Cynllunio a rheoli gweithrediadau dal pysgod i fodloni amcanion pysgota wedi ei drefnu

​

Mae'r safon hon yn ymwneud â chynllunio a rheoli gweithrediadau dal pysgod er mwyn bodloni amcanion pysgota wedi ei drefnu. Mae'n cynnwys gallu sefydlu gweithgareddau pysgota fel bod yr adnoddau sy'n ofynnol i gefnogi'r gweithrediad ar gael, bod y rheiny sydd yn gysylltiedig yn deall y gofynion yn llawn a bod yr ymagwedd sydd wedi ei chynllunio yn cyd-fynd â nodweddion y bysgodfa a'r pysgod sydd yn cael eu targedu.

Mae'r safon hon yn gofyn am reoli pobl, cyfarpar, deunyddiau ac amser i gynorthwyo'r gwaith o ddal pysgod mewn dŵr llonydd, dŵr sydd yn llifo a dyfroedd llanw. Mae hyn yn gofyn am gynllunio'r defnydd o dulliau dal yn defnyddio rhwydi, bachyn a llinell, maglau a draenio pwll. Nid yw hyn yn cynnwys trydanbysgota sydd wedi ei gynnwys yn FiM12.

Mae'r safon hon yn gofyn bod cyfarpar pysgota, cwch (cychod), cyfarpar diogelu personol, cyfarpar cyfathrebu, cyfarpar cludo a chadw pysgod yn cael eu paratoi yn gywir. Mae hefyd yn gofyn bod gweithrediadau dal pysgod yn cael eu trefnu i gynnwys y math o arolwg a'r fanyleb, y dechneg bysgota, defnydd o gyfarpar, casglu data ac adrodd.

Mae'r safon hon yn gofyn eich bod yn gwneud gwaith yn ddiogel yn unol â gofynion cyfreithiol ac iechyd a diogelwch perthnasol a'ch bod yn cynnal bioddiogelwch ac yn amharu cyn lleied â phosibl ar yr amgylchedd bob amser.

Bydd y ddeddfwriaeth berthnasol sydd yn rheoli'r gwaith o gymhwyso'r safon hon yn dibynnu ar leoliad y bysgodfa – yng Nghymru, Lloegr, Gogledd Iwerddon neu'r Alban.

1. cadarnhau bod yr holl weithgareddau sy'n ofynnol i gynllunio a rheoli gweithrediadau dal pysgod yn bodloni amcanion pysgota wedi ei drefnu, yn cael eu gwneud yn ddiogel yn unol a gofynion iechyd a diogelwch perthnasol
2. asesu'r risg sydd yn gysylltiedig â'r safle a'r gweithgaredd arfaethedig o ddal pysgod
3. dewis a gweithredu'r dulliau gwaith priodol yn unol â'r risg sydd wedi ei asesu
4. cynllunio gweithrediadau dal pysgod i fodloni'r amcanion pysgota wedi ei drefnu sy'n ofynnol
5. cael y trwyddedau/caniatâd angenrheidiol ar gyfer gweithrediadau dal pysgod gan yr awdurdodau perthnasol
6. rheoli'r adnoddau gofynnol i gyflawni'r amcanion pysgota wedi ei drefnu sy'n ofynnol, gan ystyried nodweddion y corff dŵr
7. cadarnhau bod y rheiny sydd yn gysylltiedig â gweithrediadau dal pysgod yn defnyddio'r cyfarpar diogelu personol (PPE) priodol
8. cadarnhau bod y rheiny sydd yn gysylltiedig â'r gweithrediadau dal pysgod wedi eu hyfforddi'n llawn o ran gofynion y sefydliad
9. cadarnhau bod y cyfarpar dal pysgod wedi ei baratoi a'i gynnal i safon ofynnol y bysgodfa
10. cadarnhau bod cyfleusterau cadw pysgod mewn cyflwr sydd yn addas ar gyfer derbyn, prosesu a chynnal iechyd a lles pysgod
11. rheoli gweithrediadau dal pysgod i fodloni'r amcanion pysgota sydd wedi eu trefnu, a gallu ymateb i amrywiadau
12. addasu gweithrediadau dal pysgod i roi cyfrif am newidiadau mewn amodau amgylcheddol
13. cadarnhau bod pysgod wedi eu dal yn cael eu prosesu'n gywir a goruchwylio cyflwr, iechyd a lles pysgod wedi eu dal trwy gydol y gweithrediad
14. cyfathrebu gofynion gweithredol dal pysgod i bawb sydd yn gysylltiedig â'r gweithgaredd
15. cynnal gwybodaeth gywir er mwyn cadw cofnodion wedi eu diweddaru o weithrediadau dal pysgod
16. cadarnhau bod yr holl waith yn cael ei wneud yn unol â gofynion bioddiogelwch, a bod yr holl wastraff a deunyddiau dros ben yn cael eu gwaredu'n gywir

1. eich cyfrifoldebau yn unol â deddfwriaeth amgylcheddol ac iechyd a diogelwch perthnasol a chodau ymarfer sydd yn gysylltiedig â gweithrediadau dal pysgod
2. sut i asesu'r risg sydd yn gysylltiedig â'r safle a gweithrediadau dal pysgod
3. pwysigrwydd dewis y dulliau gwaith priodol yn unol â'r risg sydd wedi ei asesu
4. pwysigrwydd defnyddio'r cyfarpar diogelu personol (PPE) cywir
5. sut, pryd a chan bwy i gael y trwyddedau/caniatâd angenrheidiol ar gyfer gweithrediadau dal pysgod
6. y cyfarpar diogelwch sydd yn hanfodol i gefnogi gweithrediadau pysgota
7. sut i gynllunio a rheoli gweithrediadau dal pysgod i fodloni'r amcanion pysgota sydd wedi eu trefnu, yn cynnwys dewis ardal bysgota briodol
8. sut mae gofynion adnoddau'n amrywio yn unol ag amodau amgylcheddol cyffredin a gweithrediadau dal pysgod
9. sut mae dal pysgod yn cael ei ddefnyddio i gefnogi rheolaeth ecolegol pysgodfa
10. y ffordd y gall gweithrediadau dal pysgod amharu ar bysgod a'u rhoi o dan straen
11. sut i gynnal cyflwr, iechyd a lles pysgod wedi eu dal trwy gydol y gweithrediadau dal pysgod
12. gofynion cynnal a chadw cyfarpar dal pysgod
13. yr egwyddorion a ddefnyddir mewn dulliau dal pysgod
14. y cyfyngiadau cyfreithiol perthnasol sy'n rheoli gweithrediadau dal pysgod
15. y ffordd y mae nodweddion y corff dŵr yn effeithio ar weithrediadau dal pysgod
16. pwysigrwydd cyfathrebu yn ystod gweithrediadau dal pysgod
17. dulliau samplu angheuol a rhai sydd ddim yn angheuol
18. y mathau o rwyd (e.e. rhwydi fyke, sân, drysu) a'u hegwyddorion gweithredu
19. sut i sefydlu a chynnal bioddiogelwch y pysgodfeydd yn ystod gweithrediadau dal pysgod