Cynllunio a rheoli gweithrediadau trydanbysgota i fodloni amcanion pysgota wedi ei drefnu

​

Mae'r safon hon yn ymwneud â chynllunio a rheoli gweithrediadau trydanbysgota i fodloni amcanion pysgota wedi ei drefnu yn ofalus ac yn effeithiol. Mae'n cynnwys gallu sefydlu a rheoli pob agwedd ar y gweithgaredd trydanbysgota.

Mae'r safon hon yn gofyn bod technegau trydanbysgota yn cael eu defnyddio, gan ystyried diben, amcanion pysgota, yr amodau amgylcheddol, effeithiolrwydd yr offer a dilyn manyleb y cynhyrchydd. Mae'r safon hon hefyd yn gofyn am gynnal cyflwr y pysgod wrth eu dal, storio, prosesu, casglu data a'u rhyddhau.

Mae'r safon hon yn gofyn eich bod yn cadarnhau bod gwaith yn cael ei gwblhau yn ddiogel, yn unol â gofynion iechyd a diogelwch cyfreithiol perthnasol a gofynion trwyddedu a'ch bod yn sicrhau bod y gwaith yn cynnal bioddiogelwch ac yn amharu cyn lleied â phosibl ar yr amgylchedd bob amser.

Bydd y ddeddfwriaeth berthnasol sydd yn rheoli cymhwyso'r safon hon yn amrywio yn dibynnu ar leoliad y bysgodfa – yng Nghymru, Lloegr, Gogledd Iwerddon neu'r Alban.

1. cadarnhau bod yr holl weithgareddau sy'n ofynnol i gynllunio a rheoli gweithrediadau trydanbysgota i fodloni'r amcanion pysgota a drefnwyd, yn cael eu gwneud yn ddiogel yn unol â gofynion iechyd a diogelwch perthnasol
2. asesu'r risg sydd yn gysylltiedig â'r safle a'r gweithgaredd trydanbysgota arfaethedig
3. dewis a gweithredu'r dulliau gwaith priodol yn unol â'r risg sydd wedi ei asesu
4. cynllunio gweithrediadau trydanbysgota i fodloni'r amcanion pysgota a drefnwyd
5. cael y trwydded(au)/caniatâd angenrheidiol ar gyfer gweithrediadau trydanbysgota gan yr awdurdodau perthnasol
6. rheoli'r gofynion gofynnol i gyflawni'r amcanion trydanbysgota a drefnwyd, gan ystyried nodweddion y corff dŵr, y rhywogaethau o bysgod a'r amodau amgylcheddol
7. cadarnhau bod y rheiny sydd yn gysylltiedig â'r gweithrediadau trydanbysgota yn defnyddio'r cyfarpar diogelu personol (PPE) priodol
8. cadarnhau bod y rheiny sydd yn gysylltiedig â gweithgareddau trydanbysgota wedi eu hyfforddi'n llawn, yn unol â gofynion perthnasol eich sefydliad
9. cadarnhau bod offer trydanbysgota yn cael ei baratoi a'i gynnal i'r safon gofynnol ar gyfer trydanbysgota
10. cadarnhau bod cyfleusterau cadw pysgod mewn cyflwr sydd yn addas ar gyfer derbyn, prosesu a chynnal iechyd a lles pysgod
11. rheoli gweithrediadau trydanbysgota i fodloni'r amcanion pysgota a drefnwyd mewn ardal bysgota fach, a gallu ymateb i amrywiadau
12. cadarnhau bod y tîm trydanbysgota yn defnyddio anaesthetig yn gywir yn ystod gweithrediadau trydanbysgota
13. addasu gweithrediadau trydanbysgota i ystyried newidiadau yn yr amodau amgylcheddol
14. cadarnhau bod pysgod sydd wedi'u dal yn cael eu prosesu'n gywir a goruchwylio cyflwr, iechyd a lles pysgod wedi'u dal, trwy gydol y gweithgareddau trydanbysgota
15. cadw gwybodaeth gywir er mwyn cadw cofnodion wedi eu diweddaru o weithrediadau trydanbysgota
16. cyfathrebu gofynion gweithredol trydanbysgota i bawb sydd yn gysylltiedig â'r gweithgaredd
17. os bydd digwyddiad, rhoi gweithdrefnau brys ar waith os oes angen
18. cadarnhau bod yr holl waith yn cael ei wneud yn unol â gofynion bioddiogelwch, a bod yr holl wastraff a'r deunyddiau dros ben yn cael eu gwaredu'n gywir

1. eich cyfrifoldebau yn unol â'r ddeddfwriaeth amgylcheddol ac iechyd a diogelwch perthnasol a'r codau ymarfer sydd yn gysylltiedig â gweithrediadau trydanbysgota
2. sut i asesu'r risg sydd yn gysylltiedig â'r safle a gweithrediadau trydanbysgota
3. pwysigrwydd dewis y dulliau gwaith priodol yn unol â'r risg sydd wedi ei asesu
4. pwysigrwydd defnyddio'r cyfarpar diogelu personol (PPE) cywir
5. sut, pryd a chan bwy i gael y trwydded(au)/caniatâd angenrheidiol ar gyfer gweithrediadau trydanbysgota
6. egwyddorion trydanbysgota a'i gyfyngiadau, manteision ac anfanteision
7. sut i gynllunio a rheoli gweithrediadau trydanbysgota i fodloni amcanion pysgota wedi'u trefnu, yn cynnwys dewis ardal bysgota briodol
8. y mathau o arolwg a ddefnyddir mewn trydanbysgota
9. sut mae gofynion adnoddau yn amrywio yn ôl math a lleoliad arolwg
10. sut gall morffoleg, tymheredd dŵr, dargludedd a maint pysgod effeithio ar weithgareddau trydanbysgota a'r canlyniadau
11. y mathau o wallau ac amrywiadau amgylcheddol sydd yn gallu effeithio ar weithrediadau trydanbysgota wedi ei drefnu
12. sut gall y defnydd cywir o gyfarpar trydanbysgota leihau'r niwed posibl i bysgod
13. pryd i ddefnyddio cychod bŵm ac anodau llaw
14. sut mae rhywogaethau gwahanol o bysgod yn ymateb wrth drydanbysgota a sut i gynnal cyflwr, iechyd a lles pysgod wedi eu dal trwy gydol gweithgareddau trydanbysgota
15. sut i addasu gweithrediadau trydanbysgota i roi cyfrif am niferoedd mawr o bysgod, trosglwyddiadau pysgod, a newidiadau i amodau dŵr
16. casglu data a gofynion cofnodi'r sefydliad
17. sut i adnabod arwyddion o straen mewn pysgod
18. pa anaesthetig sy'n cael ei ddefnyddio yn ystod gweithgareddau trydanbysgota a pham
19. sut i baratoi, defnyddio a gwaredu anaesthetig ar gyfer gweithrediadau trydanbysgota
20. sut i sefydlu a chynnal bioddiogelwch yr ardal bysgota yn ystod gweithgareddau trydanbysgota
21. pwysigrwydd cyfathrebu â'r tîm trydanbysgota yn ystod y gweithrediadau trydanbysgota

​

Anod

Electrod yw anod y mae cerrynt confensiynol yn llifo drwyddo i ddyfais drydanol wedi ei pholarieddio.

* *

Morffoleg

Cangen o fioleg sydd yn ymdrin ag astudiaeth ffurf a strwythur organebau a'u nodweddion strwythurol penodol.