Rheoli a datblygu prosesau yn ymwneud â gofal, tymheru, cylchdroi stoc, prynu a pholisïau a gweithdrefnau ar gyfer deunyddiau botanegol ffres

Mae’r safon hon yn ymwneud â rheoli a datblygu proses yn ymwneud â gofal, tymheru, cylchdroi stoc, prynu a pholisïau a gweithdrefnau ar gyfer deunyddiau botanegol ffres.  Gallai deunyddiau botanegol ffres gynnwys blodau, deiliach a deunyddiau llawn aeron.

Bydd hyn yn cynnwys cynllunio a rheoli’r broses ar gyfer gwirio deunyddiau botanegol ffres ar gyfer plâu, clefydau, niwed neu ddirywiad, tymheru, storio a gweithredu systemau cylchdroi stoc.

Mae’r safon hon hefyd yn cynnwys prynu stoc newydd, yn unol ag anghenion busnes, gydag ystyriaeth o’r gofynion yn y dyfodol a phrotocolau gwastraff.

Wrth wneud yr holl waith dylid ystyried yr effaith ar yr amgylchedd.

Mae’r safon hon yn addas ar gyfer Gwerthwr Blodau Datblygedig.

1. Rheoli’r gwaith o ddewis a pharatoi’r offer, y cyfarpar a’r cyfarpar diogelu personol (PPE) sydd yn addas ar gyfer tymheru deunyddiau botanegol ffres
2. Adnabod Genws, rhywogaeth a chyltifar wrth wirio math, nifer ac ansawdd deunyddiau botanegol ffres yn erbyn anfonebau/nodiadau dosbarthu ac adrodd am unrhyw broblemau lle bo angen wrth y cyfanwerthwr/cyflenwr
3. Rheoli rhychwant oes deunyddiau botanegol ffres cyn eu cynaeafu
4. Rheoli amodau amgylcheddol ar gyfer ystod o ddeunyddiau botanegol er mwyn sicrhau hirhoedledd
5. Rheoli, datblygu a gweithredu’r prosesau o wirio’r deunyddiau botanegol ffres am dystiolaeth o blâu, clefydau, niwed neu ddirywiad
6. Cadarnhau bod dulliau perthnasol ar gyfer dadbacio deunyddiau planhigion mewn bocsys, wedi eu clystyru a gwenwynig/llidiog yn cael eu defnyddio
7. Rheoli, datblygu a gweithredu’r prosesau ar gyfer gofalu am, tymheru a storio deunyddiau botanegol ffres i gynyddu gwerthadwyedd
8. Rheoli’r gwaith o weithredu hyfforddiant staff ar y technegau tymheru a storio cywir a’r prosesau ar gyfer paratoi deunyddiau botanegol ffres
9. Cadarnhau bod deunyddiau botanegol ffres yn cael eu trin mewn ffordd sydd yn lleihau gwastraff, niwed a halogiad
10. Gweithredu cynllun cylchdroi a storio stoc sydd yn cynyddu rhychwant oes deunyddiau botanegol ffres ac yn cynorthwyo’r gwaith o gynllunio a phrynu stoc newydd
11. Rheoli lefelau stoc mewn busnes blodeuwriaeth a chynllunio’r gwaith o brynu stoc newydd yn unol ag anghenion busnes gan ystyried gofynion yn y dyfodol a phrotocolau gwastraff
12. Rheoli cydymffurfio â systemau rheoli gwastraff sefydliadol
13. Cadarnhau bod hylendid a bioddiogelwch yn cael eu rheoli yn unol â pholisïau a gweithdrefnau’r sefydliad ac unrhyw ddeddfwriaeth berthnasol
14. Rheoli, datblygu a gweithredu polisïau diogelwch iechyd sefydliadol yn unol â deddfwriaeth berthnasol

