. gwylio perfformiad y weithred dal pysgod, gan sicrhau cydymffurfedd â’r fanyleb berthnasol ar gyfer dal pysgod
13. cynnal cyfathrebu effeithiol â phawb sy’n ymwneud â dal pysgod
14. rhoi gwybod i’r person priodol am unrhyw broblemau â’r weithred dal pysgod
15. diheintio a storio cyfarpar dal pysgod ar ôl eu defnyddio, yn unol â gofynion y bysgodfa a gofynion cyfreithiol
16. cynnal lefelau addas o fioddiogelwch wrth ddal pysgod o’r bysgodfa

1. y ddeddfwriaeth iechyd a diogelwch berthnasol sy’n gysylltiedig â dal pysgod a defnyddio dulliau cadw
2. y dulliau cyfreithiol perthnasol o ddal pysgod a’r gwahanol sefyllfaoedd pan y gellir eu defnyddio
3. pam mae pysgod yn cael eu dal fel rhan o weithrediadau rheoli pysgodfeydd
4. sut, pryd ac i bwy y mae angen gwneud cais am gydsyniad i ddal pysgod
5. sut i bennu’r dulliau mwyaf priodol o ddal pysgod i’r bysgodfa ac amodau’r dŵr
6. y cyfarpar dal pysgod y mae angen ei ddefnyddio mewn pysgodfa
7. sut i baratoi a chynnal a chadw cyfarpar priodol ar gyfer dal pysgod mewn cyflwr gweithredu diogel
8. sut a phryd y gall cyfarpar dal pysgod wneud niwed i bysgod
9. yr amodau amgylcheddol sy’n ofynnol ar gyfer cadw pysgod wedi’u dal
10. manteision ac anfanteision gwahanol ddulliau dal pysgod a’u defnydd mewn gwahanol sefyllfaoedd
11. sut gall gwahanol ddulliau dal pysgod effeithio ar yr amgylchedd dyfrol
12. effaith bosibl amodau amgylcheddol andwyol ar y weithred dal pysgod
13. sut i adnabod cyflwr pysgod (golwg corfforol a symudedd)
14. pwysigrwydd bioddiogelwch a’i rôl o ran lleihau risgiau i’r bysgodfa.

Dulliau dal:
·        rhwydi
·        bachyn a llinell
·        trapiau
·        draenio i lawr o bwll