Sefydlu a gosod gatiau a rhwystrau llaw

​Mae'r safon hon yn disgrifio sut i sefydlu a gosod gatiau a rhwystrau. 

Mae'r safon yn cynnwys sefydlu a gosod gatiau a rhwystrau ar byst, yn unol â manylebau. 

Mae'n cynnwys yr ystod lawn o gatiau a rhwystrau llaw a ddefnyddir gan y diwydiant ffensio.

Os ydych yn defnyddio offer neu beiriannau bydd angen eich bod wedi cael hyfforddiant, ac yn meddu ar ardystiad cyfredol lle bo angen, yn unol â deddfwriaeth berthnasol.

Mae'r safon hon yn addas ar gyfer gosodwyr ffensys.  Gellir ei chymhwyso i gefnogi unrhyw weithrediad gosod ffensys.

​

1. gwneud eich gwaith yn unol â deddfwriaeth amgylcheddol ac iechyd a diogelwch perthnasol, gofynion asesu risg a pholisïau a gweithdrefnau'r cwmni
2. gwisgo dillad ac offer amddiffynnol personol (PPE) addas
3. gwneud eich gwaith yn unol â'r cyfarwyddiadau a'r manylebau
4. dewis a pharatoi'r offer a'r cyfarpar gofynnol
5. gwirio er mwyn cadarnhau bod amgylchedd gwaith diogel wedi cael ei sefydlu
6. sicrhau bod pyst â'r fanyleb gywir ar gyfer pwysau'r giât neu'r rhwystr
7. cael cydrannau giât neu rwystr â gosodiadau o fath, deunydd, ansawdd a gradd benodedig
8. defnyddio arferion gwaith wedi eu hargymell gan y diwydiant i baratoi a chydosod cydrannau giât neu rwystr llaw i fodloni'r cyfarwyddiadau a'r manylebau
9. nodi ac asesu pwysau a chanolbwynt cydbwysedd y giât neu'r rhwystr
10. defnyddio arferion gwaith a argymhellir gan y diwydiant i sefydlu a gosod y giât neu rwystr llaw yn ddiogel
11. cadarnhau bod y giât neu'r rhwystr wedi ei alinio'n iawn ac yn agor, yn cau ac yn bachu'n gywir a gwneud unrhyw addasiadau lle bo angen
12. cynnal integredd gorffeniadau amddiffynnol wrth osod
13. defnyddio, cynnal a chadw a storio offer a chyfarpar yn ddiogel ac mewn cyflwr glân a hawdd eu gwasanaethu
14. gwaredu gwastraff a deunyddiau dros ben yn ddiogel i leihau perygl amgylcheddol, yn unol â'r gofynion cyfreithiol perthnasol
15. gwneud eich gwaith mewn ffordd sydd yn effeithio cyn lleied â phosibl ar yr ardal gyfagos, defnyddwyr eraill y safle ac unrhyw un arall a allai fod wedi eu heffeithio

​

1. y gofynion amgylcheddol ac iechyd a diogelwch perthnasol sydd yn gysylltiedig â pharatoi, sefydlu a gosod gatiau a rhwystrau
2. y peryglon a'r risg ychwanegol sydd yn gysylltiedig â gosod gatiau a rhwystrau dros ddau fetr o uchder
3. y math o ddillad ac offer amddiffynnol personol (PPE) sydd yn addas ar gyfer y dasg
4. y gofynion a'r gweithdrefnau perthnasol ar gyfer cael mynediad i'r safle
5. y gofynion penodol ar gyfer cynlluniau trwydded waith
6. y mathau o arwyddion a rhwystrau amddiffynnol a ddefnyddir yn y diwydiant ffensio
7. y rhesymau dros reoli traffig wrth weithio gerllaw priffyrdd a systemau trafnidiaeth eraill
8. ble i gael y cyfarwyddiadau a'r manylebau sy'n ofynnol i wneud y gwaith
9. y mathau o offer a chyfarpar a ddefnyddir ar gyfer sefydlu a gosod gatiau neu rwystrau a sut i baratoi, defnyddio a chynnal a chadw'r rhain yn ddiogel ac yn gywir
10. y gofynion cyfreithiol perthnasol ar gyfer defnyddio offer a chyfarpar pŵer
11. pwysigrwydd sicrhau bod y pyst â'r fanyleb gywir ar gyfer pwysau'r giât neu'r rhwystr
12. y cydrannau a'r gosodiadau sy'n ofynnol ar gyfer y math o giât neu rwystr llaw sy'n cael ei osod a'u diben
13. y dulliau a ddefnyddir ar gyfer gydosod cydrannau gatiau neu rwystrau
14. sut i nodi ac asesu pwysau a chanolbwynt cydbwysedd gatiau neu rwystrau
15. y dulliau a ddefnyddir ar gyfer gosod gatiau neu rwystrau llaw ar byst
16. y dulliau a ddefnyddir ar gyfer alinio gatiau a rhwystrau er mwyn iddynt agor, cau a bachu'n gywir
17. y mathau gwahanol o orffeniadau amddiffynnol, pam y cânt eu defnyddio a'r dulliau o gynnal eu hintegredd wrth eu gosod
18. terfynau eich cyfrifoldeb wrth ymdrin ag anawsterau sydd yn codi yn ystod y gwaith
19. y gofynion cyfreithiol perthnasol sy'n rheoli gwaredu gwastraff a deunyddiau dros ben
20. y gofynion storio ar gyfer offer a chyfarpar
21. sut i leihau effaith eich gwaith ar yr ardal gyfagos, defnyddwyr eraill y safle ac unrhyw un arall a allai fod wedi ei effeithio

​Gallai cydrannau gatiau neu rwystrau gynnwys:

• pyst
• giât
• rhwystr
• cyplysau
• colynnau
• systemau rhedeg (gatiau sy'n llithro)
• system gloi/fachu

Gallai cyfarwyddiadau a manylebau gynnwys:

• cynlluniau/darluniau
• amserlenni
• datganiadau dull
• Gweithdrefnau Gweithredu Safonol (SOP)
• canllawiau cynhyrchwyr
• gofynion cwsmeriaid
• safonau ansawdd e.e. BSI, CE
• cyfarwyddiadau llafar

​LANFe23 Sefydlu a gosod gatiau a rhwystrau pŵer