Rheoli’r gwaith o roi cynlluniau rheoli pysgodfeydd ar waith ac asesu’r effaith ar y bysgodfa

​

Mae'r safon hon yn ymwneud â rheoli'r gwaith o roi cynlluniau rheoli pysgodfeydd ar waith ac asesu'r effaith ar y bysgodfa, tra'n cydymffurfio â gofynion cyfreithiol perthnasol. Mae'n cynnwys monitro ac adrodd am berfformiad y gweithgareddau rheoli wrth bawb sydd yn gysylltiedig.

Mae'r safon hon yn gofyn am y gallu i ymateb i amrywiadau a wneir i gynlluniau rheoli pysgodfeydd.

Mae'r safon hon yn gofyn eich bod yn sicrhau bod gwaith yn cael ei gwblhau'n ddiogel, yn unol â gofynion cyfreithiol ac iechyd a diogelwch perthnasol a'ch bod yn sicrhau bod gwaith yn cynnal bioddiogelwch ac yn amharu cyn lleied â phosibl ar yr amgylchedd bob amser.

Bydd y ddeddfwriaeth berthnasol sydd yn rheoli'r gwaith o gymhwyso'r safon hon yn amrywio yn dibynnu ar leoliad y bysgodfa – yng Nghymru, Lloegr, Gogledd Iwerddon neu'r Alban.

1. rheoli'r gwaith o roi cynlluniau rheoli pysgodfeydd ar waith ar gyfer pysgodfa o fewn cyfyngiadau eich adnoddau
2. monitro gweithgareddau rheoli'r pysgodfeydd yn y cynllun i sicrhau eu bod yn cydymffurfio â gofynion cyfreithiol, amgylcheddol, sefydliadol ac iechyd a diogelwch perthnasol
3. rhoi cymorth i'r rheiny sydd yn gysylltiedig â rhoi cynlluniau rheoli pysgodfeydd ar waith
4. ymateb i amrywiadau a chyfyngiadau o gynlluniau rheoli pysgodfeydd, gan wneud addasiadau lle bo angen
5. asesu effaith cynlluniau rheoli pysgodfeydd ar y bysgodfa
6. parhau i gyfathrebu gyda'r rhanddeiliad er mwyn hwyluso rheolaeth effeithiol o'r bysgodfa
7. cadw cofnodion rheoli pysgodfeydd cywir fel sy'n ofynnol gan eich sefydliad

1. y gofynion cyfreithiol perthnasol yn ymwneud â rheoli pysgodfeydd
2. y gofynion cyfreithiol perthnasol sydd yn gysylltiedig â symud a stocio pysgod
3. y ddeddfwriaeth amgylcheddol berthnasol mewn perthynas â rheoli cynefin yn eich pysgodfa
4. hanes bywyd a gofynion cynefin y rhywogaethau pysgod yn eich pysgodfa
5. clefydau pysgod cyffredin a dulliau o'u hatal a'u rheoli
6. sut i roi cynlluniau rheoli pysgodfeydd ar waith ar gyfer pysgodfa
7. yr adnoddau sy'n ofynnol i roi cynlluniau rheoli pysgodfeydd ar waith
8. dulliau arolygu a ddefnyddir i fonitro pysgodfeydd
9. y ffordd y dylid casglu a chofnodi data pysgodfeydd
10. y ffordd y gellir gwella stociau pysgod, yn cynnwys defnyddio rhaglenni ailstocio
11. dulliau dal pysgod a sut gellir eu defnyddio i reoli pysgod mewn pysgodfa
12. y gofynion cyfreithiol perthnasol sydd yn rheoli symud pysgod
13. y camau y gellir eu cymryd i gywiro amrywiadau yn y cynlluniau rheoli pysgodfeydd
14. sut i adnabod effaith cynlluniau rheoli pysgodfeydd ar y bysgodfa
15. pwysigrwydd cyfathrebu wrth roi cynlluniau rheoli pysgodfeydd ar waith a'r asesiad o'u heffaith ar y bysgodfa
16. rheoli personél, yn cynnwys rheoli contractwyr mewn pysgodfa
17. diogelwch stoc pysgod a'r ffordd y gellir rheoli presenoldeb rhywogaethau nad ydynt yn gynhenid i gyfyngu eu heffaith ar ecoleg pysgodfa gynhenid
18. beth yw stoc pysgod cynaliadwy a beth mae manteisio yn ei olygu
19. y gofynion iechyd a diogelwch, amgylcheddol, bioddiogelwch a gofynion cyfreithiol eraill yn ymwneud â rheoli pysgodfeydd

​

Gweithgareddau rheoli pysgodfeydd:

• cynnal cynefin
• gwella cynefin
• rheoli manteisio cynaliadwy
• rheoli stoc pysgod cynaliadwy
• monitro a chasglu data
• rheoli diogelwch stoc
• bioddiogelwch

Amrywiadau:

• dylanwadau dynol

• rhyngweithio rhwng ysglyfaethwr/ysglyfaeth

• clefydau
• prinder adnoddau
• dirywiad cynefin
• ymosodiad rhywogaethau nad ydynt yn gynhenid