Paratoi i stocio pysgod mewn pysgodfa

Mae’r safon hon yn ymwneud â pharatoi i stocio pysgod mewn pysgodfa. Mae’n cwmpasu sicrhau bod amodau’r dŵr yn briodol i dderbyn pysgod a bod y pysgod fydd yn cael eu rhyddhau yn iach ac mewn cyflwr addas i’w rhyddhau; mae’n cynnwys defnyddio tasgau arferol ac anarferol.

Mae’r safon hon yn gofyn bod y canlynol yn cael eu hasesu mewn cyrff dŵr:

• tymheredd y dŵr
• ansawdd y dŵr
• dyfnder
• a oes bwyd ar gael.

Mae’r safon hon yn gofyn eich bod yn gwneud gwaith yn ddiogel, yn unol â gofynion cyfreithiol a gofynion iechyd a diogelwch perthnasol, a’ch bod yn gweithio i gynnal bioddiogelwch a lleihau tarfu amgylcheddol bob amser.

1. cyflawni’r holl weithgareddau sy’n ofynnol i baratoi i stocio pysgod mewn pysgodfa yn ddiogel, yn unol â gofynion iechyd a diogelwch perthnasol
2. dewis a defnyddio cyfarpar diogelu personol (PPE) priodol ar gyfer y gwaith sy’n ofynnol
3. cael a chadarnhau trwyddedau/hawlenni perthnasol i stocio pysgod gan yr awdurdod priodol
4. cadarnhau bod y corff dŵr yn y bysgodfa (e.e. yr afon, y llyn, y pwll) yn addas ar gyfer y cynlluniau i stocio pysgod
5. nodi’r pwyntiau rhyddhau priodol ar y corff dŵr er mwyn bodloni anghenion amgylcheddol y pysgod sy’n cael eu rhyddhau
6. nodi rhywogaethau pysgod yn ôl math a chyflwr
7. cadarnhau bod dogfennaeth ar gael i gydymffurfio â gofynion cyfreithiol perthnasol
8. cynnal y lefelau hylendid a bioddiogelwch priodol wrth stocio pysgod mewn pysgodfa

1. y gofynion iechyd a diogelwch perthnasol sy’n gysylltiedig â pharatoi i stocio pysgod mewn pysgodfa
2. gofynion amgylcheddol rhywogaethau pysgod sy’n cael eu stocio’n gyffredin
3. y gofynion cyfreithiol perthnasol sy’n gysylltiedig â symud pysgod i mewn i bysgodfa a’u stocio yno
4. pam mae’n bwysig nad oes clefydau ar y pysgod i’w stocio
5. caniatadau stocio pysgod a sut a ble i gael trwyddedau/hawlenni i stocio pysgod mewn pysgodfa
6. sut i adnabod rhywogaethau pysgod yn ôl math a chyflwr
7. anghenion amgylcheddol pysgod sy’n cael eu stocio mewn pysgodfa
8. sut i adnabod cynefin ac amodau i gefnogi gwahanol gamau bywyd pysgod
9. y rhesymau pam y gall fod angen stocio pysgod a’r risg gysylltiedig
10. y ffactorau sy’n dylanwadu ar gapasiti cario pysgodfa
11. pwysigrwydd hylendid a bioddiogelwch a’u rôl o ran lleihau risgiau i’r bysgodfa

Corff dŵr – croniad sylweddol o ddŵr. Mae’r term gan amlaf yn cyfeirio at gefnforoedd, moroedd a llynnoedd, ond mae’n cynnwys pyllau llai o ddŵr fel pyllau a gwlypdiroedd.

Y “capasiti cario” yw nifer y pysgod y gall corff dŵr eu dal yn llwyddiannus.

Ffactorau sy’n effeithio ar gyrff dŵr:

• tymheredd y dŵr
• ansawdd y dŵr
• dyfnder
• a oes bwyd ar gael.

Caniatadau stocio:

Caniatâd i symud pysgod i bysgodfa ac ohoni.