Dal pysgod gan ddefnyddio dulliau trydanbysgota

​

Mae'r safon hon yn ymwneud â dal pysgod o bysgodfa gan ddefnyddio y dulliau trydanbysgota. Mae'n cynnwys pennu a yw'r amodau amgylcheddol yn briodol ar gyfer trydanbysgota. Mae hefyd yn cynnwys paratoi cyfarpar trydanbysgota i'w ddefnyddio, ynghyd â chychod, rhwydi a chyfarpar a ddefnyddir i gadw pysgod byw, sefydlu'r ardal bysgota a defnyddio cyfarpar trydanbysgota yn ddiogel i alluogi'r pysgod i gael eu dal. Mae'r gallu i arsylwi ac adrodd ar effeithiolrwydd y weithred o drydanbysgota yn bwysig hefyd.

Mae'r safon hon yn gofyn am sefydlu cyfarpar trydanbysgota ar y lan neu mewn gwarbac yn cynnwys y generadur, y blwch rheoli trydanbysgota, plwm, anodau a chathodau.

Mae'r safon hon yn galluogi addasu'r dulliau o ddal pysgod oherwydd niferoedd uchel pysgod, trosglwyddo pysgod, newidiadau yn amodau'r dŵr neu'r rhywogaethau.

Mae'r safon hon yn gofyn eich bod yn gwneud gwaith yn ddiogel yn unol â'r gofynion cyfreithiol ac iechyd a diogelwch perthnasol a'ch bod yn cynnal bioddiogelwch ac yn amharu cyn lleied â phosibl ar yr amgylchedd bob amser.

Bydd y ddeddfwriaeth berthnasol sydd yn rheoli'r gwaith o gymhwyso'r safon hon yn amrywio yn dibynnu ar y lleoliad – yng Nghymru, Lloegr, Gogledd Iwerddon neu'r Alban.

1. gwneud yr holl weithgareddau sy'n ofynnol i ddal pysgod yn ddiogel gan ddefnyddio technegau trydanbysgota yn unol â'r gofynion iechyd a diogelwch perthnasol
2. dewis a defnyddio cyfarpar diogelu personol (PPE) priodol ar gyfer y gwaith sy'n ofynnol
3. cael y fanyleb dal pysgod berthnasol
4. cadarnhau bod y drwydded/caniatâd perthnasol i drydanbysgota wedi'u sefydlu cyn dechrau'r gweithgaredd
5. cynnal asesiad risg i bennu a yw'n ddiogel i drydanbysgota
6. paratoi a chynnal a chadw'r cyfarpar i'r safon ofynnol ar gyfer trydanbysgota
7. paratoi unedau cadw pysgod addas i dderbyn, a chynnal amodau pysgod
8. paratoi'r ardal bysgota i leihau nifer y pysgod sydd yn dianc
9. dewis y foltedd priodol ar gyfer yr amodau i ddal, ond nid niweidio, y pysgod
10. gweithredu rhwydi ac anodau mewn tîm
11. parhau i gyfathrebu gyda'r tîm trwy gydol y gweithgareddau trydanbysgota
12. rheoli gweithgaredd trydanbysgota er mwyn sicrhau mai dim ond yr ardal bysgota a fwriadwyd sy'n cael ei heffeithio
13. arsylwi perfformiad y weithred o drydanbysgota, gan sicrhau cydymffurfio â'r fanyleb dal pysgod berthnasol
14. adnabod a chyfathrebu gyda'r tîm trydanbysgota am yr angen i atal neu addasu'r gweithgaredd o drydanbysgota
15. ymdrin â physgod wedi'u dal mewn ffordd sydd yn lleihau straen
16. monitro ac arsylwi adferiad pysgod ac adrodd am unrhyw arwyddion o straen, anhwylder neu annormalrwydd wrth y person priodol
17. rhoi gweithdrefnau brys ar waith os bydd digwyddiad tra'n cyflawni gweithgareddau trydanbysgota
18. diheintio, lle y bo'n briodol, a storio cyfarpar dal trydanbysgod ar ôl ei ddefnyddio, yn unol â'r gofynion
19. cynnal lefelau addas o fioddiogelwch wrth ddal pysgod gan ddefnyddio technegau trydanbysgota

1. eich cyfrifoldebau yn unol â deddfwriaeth amgylcheddol, iechyd a diogelwch perthnasol a chodau ymarfer sydd yn gysylltiedig â gweithgareddau trydanbysgota
2. pwysigrwydd defnyddio'r cyfarpar diogelu personol (PPE) cywir
3. pam mae pysgod yn cael eu dal fel rhan o weithrediadau rheoli pysgodfeydd
4. yr amodau amgylcheddol sy'n ofynnol ar gyfer cadw pysgod
5. y trwyddedau/caniatâd cywir sy'n ofynnol i drydanbysgota
6. pam trydanbysgota yw'r prif offeryn monitro ar gyfer llawer o bysgodfeydd
7. manteision ac anfanteision trydanbysgota
8. y ffordd y gall nodweddion naturiol mewn corff dŵr helpu i ddiffinio ardal bysgota
9. yr ystod o dechnegau trydanbysgota, yn cynnwys y ffyrdd y cânt eu defnyddio i bysgota mewn mathau gwahanol o gyrff dŵr (dŵr sy'n llifo a dŵr llonydd) yn effeithiol
10. pwysigrwydd sefydlu ardaloedd pysgota addas cyn trydanbysgota
11. egwyddorion trydanbysgota, yn cynnwys y ffordd y gall trydanbysgota niweidio pysgod
12. yr offer sy'n ofynnol i gefnogi trydanbysgota a sut i baratoi a chynnal a chadw yn barod ar gyfer ei weithredu'n ddiogel
13. pryd i ddefnyddio cychod bŵm ac anodau llaw wrth ddal pysgod tra'n trydanbysgota
14. pam y mae'n bwysig symud pysgod yn gyflym o'r maes trydan
15. ymateb disgwyliedig rhywogaethau gwahanol o bysgod yn ystod gweithgareddau trydanbysgota
16. sut i adnabod straen yn y pysgod sydd wedi cael eu syfrdanu
17. sut i adnabod arwyddion adferiad yn y pysgod sydd wedi cael eu syfrdanu
18. pam y mae'n bwysig i'r broses drydanbysgota weld pawb sydd yn gysylltiedig â'r gweithgaredd trydanbysgota
19. dargludedd dŵr a'i bwysigrwydd i'r cynllun a defnydd effeithiol o gyfarpar trydanbysgota
20. effaith bosibl amodau amgylcheddol niweidiol ar drydanbysgota
21. y ffordd y gall morffoleg, tymheredd dŵr a maint pysgod effeithio ar weithgareddau trydanbysgota
22. pwysigrwydd bioddiogelwch yn ystod gweithgareddau trydanbysgota

​

Dylai'r diffiniadau isod eich helpu i ddeall y safon:

Anod

Anod yw electrod y mae cerrynt confensiynol yn llifo drwyddo i mewn i ddyfais drydanol wedi'i pholareiddio.

Dargludedd

Gallu dŵr i ddargludo trydan

Unedau cadw

Cyfarpar a ddefnyddir i gadw pysgod byw e.e. bwcedi, biniau, tanciau ac ati

Morffoleg

Cangen o fioleg sydd yn ymdrin ag astudiaeth ffurf a strwythur organebau a'u nodweddion strwythurol penodol.

Amodau dŵr

Eglurder, llif dŵr, dyfnder, ac ati