Derbyn, ymdrin a storio deunyddiau ffensio ar y safle

​Mae'r safon hon yn disgrifio sut i dderbyn, ymdrin a storio deunyddiau ffensio ar y safle. 

Mae'r safon hon yn cynnwys:

–  derbyn deunyddiau ffensio

–  dadlwytho ac ymdrin â deunyddiau ffensio yn ddiogel

–  storio deunyddiau ffensio er mwyn sicrhau mynediad pan fo angen

–  storio deunyddiau ffensio i atal niwed neu golled.

Os ydych yn defnyddio offer codi dylech fod wedi cael hyfforddiant, ac yn meddu ar ardystiad cyfredol lle bo angen, yn unol â deddfwriaeth berthnasol.

Mae'r safon hon yn addas ar gyfer gosodwyr ffensys.  Gellir ei chymhwyso i gefnogi unrhyw weithrediad gosod ffensys.

​

1. gwneud eich gwaith yn unol â deddfwriaeth amgylcheddol ac iechyd a diogelwch perthnasol, gofynion asesu risg a pholisïau a gweithdrefnau'r cwmni
2. gwisgo dillad ac offer amddiffynnol personol (PPE) addas
3. cael y wybodaeth ofynnol i allu derbyn a storio deunyddiau ffensio ar y safle
4. gwirio math, ansawdd a faint o ddeunyddiau sydd wedi eu derbyn yn erbyn y wybodaeth, y cyfarwyddiadau a'r manylebau a chymryd y camau gofynnol i ymdrin ag ymholiadau ac anghysondebau
5. defnyddio'r offer perthnasol a chymhwyso technegau ymdrin â llaw yn ddiogel a symud deunyddiau ffensio yn ddiogel
6. ymdrin â deunyddiau yn ddiogel yn unol â'u nodweddion, yn cynnwys deunyddiau peryglus
7. storio deunyddiau yn ddiogel mewn ardaloedd neilltuol, yn unol â'r cyfarwyddiadau a'r manylebau er mwyn atal colled neu niwed a diogelu rhag yr amgylchedd
8. gwneud eich gwaith mewn ffordd sy'n achosi'r effaith leiaf posibl ar yr ardal gyfagos, defnyddwyr eraill y safle ac unrhyw un arall a allai fod wedi eu heffeithio

​

1. y gofynion amgylcheddol ac iechyd a diogelwch perthnasol sydd yn gysylltiedig ag ymdrin a storio deunyddiau ffensio ar y safle
2. y math o ddillad ac offer amddiffynnol personol (PPE) sydd yn addas ar gyfer y dasg i'w chwblhau
3. ble i gael y cyfarwyddiadau a'r manylebau sy'n ofynnol i wneud y gwaith
4. y mathau a dibenion ffynonellau gwybodaeth gwahanol am y deunyddiau a dderbyniwyd
5. pwysigrwydd trin a symud deunydd ffensio yn ddiogel
6. y rhagofalon i'w cymryd wrth ymdrin â deunyddiau peryglus
7. y gofynion storio ar gyfer mathau gwahanol o ddeunyddiau
8. diben a'r defnydd cywir o stribedi gofodi wrth storio
9. pwysigrwydd gweithdrefnau cylchdroi stoc sydd yn gysylltiedig ag oes silff
10. effeithiau niwed amgylcheddol ar ddeunyddiau a'r camau ataliol i'w cymryd i gyfyngu'r effeithiau hyn
11. sut i ymdrin ag ymholiadau ac anghysondebau a nodir
12. sut i leihau effaith eich gwaith ar yr ardal gyfagos, defnyddwyr eraill y safle ac unrhyw un arall a allai fod wedi eu heffeithio

Gallai gwybodaeth gynnwys:

• archebion
• anfonebau
• nodiadau dosbarthu
• pwysau
• gwybodaeth codi
• gwybodaeth storio
• taflenni data COSHH
• manylebau

Gallai cyfarwyddiadau a manylebau gynnwys:

• cynlluniau/darluniau
• amserlenni
• datganiadau dull
• Gweithdrefnau Gweithredu Safonol (SOP)
• canllawiau cynhyrchwyr
• gofynion cwsmeriaid
• safonau ansawdd e.e. BSI, CE
• cyfarwyddiadau llafar