Trefnu’r safle ar gyfer gosod ffensys

​Mae'r safon hon yn disgrifio sut i drefnu'r safle ar gyfer gosod ffensys.

Mae'r safon hon yn cynnwys:

• paratoi'r safle
• cadarnhau bod trefniadau diogelwch priodol wedi eu sefydlu
• cyfathrebu gofynion y safle i ddefnyddwyr y safle.

Mae'r safon hon yn addas ar gyfer goruchwylwyr gosod ffensys.  Gellir ei chymhwyso i gynorthwyo unrhyw weithrediad gosod ffensys.

​

1. cwblhau asesiad risg sy'n benodol i'r safle i nodi peryglon
2. cadarnhau bod polisïau amgylcheddol ac iechyd a diogelwch a gofynion asesu risg yn cael eu rhoi ar waith ar draws eich maes cyfrifoldeb
3. cadarnhau bod y gofynion ar gyfer offer amddiffynnol personol (PPE) wedi eu cyfathrebu i ddefnyddwyr y safle
4. parhau i gyfathrebu gyda'r rheiny sydd yn gysylltiedig â'ch gwaith, neu wedi eu heffeithio ganddo
5. cadarnhau bod arwyddion a rhwystrau wedi eu sefydlu, lle bo angen, i ddiogelu pobl a chreu amgylchedd gwaith diogel
6. trefnu'r safle ar gyfer gosod ffensys i leihau'r effaith ar yr ardal gyfagos, defnyddwyr eraill y safle ac unrhyw un arall a allai fod wedi ei effeithio
7. trefnu'r safle i amharu cyn lleied â phosibl ar y gwaith arfaethedig
8. cadarnhau bod cynllun yr ardal waith, yn cynnwys mannau mynediad a gadael, wedi eu nodi'n glir a'u cyfathrebu i ddefnyddwyr y safle
9. cadarnhau bod trefniadau diogelwch y safle yn bodloni'r gofynion ar gyfer personél, offer a diogelu deunyddiau
10. cadarnhau bod systemau wedi eu sefydlu ar gyfer gwaredu gwastraff a deunydd dros ben yn ddiogel er mwyn lleihau'r risg amgylcheddol, yn unol â gofynion cyfreithiol perthnasol

​

1. sut i gynnal asesiad risg a pham mae hyn yn bwysig
2. sut i gyfathrebu polisïau a gweithdrefnau amgylcheddol ac iechyd a diogelwch a gofynion asesu risg i ddefnyddwyr y safle, a chadarnhau eu bod yn deall eu cyfrifoldebau
3. y math o ddillad ac offer amddiffynnol personol (PPE) y dylid eu gwisgo ar y safle
4. pwysigrwydd parhau i gyfathrebu gyda'r rheiny sydd yn gysylltiedig â'ch gwaith, neu wedi eu heffeithio ganddo
5. sut caiff manylebau a gofynion gwaith ar gyfer gosod ffensys eu defnyddio i bennu gosod a sefydlu safleoedd
6. sut i drefnu gweithrediadau safle i leihau'r effaith bosibl ar yr ardal gyfagos, defnyddwyr eraill y safle ac unrhyw un arall a allai fod wedi ei effeithio 
7. sut i sefydlu ardal waith ddiogel ac effeithlon
8. y gofynion cyfreithiol a safle perthnasol ar gyfer defnyddio arwyddion, rhwystrau diogelu a systemau rheoli traffig
9. pwysigrwydd cadw enw da'r cwmni
10. gofynion diogelwch y safle ar gyfer diogelu personél, offer a deunyddiau
11. y gofynion cyfreithiol perthnasol sy'n rheoli gwaredu gwastraff a deunyddiau dros ben

​Gallai manylebau gynnwys:

• cynlluniau/darluniau
• amserlenni
• datganiadau dull
• Gweithdrefnau Gweithredu Safonol (SOP)
• canllawiau'r cynhyrchydd
• gofynion y cwsmer
• safonau ansawdd e.e. BSI, CE