Casglu samplau o bysgod byw i fonitro cyflwr pysgodfa

Mae’r safon hon yn ymwneud â chasglu samplau o bysgod byw i fonitro cyflwr pysgodfa. Mae’n cynnwys casglu samplau o bysgod byw mewn pysgodfa mewn ffordd sy’n lleihau’r tarfu ar y bysgodfa ac yna asesu’r pysgodyn unigol i bennu’i iechyd a’i gyflwr gan ddefnyddio tasgau arferol ac anarferol.
 
Mae’r safon hon yn gofyn bod cyflwr pysgod byw yn cael ei bennu gan eu hyd a’u pwysau, ffactor cyflwr, oedran a phresenoldeb parasitiaid a chlefyd.
 
Mae’r safon hon yn gofyn eich bod yn gwneud gwaith yn ddiogel, yn unol â gofynion cyfreithiol a gofynion iechyd a diogelwch perthnasol, a’ch bod yn gweithio i gynnal bioddiogelwch a lleihau tarfu amgylcheddol bob amser.

1. cyflawni’r holl weithgareddau sy’n ofynnol i gasglu samplau’n ddiogel o bysgod byw i fonitro cyflwr y bysgodfa, yn unol â gofynion iechyd a diogelwch perthnasol
2. paratoi, defnyddio a chynnal a chadw offer a chyfarpar priodol ar gyfer casglu samplau o bysgod yn unol â safon ofynnol y bysgodfa
3. dewis a defnyddio cyfarpar diogelu personol (PPE) priodol ar gyfer y gwaith sy’n ofynnol
4. paratoi a thrin pysgod byw mewn ffordd sy’n lleihau straen
5. casglu samplau o bysgod byw yn barod i’w dadansoddi ymhellach
6. monitro cyflwr pysgodfa trwy gasglu samplau o bysgod byw, gan gynnwys samplau cen pysgod
7. lle bo angen, lladd pysgod heb iddynt ddioddef er mwyn ei gwneud hi’n haws casglu data pellach
8. pennu nodweddion pysgod unigol gan ddefnyddio cyfarpar mesur, fel y bo’n briodol
9. cofnodi marwolaethau er mwyn cael gwybodaeth reoli yn unol â gofynion eich sefydliad
10. gwaredu gwastraff yn unol â gofynion cyfreithiol a gweithdrefnau sefydliadol perthnasol
11. cynnal lefelau hylendid a bioddiogelwch wrth gasglu samplau o bysgod byw i fonitro cyflwr pysgodfa
12. diheintio a, lle bo hynny’n briodol, storio cyfarpar ar gyfer casglu samplau ar ôl eu defnyddio, yn unol â gofynion
13. cynnal gwybodaeth gywir er mwyn cadw cofnodion cyfredol am gasglu samplau ar gyfer monitro cyflwr y bysgodfa, yn unol â gofynion sefydliadol a chyfreithiol

1. y gofynion iechyd a diogelwch sy’n gysylltiedig â chasglu samplau o bysgod byw
2. sut i adnabod rhywogaethau pysgod dŵr croyw a morol cyffredin Prydeinig
3. sut i adnabod nodweddion allanol pysgod iach
4. swyddogaeth prif organau mewnol pysgod a sut i’w hadnabod
5. y gwahanol fathau o gyfarpar samplu pysgod a’u defnydd
6. sut i bennu maint pysgod gan ddefnyddio mesuriadau pwysau a hyd
7. pwysigrwydd cynnal a chadw cyfarpar mesur yn unol â’r safon ofynnol
8. y gwallau y gall cyfarpar samplu pysgod eu hachosi i ansawdd y data a gesglir
9. y ffactorau sy’n effeithio ar dwf a chyflwr pysgod
10. problemau iechyd ac abnormaleddau cyffredin sy’n effeithio ar bysgod a sut i adnabod eu presenoldeb
11. sut gall anaestheteg gael eu defnyddio i gynorthwyo â’r broses casglu data a lleihau’r straen ar bysgod
12. y peryglon a’r gyfraith berthnasol sy’n gysylltiedig â defnyddio gwahanol anaestheteg pysgod yn y maes
13. y dulliau a ddefnyddir i gasglu samplau oddi wrth bysgod byw i fonitro cyflwr pysgodfa
14. achosion cyffredin marwolaeth pysgod, gan gynnwys sut mae’n bosibl pennu achos y farwolaeth
15. clefydau hysbysadwy ymhlith pysgod a pham mae angen rhoi gwybod amdanynt
16. sut gall nodweddion pysgod unigol gael eu defnyddio i bennu nodweddion y bysgodfa gyfan
17. sut i waredu pysgod marw a mathau eraill o wastraff
18. y strwythurau a ddefnyddir i bennu oedran rhywogaethau pysgod gwahanol
19. sut i gofnodi mesuriadau’n gywir yn unol â gofynion y sefydliad a rôl data wrth reoli pysgodfa
20. pwysigrwydd hylendid a bioddiogelwch a’u rôl o ran lleihau risgiau i’r bysgodfa