Sefydlu llinellau a lefelau ar y safle

​Mae'r safon hon yn disgrifio sut i sefydlu llinellau a lefelau ar y safle wrth osod ffensys. 

Mae'n cynnwys gweithio yn unol â manylebau i sefydlu mannau cyfeirio i osod llinellau a lefelau ar safle ffensio.

Mae'r safon hon yn addas ar gyfer gosodwyr ffensys. Gellir ei chymhwyso i gefnogi unrhyw weithrediad gosod ffensys.

​

1. gwneud eich gwaith yn unol â deddfwriaeth amgylcheddol ac iechyd a diogelwch, gofynion asesu risg a pholisïau a gweithdrefnau'r cwmni
2. gwisgo dillad ac offer amddiffynnol personol (PPE) addas
3. gwneud eich gwaith yn unol â'r cyfarwyddiadau a'r manylebau
4. dewis a pharatoi'r offer a'r cyfarpar gofynnol
5. cadarnhau bod amgylchedd gwaith diogel wedi cael ei sefydlu
6. nodi ac adrodd ynghylch unrhyw amrywiadau rhwng cyfarwyddiadau a manylebau a dimensiynau gwirioneddol y safle
7. sefydlu llinellau a lefelau yn gywir, gan weithio o fannau cyfeirio
8. defnyddio, cynnal a chadw a storio offer a chyfarpar yn ddiogel ac mewn cyflwr glân a hawdd i'w gwasanaethu
9. gwneud eich gwaith mewn ffordd sy'n achosi'r effaith leiaf posibl ar yr ardal gyfagos, defnyddwyr eraill y safle ac unrhyw un arall a allai fod wedi ei effeithio

​

1. y gofynion amgylcheddol ac iechyd a diogelwch perthnasol sydd yn gysylltiedig â sefydlu llinellau a lefelau ar y safle
2. y math o ddillad ac offer amddiffynnol personol (PPE) sydd yn addas ar gyfer y dasg i'w chyflawni
3. y gofynion a'r gweithdrefnau perthnasol ar gyfer cael mynediad at y safle
4. y gofynion penodol ar gyfer cynlluniau trwyddedau gwaith
5. y mathau o arwyddion a rhwystrau amddiffynnol a ddefnyddir yn y diwydiant ffensio
6. y rhesymau dros reoli traffig wrth weithio yn agos at briffyrdd a systemau trafnidiaeth eraill
7. ble i gael y cyfarwyddiadau a'r manylebau sy'n ofynnol ar gyfer gwneud y gwaith
8. y rhesymau dros sefydlu mannau cyfeirio a'r dulliau o wneud hyn a sut i'w diogelu rhag symud yn ystod y gwaith
9. y dulliau o drosglwyddo lefelau
10. achosion posibl amrywiadau rhwng dimensiynau penodedig a gwirioneddol y safle
11. y dulliau a ddefnyddir ar gyfer nodi a gosod llinellau a lefelau
12. y dulliau a ddefnyddir ar gyfer sefydlu newid mewn cyfeiriad, yn cynnwys onglau a chromliniau
13. sut i sefydlu mannau mynediad ac allanfeydd
14. pwysigrwydd cynnal llinellau ffiniau
15. terfynau eich cyfrifoldeb wrth ymdrin ag anawsterau sydd yn codi yn ystod y gwaith
16. y gofynion storio ar gyfer offer a chyfarpar
17. sut i leihau effaith eich gwaith ar yr ardal gyfagos, defnyddwyr eraill y safle ac unrhyw un arall a allai fod wedi eu heffeithio

​Gallai'r cyfarwyddiadau a'r manylebau gynnwys:

• cynlluniau/darluniau
• amserlenni
• datganiadau dull
• Gweithdrefnau Gweithredu Safonol (SOP)
• canllawiau cynhyrchwyr
• gofynion cwsmeriaid
• safonau ansawdd e.e. BSI, CE
• cyfarwyddiadau llafar