Rhoi cyngor a gwybodaeth i bysgotwyr am bysgodfa

​

Mae'r safon hon yn ymwneud â rhoi cyngor a gwybodaeth i bysgotwyr am bysgodfa. Mae'n cynnwys gweithgareddau i sicrhau bod pysgotwyr yn cydymffurfio â'r rheoliadau pysgodfeydd yn ogystal â rhoi cyngor a gwybodaeth am nodweddion y bysgodfa, ffactorau amgylcheddol, y dulliau pysgota, iechyd a diogelwch, gofynion cyfreithiol rheoli pysgota â'r dulliau trin a rhyddhau pysgod.

Mae'r safon hon yn gofyn eich bod yn gwneud gwaith yn ddiogel yn unol â gofynion iechyd a diogelwch cyfreithiol perthnasol a'ch bod yn gweithio i gynnal bioddiogelwch ac yn amharu cyn lleied â phosibl ar yr amgylchedd bob amser.

Bydd y ddeddfwriaeth sydd yn rheoli cymhwyso'r safon hon yn amrywio yn dibynnu ar leoliad y bysgodfa – yng Nghymru, Lloegr, Gogledd Iwerddon neu'r Alban.

1. gwneud yr holl weithgareddau sy'n ofynnol i roi cyngor a gwybodaeth yn ddiogel i bysgotwyr am bysgodfa, yn unol â gofynion iechyd a diogelwch perthnasol
2. cadarnhau bod pysgotwyr yn cydymffurfio â'r rheoliadau a gofynion pysgodfa
3. rhoi cyngor a gwybodaeth i bysgotwyr am nodweddion pysgodfa, y dulliau pysgota priodol a phwysigrwydd bioddiogelwch ar y bysgodfa
4. cyfathrebu'n glir ac yn effeithiol bob amser, gan ddefnyddio y dulliau priodol
5. cynorthwyo pysgotwyr mewn ffordd gwrtais a moesgar
6. cynnal gwybodaeth gywir i gadw cofnodion wedi'u diweddaru o weithgaredd pysgota a daliadau.

1. y gofynion iechyd a diogelwch perthnasol sydd yn gysylltiedig â physgota ar bysgodfa
2. y cyfyngiadau cyfreithiol perthnasol sydd yn rheoli pysgodfeydd bras a physgod hela
3. y gofynion caniatâd sydd yn rheoli mynediad i'r bysgodfa
4. nodweddion glannau a dyfrol y bysgodfa
5. sut i hysbysu pysgotwyr ynghylch y peryglon iechyd a diogelwch sydd yn gysylltiedig â'r bysgodfa
6. y mathau o bysgod sydd yn bresennol yn y bysgodfa
7. perfformiad blaenorol a phresennol y bysgodfa
8. y dulliau pysgota sydd yn cyd-fynd orau ag amodau presennol y bysgodfa
9. sut i ddal, trin a rhyddhau pysgod i achosi'r straen a'r niwed lleiaf posibl
10. agweddau ymddygiad pysgod sydd yn arwyddocaol i bysgota, yn cynnwys ymddygiad bwydo
11. sut gall ffactorau amgylcheddol ddylanwadu ar  bysgota
12. pam y mae'n bwysig cadw cofnodion pysgodfa
13. y dulliau o gyfathrebu y gellir eu defnyddio i roi cyngor a gwybodaeth am bysgodfa
14. pwysigrwydd bioddiogelwch a'i rôl yn lleihau'r risg i'r bysgodfa

Dulliau cyfathrebu:

• Cyfryngau cymdeithasol
• Arwyddion a hysbysiadau
• Llafar