Casglu a dadansoddi data o bysgod marw

​

Mae'r safon hon yn ymwneud â chasglu a dadansoddi data o bysgod marw. Mae'n cynnwys y gallu i ddadansoddi pysgod marw er mwyn creu data pysgodfeydd, sydd yn cefnogi'r gwaith o reoli pysgodfeydd.

Mae'r safon hon yn gofyn eich bod yn gwneud gwaith yn ddiogel yn unol â gofynion iechyd a diogelwch cyfreithiol perthnasol a'ch bod yn cynnal bioddiogelwch ac yn amharu cyn lleied â phosibl ar yr amgylchedd bob amser.

Bydd y ddeddfwriaeth berthnasol sydd yn rheoli'r gwaith o gymhwyso'r safon hon yn amrywio yn dibynnu ar leoliad y bysgodfa – yng Nghymru, Lloegr, Gogledd Iwerddon neu'r Alban.

1. gwneud yr holl weithgareddau sy'n ofynnol i gasglu a dadansoddi data yn ddiogel o bysgod marw, yn unol â gofynion iechyd a diogelwch perthnasol
2. paratoi, defnyddio a chynnal a chadw offer a chyfarpar priodol ar gyfer casglu a dadansoddi data o bysgod marw
3. dewis a defnyddio cyfarpar diogelu personol (PPE) priodol ar gyfer y gwaith sy'n ofynnol
4. cynnal olrheiniadwyedd a rheolaeth samplau o bysgod marw
5. paratoi samplau o bysgod marw i'w dadansoddi yn unol â gofynion eich sefydliad a phrotocolau safonol y diwydiant pysgodfeydd
6. dadansoddi samplau o bysgod marw yn unol â gofynion eich sefydliad a phrotocolau safonol y diwydiant pysgodfeydd
7. gwaredu gwastraff yn unol â gweithdrefnau cyfreithiol a sefydliadol perthnasol
8. diheintio, lle y bo'n biriodol, a storio cyfarpar ar gyfer casglu a dadansoddi data o bysgod marw ar ôl eu defnyddio, yn unol â'r gofynion
9. cynnal lefelau hylendid a bioddiogelwch wrth gasglu a dadansoddi data o bysgod marw
10. cofnodi a chyflwyno data o bysgod marw yn gywir gan ddefnyddio systemau sefydliadol, gan amlygu canfyddiadau annisgwyl
11. cwblhau gwiriadau gwallau ar ddata a gasglwyd o bysgod marw

1. y gofynion iechyd a diogelwch sydd yn gysylltiedig â chasglu a dadansodi data o bysgod marw
2. pwysigrwydd defnyddio'r cyfarpar diogelu personol (PPE) cywir
3. sut i gasglu a pharatoi samplau o bysgod marw ar gyfer eu dadansoddi
4. sut i ddefnyddio protocolau safonol y diwydiant pysgodfeydd i roi oed ar bysgod yn ogystal â dadansoddi ôl-gyfrifiadau o batrymau twf (cen a defnyddio esgyrn)
5. sut i dynnu deunyddiau o bysgod marw i roi oed iddynt
6. anatomeg a ffisioleg pysgod
7. annormaleddau cyffredin pysgod a'u hachosion
8. parasitiaid cyffredin pysgod (mewnol ac allanol)
9. sut i adnabod a dosbarthu cynnwys stymog pysgod marw
10. sut i ddadansoddi data o bysgod marw
11. technegau cyflwyno data (histogramau hyd/amlder) a ddefnyddir wrth ddadansoddi data o bysgod marw
12. technegau ystadegol a ddefnyddir i ddadansoddi data o bysgod marw
13. technegau gwahanol ar gyfer cyflwyno data o bysgod marw
14. pwysigrwydd gwirio data am wallau, i ddileu camgymeriadau a chadarnhau cywirdeb y data i gael ei ddadansoddi a/neu ei gyflwyno
15. sut i gael gafael ar gyngor a chefnogaeth ychwanegol
16. pwysigrwydd hylendid a bioddiogelwch a'i rôl yn lleihau risg i'r bysgodfa

​

Dulliau dadansoddi:

• dadansoddi cynnwys y stumog
• llwyth parasitiaid mewnol
• llwyth parasitiaid allanol
• rhyw ac aeddfedrwydd
• patholeg crynswth mewnol
• patholeg crynswth allanol