Sefydlu gweithdrefnau i reoli risg i weithgareddau mewn pysgodfa

​

Mae'r safon hon yn ymwneud â sefydlu gweithdrefnau i reoli risg i weithgareddau mewn pysgodfa. Mae'n cynnwys adnabod y risg posibl y mae pysgodfa'n ei wynebu a'r gwaith o sefydlu gweithdrefnau priodol i gynorthwyo'r gwaith o fonitro pysgodfa. Mae'n ymwneud â sefydlu gweithdrefnau i ymdrin â digwyddiadau o weithgaredd pysgota heb awdurdod.

Mae'r safon hon yn gofyn am y gallu i gynghori a chyfathrebu â chydweithwyr a'r cyhoedd a'r gallu i gael cyngor gan awdurdodau gorfodi perthnasol.

Bydd y ddeddfwriaeth berthnasol sydd yn rheoli'r gwaith o gymhwyso'r safon hon yn amrywio yn dibynnu ar leoliad y bysgodfa – yng Nghymru, Lloegr, Gogledd Iwerddon neu'r Alban.

1. coladu a dadansoddi gwybodaeth gan ffynonellau perthnasol i sefydlu gweithdrefnau er mwyn rheoli risg i weithgareddau mewn pysgodfa
2. pennu'r risg posibl a gyflwynir i'r bysgodfa yn sgil pysgota heb awdurdod
3. sefydlu gweithdrefnau i reoli gweithgareddau pysgota, yn unol â'r gofynion cyfreithiol perthnasol a risg sydd wedi'i asesu
4. sefydlu gweithdrefnau i ymdrin â digwyddiadau o weithgareddau pysgota heb awdurdod yn unol â'r gofynion cyfreithiol perthnasol
5. cadarnhau bod yr holl weithdrefnau yn bodloni â'r gofynion iechyd a diogelwch, amgylcheddol, bioddiogelwch â'r gofynion cyfreithiol perthnasol eraill
6. cyfathrebu gweithdrefnau i bawb sydd yn gysylltiedig â'r gweithredu
7. sefydlu systemau effeithiol ar gyfer adrodd a chofnodi gweithgareddau yn y bysgodfa
8. nodi a sefydlu'r adnoddau sy'n ofynnol i reoli risg i weithgaredd pysgota yn effeithiol
9. cadarnhau bod diogelwch y bysgodfa'n cael ei gynnal yn unol â'r gweithdrefnau sydd wedi'u sefydlu
10. cael cyngor gan yr awdurdodau gorfodi priodol pan fo angen

1. y ddeddfwriaeth berthnasol sydd yn gysylltiedig â rheoli gweithgareddau pysgodfa
2. pwerau, breintiau, dyletswyddau a chyfrifoldebau beilïau, swyddogion pysgodfeydd ac awdurdodau gorfodi, sy'n berthnasol i sefydlu gweithdrefnau rheoli risg i weithgareddau mewn pysgodfa
3. sut i bennu'r risg i bysgodfa a gyflwynir gan weithgaredd pysgota heb awdurdod
4. sut i sefydlu gweithdrefnau i reoli risg i weithgareddau yn y bysgodfa ac ymdrin â digwyddiadau o bysgota heb awdurdod
5. pwysigrwydd sicrhau bod gweithdrefnau i reoli risg i'r gweithgareddau yn y bysgodfa yn cael eu cyfathrebu i bawb sydd yn gysylltiedig â'r gweithredu
6. pwysigrwydd sicrhau bod diogeledd pysgodfa'n cael ei gynnal yn unol â'r gweithdrefnau sydd wedi'u sefydlu
7. yr arwyddion sydd yn nodi pysgota heb awdurdod ac anghyfreithlon a sut i adnabod y rhain
8. y cyfnodau o'r flwyddyn pan mae pysgod fwyaf agored i niwed yn sgil gweithgaredd pysgota heb awdurdod ac anghyfreithlon
9. y dyfeisiadau y gellir eu defnyddio i atal pysgota heb awdurdod
10. nodweddion eich pysgodfa, yn cynnwys ei lleoliadau a'i chynefinoedd agored i niwed
11. sut i ymdrin yn gyfreithiol â digwyddiadau o bysgota heb awdurdod
12. y ffordd y mae cynefinoedd yn cael eu niweidio gan weithgareddau pysgota
13. ble i gael cyngor am sefydlu gweithdrefnau i reoli risg i weithgareddau mewn pysgodfa
14. sut i sefydlu systemau cofnodi ac adrodd
15. yr asiantaethau sydd yn gysylltiedig â gorfodi pysgodfeydd a'r ffordd y mae'r rhain yn rhyngweithio â'i gilydd
16. y gofynion iechyd a diogelwch, amgylcheddol, bioddiogelwch a'r gofynion cyfreithiol perthnasol eraill sy'n ymwneud â rheoli risg i weithgareddau mewn pysgodfa