Goruchwylio’r gwaith o sefydlu a chynnal llinellau a lefelau

​Mae'r safon hon yn disgrifio sut i oruchwylio'r gwaith o sefydlu a chynnal llinellau a lefelau. 

Mae'r safon hon yn cynnwys:

–  deall a dehongli manylebau ffensio

–  trefnu'r gwaith o sefydlu manylebau ffensio

–  cynnal y gwaith o sefydlu llinellau a lefelau

–  sefydlu llinellau a lefelau.

Mae'r safon hon yn addas ar gyfer goruchwylwyr gosod ffensys. Gellir ei chymhwyso i gefnogi unrhyw weithrediad gosod ffensys.

---

​

1. cwblhau asesiad risg sy'n benodol i safle i nodi peryglon
2. cadarnhau bod polisïau amgylcheddol ac iechyd a diogelwch a gofynion asesu risg wedi eu rhoi ar waith ar draws eich maes cyfrifoldeb
3. cadarnhau bod dillad addas ac offer amddiffynnol personol (PPE) ar gael ac yn cael eu gwisgo ar y safle
4. cael manylebau ffensio a chyfathrebu'r gofynion i'r rheiny sydd yn gwneud y gwaith
5. trefnu'r adnoddau gofynnol i gefnogi'r gwaith o sefydlu a chynnal llinellau a lefelau
6. parhau i gyfathrebu gyda'r rheiny sydd yn gwneud y gwaith
7. cadarnhau bod yr offer, y cyfarpar a'r deunyddiau yn cael eu paratoi, eu defnyddio, eu cynnal a'u cadw a'u storio yn ddiogel ac yn cael eu cadw mewn cyflwr sydd yn hawdd eu gwasanaethu
8. cadarnhau bod arwyddion a rhwystrau yn cael eu sefydlu, lle bo angen, i ddiogelu pobl a chreu amgylchedd gwaith diogel
9. gwirio a chadarnhau lleoliad y gwasanaethau a rhwystrau os oes rhai
10. cadarnhau bod pwyntiau cyfeirio yn cael eu sefydlu  i gefnogi'r gosodiad a gynlluniwyd
11. cadarnhau bod llinellau a lefelau wedi eu sefydlu'n gywir, gan weithio o bwyntiau cyfeirio
12. goruchwylio'r gwaith o sefydlu a chynnal llinellau a lefelau, a sicrhau bod yr holl waith yn cael ei wneud yn unol â'r cyfarwyddiadau a'r manylebau a ddarparwyd 
13. monitro'r gwaith sy'n cael ei wneud a chymryd camau lle mae problemau neu namau yn codi
14. cadarnhau bod y gwaith yn cael ei wneud mewn ffordd sy'n effeithio cyn lleied â phosibl ar yr ardal gyfagos, defnyddwyr eraill y safle ac unrhyw un arall a allai fod wedi ei effeithio

---

​

1. sut i gynnal asesiad risg a pham mae hyn yn bwysig
2. sut i gyfathrebu polisïau a gweithdrefnau amgylcheddol, iechyd a diogelwch a gofynion asesu risg i'r rheiny sydd yn gwneud y gwaith, yn ogystal â chadarnhau eu bod yn deall eu cyfrifoldebau
3. y math o ddillad ac offer amddiffynnol personol (PPE) y dylid eu gwisgo ar y safle
4. y gofynion cyfreithiol a safle perthnasol ar gyfer defnyddio arwyddion, rhwystrau amddiffynnol a systemau rheoli traffig
5. ble i gael y cyfarwyddiadau a'r manylebau gofynnol a sut dylid cyfathrebu'r rhain i'r rheiny sydd yn gwneud y gwaith
6. y gofynion o ran adnoddau sydd yn gysylltiedig â sefydlu llinellau a lefelau
7. y rhwystrau posibl sydd yn gysylltiedig â gosod ffensys – wedi eu gwneud gan ddyn a'r rheiny sydd yn digwydd yn naturiol
8. sut i sefydlu pwyntiau cyfeirio a'u diogelu rhag symud
9. sut i gadarnhau cywirdeb offer mesur a dyfeisiadau canfod
10. y dulliau a ddefnyddir i drosglwyddo lefelau
11. goblygiadau amrywiadau rhwng dimensiynau safle penodedig a gwirioneddol
12. pam y mae'n bwysig diogelu pwyntiau cyfeirio llinellau a lefelau
13. sut i sefydlu newid mewn cyfeiriad, yn cynnwys onglau a chromliniau
14. pwysigrwydd cynnal llinellau ffiniau
15. sut i oruchwylio'r gwaith o sefydlu a chynnal llinellau a lefelau
16. y camau i'w cymryd lle mae problemau neu ddiffygion yn codi
17. sut i leihau effaith eich gwaith ar yr ardal gyfagos, defnyddwyr eraill y safle ac unrhyw un arall a allai fod wedi eu heffeithio

---

---

---

---

---

---

---

​Gallai cyfarwyddiadau a manylebau gynnwys:

• cynlluniau/darluniau
• amserlenni
• datganiadau dull
• Gweithdrefnau Gweithredu Safonol (SOP)
• canllawiau'r cynhyrchydd
• gofynion y cwsmer
• safonau ansawdd e.e. BSI, CE
• cyfarwyddiadau llafar

---

---

---

---

28 Chwef 2024

---

Ar hyn o bryd

---

Gwreiddiol

---

Lantra

---

LANFe14

---

Ffensio

---

5319

---

ffens; onglau; mesur; dyfais canfod; pwyntiau cyfeirio; lefelau; llinellau

---