Sefydlu a gosod systemau atal cerbydau

​Mae'r safon hon yn disgrifio sut i sefydlu a gosod systemau atal cerbydau (VRS). 

Mae'n cynnwys sefydlu, lleoli a gosod pyst a sefydlu a gosod cydrannau ar byst ar gyfer VRS, yn unol â'r cyfarwyddiadau a'r manylebau.

Os ydych yn defnyddio offer neu beiriannau bydd angen eich bod wedi cael hyfforddiant, ac yn meddu ar ardystiad cyfredol lle bo angen, yn unol â deddfwriaeth berthnasol.

Mae'r safon hon yn addas ar gyfer gosodwyr VRS sydd yn gweithio ar briffyrdd.

​

1. gwneud eich gwaith yn unol â deddfwriaeth amgylcheddol ac iechyd a diogelwch perthnasol, gofynion asesu risg a pholisïau a gweithdrefnau'r cwmni
2. gwisgo dillad ac offer amddiffynnol personol (PPE) addas
3. gwneud eich gwaith yn unol â'r cyfarwyddiadau a'r manylebau
4. dewis a pharatoi'r offer, y cyfarpar a'r adnoddau gofynnol
5. gwirio er mwyn cadarnhau bod amgylchedd gwaith diogel wedi cael ei sefydlu
6. cael cydrannau o'r math, y deunydd, yr ansawdd a'r radd benodol sy'n ofynnol i wneud y gwaith
7. defnyddio'r arferion gwaith a argymhellir gan y diwydiant i sefydlu a gosod cymhorthion ar gyfer systemau atal cerbydau ar linellau, lefelau ac onglau penodedig yn unol â'r cyfarwyddiadau a'r manylebau
8. defnyddio arferion gwaith a argymhellir gan y diwydiant i gydosod systemau atal cerbydau i fodloni'r cyfarwyddiadau a'r manylebau
9. defnyddio arferion gwaith a argymhellir gan y diwydiant i sefydlu, gosod, tensiynu lle bo angen a gosod cydrannau wedi eu cydosod yn ddiogel ar linellau a lefelau penodedig
10. cynnal integredd gorffeniadau amddiffynnol wrth osod
11. defnyddio, cynnal a chadw a storio offer, cyfarpar ac adnoddau yn ddiogel ac mewn cyflwr glân y gellir eu gwasanaethu
12. monitro a chadw arwyddion a rhwystrau amddiffynnol mewn cyflwr gweithredol da, o fewn lefel eich cyfrifoldeb
13. gwaredu gwastraff a deunyddiau dros ben yn ddiogel i leihau risg amgylcheddol, yn unol â'r gofynion cyfreithiol perthnasol
14. gwneud eich gwaith mewn ffordd sydd yn effeithio cyn lleied â phosibl ar yr ardal gyfagos, defnyddwyr eraill y safle ac unrhyw un arall a allai fod wedi ei effeithio

​

1. y gofynion amgylcheddol ac iechyd a diogelwch perthnasol sydd yn gysylltiedig â sefydlu, lleoli a gosod systemau atal cerbydau
2. y math o ddillad ac offer amddiffynnol personol (PPE) sydd yn addas ar gyfer y dasg i'w chyflawni
3. y gofynion a'r gweithdrefnau perthnasol ar gyfer cael mynediad i'r safle
4. y rhesymau dros reoli traffig wrth weithio gyferbyn â phriffyrdd a systemau trafnidiaeth eraill
5. y mathau o arwyddion a rhwystrau amddiffynnol a ddefnyddir yn y diwydiant ffensio
6. y gofynion iechyd a diogelwch sydd yn gysylltiedig â gosod arwyddion a rhwystrau, yn cynnwys cynlluniau trwydded waith
7. ble i gael y cyfarwyddiadau a'r manylebau sy'n ofynnol i wneud eich gwaith 
8. y mathau o offer a chyfarpar a ddefnyddir ar gyfer sefydlu a gosod systemau atal cerbydau a sut i baratoi, defnyddio a chynnal a chadw'r rhain yn ddiogel ac yn gywir
9. y mathau gwahanol ac adeiladwaith systemau ffensys diogelwch cerbydau
10. y cydrannau a ddefnyddir mewn cysylltiad â ffensys diogelwch cerbydau a'u defnydd
11. y dulliau a ddefnyddir ar gyfer cydosod ffensys diogelwch cerbydau a chydrannau ffensys
12. yr arferion gwaith a argymhellir yn y diwydiant a ddefnyddir ar gyfer trin a gosod pyst
13. yr arferion gwaith a argymhellir yn y diwydiant ar gyfer darparu cymhorthion dros dro ac alinio a lefelu pyst wedi eu gosod mewn concrid
14. y rhesymau dros, a'r dulliau ar gyfer, gosod pyst i ganiatáu ar gyfer tensiwn
15. y ffactorau sy'n effeithio ar sefydlu a'r dull o osod pyst a chydrannau
16. y mathau o ôl-lenwi a'r dulliau atgyfnerthu
17. y rhagofalon i'w cymryd i osgoi afluniad yn ystod y broses densiynu
18. yr arferion gwaith a argymhellir yn y diwydiant ar gyfer gosod deunyddiau ffensys ar byst
19. y materion sydd yn digwydd wrth gyfuno mathau gwahanol o ddeunyddiau
20. y mathau gwahanol o orffeniadau amddiffynnol a ddefnyddir ar gyfer systemau atal cerbydau, pam y caiff y rhain eu defnyddio a'r dulliau o gynnal eu huniondeb wrth eu gosod
21. y rhesymau ar gyfer defnyddio trosiannau a sut cânt eu gosod
22. y rhesymau dros ddefnyddio terfynell a sut caiff ei gosod
23. terfynau eich cyfrifoldeb wrth ymdrin ag anawsterau sydd yn codi yn ystod y gwaith
24. y gofynion cyfreithiol perthnasol sy'n rheoli'r gwaith o waredu gwastraff a deunyddiau dros ben
25. y gofynion storio ar gyfer offer, cyfarpar ac adnoddau
26. y gofynion storio ar gyfer arwyddion a rhwystrau amddiffynnol
27. sut i leihau effaith eich gwaith ar yr ardal gyfagos, defnyddwyr eraill y safle ac unrhyw un arall a allai fod wedi ei effeithio

​Gallai cyfarwyddiadau a manylebau gynnwys:

• cynlluniau/darluniau
• amserlenni
• datganiadau dull
• Gweithdrefnau Gweithredu Safonol (SOP)
• canllawiau cynhyrchwyr
• gofynion cwsmeriaid
• safonau ansawdd e.e. BSI, CE
• cyfarwyddiadau llafar