1. Y mathau o offer, cyfarpar a chyfarpar diogelu personol (PPE) sydd yn addas ar gyfer tymheru deunyddiau botanegol ffres
2. Y defnydd o ddull enwi botanegol cywir ac enwau cyffredin deunyddiau botanegol ffres, yn cynnwys Genws, rhywogaeth a chyltifar/amrywiad
3. Cadwyn gyflenwi deunyddiau botanegol ffres yn y diwydiant blodeuwriaeth
4. Tymoroldeb naturiol deunyddiau botanegol a’r argaeledd masnachol cyfredol
5. Rhychwant oes deunyddiau botanegol ffres ar ôl eu cynaeafu a sut mae ffactorau allanol yn gallu dylanwadu ar hyn
6. Prosesau planhigion a sut maent yn llywio gofal a storio planhigion a blodau
7. Dangosyddion cyffredin plâu a chlefydau a sut i reoli, datblygu a gweithredu prosesau ar gyfer ymdrin â phlâu a chlefydau
8. Y dulliau gwahanol i’w defnyddio wrth ddadbacio deunyddiau mewn bocsys, wedi eu clystyru neu ddeunyddiau botanegol gwenwynig/llidiog
9. Y mathau o ddeunyddiau botanegol llidiog a gwenwynig a sut dylid eu trin
10. Sut i reoli, datblygu a gweithredu’r prosesau o ofalu am, tymheru a storio deunyddiau botanegol ffres mewn trefn olynol, gan roi blaenoriaeth i blanhigion yn unol â’u gofynion gofal botanegol
11. Sut i reoli’r gwaith o hyfforddi staff ar dechnegau tymheru a storio cywir ar gyfer paratoi deunyddiau botanegol ffres
12. Sut i sicrhau bod deunyddiau botanegol ffres yn cael eu trin mewn ffordd sydd yn lleihau gwastraff, niwed a halogiad
13. Sut i reoli, datblygu a gweithredu cynllun cylchdroi stoc a storio fydd yn cynyddu rhychwant oes deunyddiau botanegol ffres
14. Y mathau o systemau cylchdroi stoc ar gyfer deunyddiau botanegol ffres a sut i’w rheoli
15. Sut i reoli stoc sydd yn dod i mewn a sut i godi unrhyw faterion gyda chyfanwerthwyr/cyflenwyr
16. Sut i reoli’r gwaith o brynu stoc newydd yn unol â gofynion busnes
17. Sut i reoli’r gwaith o waredu deunyddiau gwastraff mewn ffordd gynaliadwy, gan ddilyn unrhyw ddeddfwriaeth berthnasol a pholisïau a gweithdrefnau’r sefydliad
18. Sut i reoli hylendid a bioddiogelwch yn unol ag unrhyw ddeddfwriaeth berthnasol a pholisïau a gweithdrefnau’r sefydliad
19. Sut i reoli, datblygu a gweithredu polisïau iechyd a diogelwch yn unol â deddfwriaeth berthnasol

​
Rheoli’r gwaith o dymheru ystod helaeth o ddeunydd botanegol ffres:

1. Deiliach

2. Aeron

3. Blodau

4. Glaswellt

Rheoli’r gwaith o dymheru deunyddiau botanegol ffres ar gyfer eu dylunio neu eu gwerthu gan ddefnyddio’r cyfarpar tymheru canlynol:

1. Siswrn
2. Cyllyll
3. Gwellau
4. Bwyd blodau
5. Cyfarpar Diogelu Personol (PPE)
6. Cynwysyddion

​
Deunydd Botanegol Ffres: Planhigion, blodau wedi eu torri, deiliach wedi eu torri. 

Dull Enwi: Y ffordd y mae deunyddiau botanegol yn cael eu hadnabod gan ddefnyddio eu Genws, rhywogaeth a chyltifar/amrywiad.

Heneiddiad: Y broses o’r ffordd y mae deunydd botanegol yn aeddfedu ar ôl ei dorri.

Tymheru – Paratoi deunyddiau ffres cyn eu defnyddio er mwyn sicrhau eu bod yn cadw mor hir â phosibl

Amodau amgylcheddol: golau, lleithder, tymheredd, dŵr, maethynnau