Coladu, dadansoddi a chyflwyno data poblogaeth pysgodfeydd

​

Mae'r safon hon yn ymwneud â choladu, dadansoddi a chyflwyno data poblogaeth pysgodfeydd. Mae'n cynnwys dadansoddi data hyd/amlder, data hyd yn ôl oed, ymdrech dal/uned neu ddata toreth arall a data dosbarth toreth/blwyddyn rhywogaeth.

Mae'r safon hon hefyd yn gofyn bod y nodweddion canlynol yn cael eu pennu ar gyfer poblogaethau pysgod:

1. ffactor cyflwr

2. strwythur poblogaeth

3. annormaleddau yn nhwf poblogaeth.

Mae'r safon hon yn gofyn eich bod yn gwneud gwaith yn ddiogel yn unol â gofynion cyfreithiol ac iechyd a diogelwch perthnasol yn ogystal â gofynion trwyddedu a'ch bod yn cynnal bioddiogelwch ac yn amharu cyn lleied â phosibl ar yr amgylchedd bob amser.

Bydd y ddeddfwriaeth berthnasol sydd yn rheoli'r gwaith o gymhwyso'r safon hon yn amrywio yn dibynnu ar leoliad y bysgodfa – yng Nghymru, Lloegr, Gogledd Iwerddon neu'r Alban.

1. cadarnhau bod coladu, dadansoddi a chyflwyno data poblogaeth pysgodfeydd yn cael ei wneud yn ddiogel, yn unol â'r gofynion iechyd a diogelwch perthnasol
2. cael a choladu gwybodaeth gyfeirio a data poblogaeth pysgodfeydd
3. cwblhau gwiriadau i sicrhau dilysrwydd data poblogaeth pysgodfeydd
4. prosesu a dadansoddi data poblogaeth pysgodfeydd gan ddefnyddio technegau cydnabyddedig i bennu nodweddion a thueddiadau poblogaeth pysgodfeydd
5. cymharu canlyniadau gyda normau disgwyleidig ar gyfer poblogaeth y pysgod mewn pysgodfa
6. adrodd a chyflwyno data am boblogaeth pysgodfeydd ar fformat priodol i bartïon perthnasol
7. storio ac archifo holl ddata poblogaeth pysgodfeydd yn unol â gofynion cyfreithiol a sefydliadol perthnasol

1. y gofynion iechyd a diogelwch sydd yn gysylltiedig a choladu, dadansoddi a chyflwyno data poblogaeth pysgodfeydd
2. sut i goladu data poblogaeth pysgodfeydd ar gyfer ei ddadansoddi
3. y prif baramedrau a ddefnyddir i asesu poblogaethau pysgodfeydd
4. nodweddion a strwythur disgwyliedig poblogaeth pysgodfeydd sydd yn cael eu hastudio
5. sut i gael a choladu data cyfeirio yn ymwneud â rhywogaethau gwahanol o bysgod
6. sut i ddadansoddi data poblogaeth pysgodfeydd gan ddefnyddio amrywiaeth o dechnegau
7. y ffordd y gall amrywiadau naturiol effeithio ar ddata poblogaeth pysgodfeydd
8. sut i nodi tueddiadau a deall eu harwyddocâd mewn data poblogaeth pysgodfeydd
9. sut i gyflwyno data a chanfyddiadau poblogaeth pysgodfeydd (e.e. gan ddefnyddio graffiau, tablau a siartiau)
10. pwysigrwydd storio ac archifo data poblogaeth pysgodfeydd yn unol â gofynion cyfreithiol a sefydliadol
11. y gofynion cyfreithiol a sefydliadol perthnasol ar gyfer cadw cofnodion

​

Paramedrau:

• Ffactor cyflwr Folton, K
• Perthynas rhwng pwysau a hyd (WLR)
• Amledd hyd forc