Rheoli adnoddau i gefnogi gosod ffensys

​Mae'r safon hon yn disgrifio sut i reoli'r adnoddau sy'n ofynnol i gefnogi gosod ffensys. Mae'n cynnwys adnoddau dynol a ffisegol.

Mae'r safon hon yn cynnwys:

• nodi'r gofynion sgiliau ar gyfer gosod ffensys
• trefnu pobl i fodloni'r gofynion sgiliau
• monitro perfformiad cyflogeion a chontractwyr
• ysgogi pobl
• hyfforddi pobl
• trefnu offer a chyfarpar i gefnogi gosod ffensys
• cynnal a chadw offer a chyfarpar.

Mae'r safon hon yn addas ar gyfer goruchwylwyr gosod ffensys.  Gellir ei chymhwyso i gefnogi unrhyw weithrediad gosod ffensys.

Rheoli adnoddau dynol i gefnogi gosod ffensys

1. cadarnhau bod polisïau iechyd a diogelwch a gofynion asesu risg yn cael eu rhoi ar waith ar draws eich maes cyfrifoldeb
2. cadarnhau bod y gweithlu'n gwisgo dillad ac offer amddiffynnol personol (PPE) i wneud y gwaith gofynnol
3. monitro iechyd, llesiant a diogelwch y gweithlu
4. defnyddio'r gweithlu gan gadarnhau bod ganddynt y sgiliau, yr hyfforddiant a'r ardystiad gofynnol i wneud y gwaith ac yn meddu ar y trwyddedau gofynnol a chardiau a gydnabyddir gan y diwydiant i weithio ar y safle
5. cadarnhau bod y gweithlu wedi cael gwybod am y safonau gwaith gofynnol ac ymddygiad ar y safle
6. monitro ansawdd a dibynadwyedd y gweithlu
7. cefnogi'r gweithlu er mwyn sicrhau y gellir cyflawni'r gwaith o osod ffensys
8. nodi ac ymdrin â diffygion y gweithlu sy'n effeithio ar gyflawni'r gwaith o osod ffensys

Rheoli adnoddau ffisegol i gefnogi gosod ffensys

1.  nodi'r gofynion ar gyfer offer a/neu beiriannau er mwyn gwneud y gwaith o'r cyfarwyddiadau a'r manylebau
2.  cael offer a/neu beiriannau addas i gefnogi gofynion y gwaith o osod ffensys
3. gwirio a chadarnhau bod yr offer a/neu'r peiriannau yn bodloni gofynion gweithredol a gofynion cyfreithiol perthnasol
4. defnyddio offer a/neu beiriannau i gefnogi gofynion y gwaith o osod ffensys
5. cadarnhau bod gan y defnyddwyr y sgiliau, yr hyfforddiant a'r ardystiad gofynnol i weithredu'r offer a/neu'r peiriannau
6. cadarnhau bod yr offer a/neu'r peiriannau wedi eu paratoi a'u defnyddio'n ddiogel, ac yn cael eu cadw mewn cyflwr sydd yn hawdd eu gwasanaethu
7. cadarnhau bod y gofynion cynnal a chadw ac atgyweirio ar gyfer offer a/neu beiriannau yn cael eu bodloni a'u cofnodi, yn unol â gweithdrefnau'r cwmni
8. sicrhau bod gofynion diogeledd a diogelwch ar gyfer storio offer a/neu beiriannau yn cael eu cynnal

​Rheoli adnoddau dynol i gefnogi gosod ffensys

1. sut i gyfathrebu polisïau iechyd a diogelwch a gofynion asesu risg i'r rheiny sydd yn gwneud y gwaith, a chadarnhau eu bod wedi deall eu cyfrifoldebau
2. y math o ddillad ac offer amddiffynnol personol (PPE) y dylid eu gwisgo
3. iechyd, llesiant a gofynion diogelwch sydd yn gysylltiedig â gwaith gosod ffensys
4. sut i sicrhau bod gan y gweithlu'r sgiliau, yr hyfforddiant a'r ardystiad gofynnol i wneud y gwaith, a bod ganddynt y trwyddedau gofynnol a'r cardiau a gydnabyddir gan y diwydiant i weithio ar y safle
5. sut i sefydlu ansawdd a dibynadwyedd gweithlu
6. manteision ac anfanteision sydd yn gysylltiedig â gweithluoedd gwahanol yn cynnwys cyflogeion yn unig, contractwyr yn unig a chyflogeion sydd yn cydweithio
7. gweithdrefnau gwerthuso ac adrodd y cwmni a ddefnyddir i reoli'r defnydd o'r gweithlu a'u haddasrwydd
8. sut i ymdrin â diffygion gweithlu
9. sut i gefnogi'r gweithlu i gyflawni'r gwaith a gynlluniwyd o osod ffensys
10. sut i roi cyfarwyddyd i bobl a'u hyfforddi i gyflawni'r sgiliau sy'n ofynnol ar gyfer gosod ffensys

​Gallai cyfarwyddiadau a manylebau gynnwys:

• cynlluniau/darluniau
• amserlenni
• datganiadau dull
• Gweithdrefnau Gweithredu Safonol (SOP)
• canllawiau'r cynhyrchydd
• gofynion y cwsmer
• safonau ansawdd e.e. BSI, CE
• cyfarwyddiadau llafar