Stocio pysgod mewn pysgodfa

Mae’r safon hon yn ymwneud â stocio pysgod mewn pysgodfa. Mae’n cwmpasu trosglwyddo, trin a stocio pysgod yn ddiogel yn ôl y dwysedd stocio gofynnol. Mae’n cynnwys defnyddio dulliau trin sy’n cynnal lles trwy leihau’r straen a achosir i bysgod; mae’n cynnwys tasgau arferol ac anarferol.

Mae’r safon hon yn gofyn bod pysgod yn cael eu stocio mewn modd sy’n briodol i’r amodau amgylcheddol canlynol:

• tywydd poeth
• tywydd oer
• lefel a chyflwr y dŵr
• y cynefin sydd ar gael.

Mae’r safon hon yn gofyn bod y pysgod fydd yn cael eu stocio yn cael eu nodi yn ôl math o rywogaeth, maint a chyflwr corfforol, ac nad oes clefydau arnynt.

Mae’r safon hon yn gofyn eich bod yn gwneud gwaith yn ddiogel, yn unol â gofynion cyfreithiol a gofynion iechyd a diogelwch perthnasol, a’ch bod yn gweithio i gynnal bioddiogelwch a lleihau tarfu amgylcheddol bob amser.

Bydd y ddeddfwriaeth berthnasol sy’n rheoli cymhwyso’r safon hon yn amrywio yn ôl lleoliad y bysgodfa – yng Nghymru, Lloegr, yr Alban neu Ogledd Iwerddon.

1. cyflawni’r holl weithgareddau sy’n ofynnol i stocio pysgod mewn pysgodfa yn ddiogel, yn unol â gofynion iechyd a diogelwch perthnasol
2. paratoi’r cyfarpar trin a throsglwyddo pysgod yn barod i symud y pysgod i bysgodfa yn ddiogel
3. dewis a defnyddio cyfarpar diogelu personol (PPE) priodol ar gyfer y gwaith, fel y bo’n ofynnol
4. gwirio’r pysgod sydd i’w stocio i sicrhau eu bod mewn cyflwr priodol i’w rhyddhau
5. trin pysgod mewn modd sy’n lleihau straen
6. trosglwyddo a chynefino pysgod mewn ffordd sy’n lleihau straen ac sy’n cyfrif am yr amodau amgylcheddol sydd ohoni
7. dosbarthu pysgod o fewn y bysgodfa yn ôl y dwysedd stocio gofynnol, yn ôl y fanyleb ar gyfer stocio pysgod
8. cynnal y cyfarpar trin pysgod mewn cyflwr defnyddiol trwy gydol y broses stocio
9. arsylwi ymddygiad y pysgod newydd eu stocio ac ymateb i unrhyw arwyddion o straen neu helynt
10. diheintio a storio cyfarpar trin pysgod ar ôl eu defnyddio
11. gwaredu gwastraff yn unol â gofynion cyfreithiol perthnasol
12. cynnal y lefelau hylendid a bioddiogelwch gofynnol wrth stocio pysgod mewn pysgodfa
13. cynnal gwybodaeth gywir er mwyn cadw cofnodion stocio cyfredol.

1. y gofynion iechyd a diogelwch perthnasol sy’n gysylltiedig â stocio pysgod mewn pysgodfa
2. sut i gynnal lles y pysgod yn ystod eu stocio mewn pysgodfa
3. pam mae angen cynefino pysgod cyn eu rhyddhau
4. sut i gynefino pysgod i sicrhau’r gyfradd oroesi fwyaf
5. sut i drosglwyddo pysgod, gan ddefnyddio rhwydi a saethau, i sicrhau’r gyfradd oroesi fwyaf
6. sut gall amodau amgylcheddol andwyol (tywydd, amodau’r dŵr) effeithio ar y weithred stocio
7. pwysigrwydd cyflawni’r dwysedd stocio gofynnol, yn ôl y fanyleb ar gyfer stocio pysgod
8. y gofynion cyfreithiol perthnasol sy’n rheoli symud a stocio pysgod
9. arwyddion o straen neu helynt ymhlith pysgod
10. nodweddion ffisegol ac amodau amgylcheddol pysgodfa sy’n gallu effeithio ar lefelau stocio
11. pwysigrwydd hylendid a bioddiogelwch a’u rôl o ran lleihau risgiau i’r bysgodfa
12. y dulliau cywir o waredu deunydd dros ben a/neu wastraff

Amodau amgylcheddol:

• tywydd poeth
• tywydd oer
• lefel a chyflwr y dŵr
• y cynefin sydd ar gael.