Cloddio, paratoi a ffurfio sylfeini ar gyfer systemau atal cerbydau

​Mae'r safon hon yn disgrifio sut i gloddio, paratoi a ffurfio sylfeini ar gyfer systemau atal cerbydau (VRS). 

Mae'n cynnwys cloddio, paratoi a ffurfio sylfeini ar gyfer VRS yn unol â'r cyfarwyddiadau a'r manylebau.

Os ydych yn defnyddio offer neu gyfarpar bydd angen eich bod wedi cael hyfforddiant, ac yn meddu ar ardystiad cyfredol lle bo angen, yn unol â deddfwriaeth berthnasol.

Mae'r safon hon yn addas ar gyfer gosodwyr VRS sydd yn gweithio ar briffyrdd.

​

1. gwneud eich gwaith yn unol â deddfwriaeth amgylcheddol ac iechyd a diogelwch perthnasol, gofynion asesu risg a pholisïau a gweithdrefnau'r cwmni
2. gwisgo dillad ac offer amddiffynnol personol (PPE) addas
3. gwneud eich gwaith yn unol â'r cyfarwyddiadau a'r manylebau
4. dewis a pharatoi'r offer, y cyfarpar a'r adnoddau gofynnol
5. gwirio er mwyn cadarnhau bod amgylchedd gwaith diogel wedi cael ei sefydlu
6. defnyddio arferion gwaith a argymhellir gan y diwydiant i gloddio a pharatoi'r ddaear yn unol â'r cyfarwyddiadau a'r manylebau gofynnol
7. gosod concrid a'i gywasgu i'r ffurf er mwyn cryfder, maint, proffil a gorffeniad y sylfaen ar gyfer systemau atal cerbydau yn unol â'r cyfarwyddiadau a'r manylebau
8. sefydlu'r ddarpariaeth ofynnol i gynnal y gwaith o osod pyst yn y dyfodol
9. defnyddio, cynnal a chadw a storio offer, cyfarpar ac adnoddau yn ddiogel ac mewn cyflwr glân y gellir eu gwasanaethu
10. monitro a chadw arwyddion a rhwystrau amddiffynnol mewn cyflwr gweithredol da o fewn lefel eich cyfrifoldeb
11. gwaredu gwastraff a deunyddiau dros ben i leihau'r risg amgylcheddol, yn unol â'r gofynion cyfreithiol perthnasol
12. gwneud eich gwaith mewn ffordd sy'n cael yr effaith leiaf posibl ar yr ardal gyfagos, defnyddwyr eraill y safle ac unrhyw un arall a allai fod wedi ei effeithio

​

1. y gofynion amgylcheddol ac iechyd a diogelwch perthnasol sydd yn gysylltiedig â gwaith cloddio
2. y math o ddillad ac offer amddiffynnol personol (PPE) sydd yn addas ar gyfer y dasg i'w chyflawni
3. y gofynion a'r gweithdrefnau perthnasol ar gyfer cael mynediad i'r safle
4. y rhesymau dros reoli traffig wrth weithio gyferbyn â phriffyrdd a systemau trafnidiaeth eraill
5. y mathau o arwyddion a rhwystrau amddiffynnol a ddefnyddir yn y diwydiant ffensio
6. y gofynion iechyd a diogelwch sydd yn gysylltiedig â gosod arwyddion a rhwystrau, yn cynnwys cynlluniau trwydded waith
7. ble i gael y cyfarwyddiadau a'r manylebau sy'n ofynnol i wneud eich gwaith  
8. y mathau o offer a chyfarpar a ddefnyddir ar gyfer cloddio tyllau pyst a ffosydd stribed a sut i baratoi, defnyddio a chynnal a chadw'r rhain yn ddiogel ac yn gywir
9. y gweithdrefnau i'w dilyn pan fydd gwasanaethau neu is-strwythurau anhysbys yn cael eu canfod

10. y gweithdrefnau i'w dilyn os yw'r gwasanaethau neu'r is-strwythurau wedi eu niweidio

11. sut a phryd y dylid defnyddio cymhorthion dros dro i gefnogi cloddfeydd

12. y rhagofalon i'w cymryd pan fydd siafftiau neu is-strwythurau cudd yn cael eu canfod
13. y dulliau a'r cymarebau a ddefnyddir ar gyfer cymysgu, gosod, cywasgu, gorffen a chaledu concrid
14. y dulliau a ddefnyddir ar gyfer ffurfio pocedi mewn concrid ar gyfer gosod pyst yn y dyfodol
15. y technegau a ddefnyddir ar gyfer ffurfio eitemau gosod
16. sut i ffurfio sylfaen mewn daear feddal neu ansefydlog
17. terfynau eich cyfrifoldeb wrth ymdrin ag anawsterau sydd yn codi yn ystod y gwaith
18. y gofynion storio ar gyfer offer, cyfarpar ac adnoddau
19. y gofynion storio ar gyfer arwyddion a rhwystrau amddiffynnol
20. y gofynion cyfreithiol perthnasol sy'n rheoli'r gwaith o waredu gwastraff a deunyddiau dros ben
21. sut i leihau effaith eich gwaith ar yr ardal gyfagos, defnyddwyr eraill y safle ac unrhyw un arall a allai fod wedi ei effeithio

​Gallai cyfarwyddiadau a manylebau gynnwys:

• cynlluniau/darluniau
• amserlenni
• datganiadau dull
• Gweithdrefnau Gweithredu Safonol (SOP)
• canllawiau'r cynhyrchydd
• gofynion y cwsmer
• safonau ansawdd e.e. BSI, CE
• cyfarwyddiadau llafar