Gosod pedolau a gorffen y broses bedoli

Mae’r safon hon yn cynnwys gosod pedolau a gorffen y broses bedoli. Bydd angen i chi asesu gofynion gofal carnau y ceffyl, ac er mwyn gwneud hyn bydd angen i chi fynd at y ceffyl a’i drin mewn ffordd sy’n lleihau straen a braw, gan weithio mewn safle sy’n ddiogel i’r ceffyl a phawb sydd yn gysylltiedig â’ch gwaith, yn cynnwys chi eich hun.

Byddwch yn dewis yr offer pedoli ar gyfer y dasg ac yn gosod y pedolau yn ddiogel ac yn y safle cywir. Bydd angen i chi adolygu eich gwaith a hysbysu’r person cyfrifol ynghylch unrhyw ofynion gofal carnau. Fel y nodwyd yn y cynllun gofal carnau, bydd angen i chi allu osod pedolau ar gyfer gwahanol fathau o geffylau. Bydd angen i chi osod, a gorffen pedolau wedi'u cynhyrchu a phedolau rydych chi wedi'u gwneud eich hunan

Bydd angen i chi fod yn ymwybodol o’ch cyfyngiadau eich hun a chadarnhau eich bod yn bodloni’r cyfrifoldebau perthnasol ar gyfer darparu eich dyletswydd gofal yn unol â'r ddeddfwriaeth
iechyd a lles anifeiliaid, codau ymarfer a pholisïau’r busnes.

Gall y person cyfrifol fod yn unrhyw un â chyfrifoldeb am y ceffyl fel y perchennog, hyfforddwr neu was stabl. 

Mae’r safon hon ar gyfer Pedolwyr.

1. ​gweithio'n broffesiynol ac yn foesegol ac o fewn terfynau eich awdurdod, arbenigedd, hyfforddiant, cymhwysedd a phrofiad
2. cydymffurfio â'r ddeddfwriaeth a'r codau ymarfer yn ymwneud ag anifeiliaid ac iechyd a lles anifeiliaid
3. gwneud eich gwaith yn unol â'r ddeddfwriaeth amgylcheddol ac iechyd a diogelwch perthnasol, codau ymarfer a pholisïau'r busnes
4. dewis a gwisgo dillad a chyfarpar diogelu personol (PPE) addas
5. cynnal hylendid a bioddiogelwch yn unol â'r ddeddfwriaeth berthnasol ac arferion busnes
6. dewis y dull o drin a rheoli ar gyfer y ceffyl perthnasol er mwyn lleihau'r risg i'r ceffyl a phawb sydd yn gysylltiedig â'ch gwaith neu wedi eu heffeithio ganddo, yn cynnwys chi eich hun
7. cynnal diogelwch a diogeledd offer a chyfarpar ar y safle yn unol â'r ddeddfwriaeth berthnasol, canllawiau'r cynhyrchydd ac arferion busnes
8. dewis, paratoi, cynnal a chadw, glanhau a storio'r offer, cyfarpar a'r deunyddiau gofynnol, yn unol a'r ddeddfwriaeth berthnasol, canllawiau'r cynhyrchydd ac arferion busnes
9. defnyddio'r offer a'r cyfarpar cywir i osod pedolau a gorffen y broses bedoli yn unol â'r ddeddfwriaeth berthnasol, canllawiau'r cynhyrchydd ac arferion busnes
10. gosod y bedol gan ddefnyddio'r dull gofynnol yn unol â'r math o bedol ac fel y pennir gan y cynllun gofal carnau
11. gorffen y carn yn unol â manyleb y bedol a'r cynllun gofal carnau
12. cael y ceffyl i drotian i gadarnhau ei gadernid er mwyn sicrhau bod y gosodiad yn bodloni gofynion y cynllun gofal carnau
13. gwerthuso'r gwaith gorffenedig a lles y ceffyl
14. hysbysu'r person cyfrifol ynghylch y camau a gymerwyd a chynghori ynghylch gofynion gofal carnau yn y dyfodol
15. parhau i gyfathrebu gyda phawb sydd yn gysylltiedig â'ch gwaith, neu wedi eu heffeithio ganddo
16. cadarnhau bod y cofnodion wedi eu cwblhau, eu cynnal a'u cadw a'u storio fel sy'n ofynnol gan y ddeddfwriaeth berthnasol ac arferion busnes

1. eich cyfrifoldebau proffesiynol a'r angen i gynnal cymhwysedd proffesiynol
2. eich cyfrifoldebau yn unol â'r ddeddfwriaeth amgylcheddol ac iechyd a diogelwch perthnasol, codau ymarfer a pholisïau eich busnes

3. eich cyfrifoldebau yn unol â'r ddeddfwriaeth bresennol iechyd a lles anifeiliaid, rheoliadau eraill sy'n berthnasol i anifeiliaid, a chyfyngiadau cyfreithiol y Ddeddf Llawfeddygon Milfeddygol bresennol yn ymwneud â diagnosis a thrin clefydau neu anafiadau

4. y math o ddillad a chyfarpar diogelu personol (PPE) sydd yn addas ar gyfer y gweithgaredd

5. pwysigrwydd cynnal hylendid a bioddiogelwch a'r dulliau ar gyfer cyflawni'r rhain

6. y dulliau o drin a rheoli ceffylau er mwyn lleihau'r risg i'r ceffyl, a phawb sy'n gysylltiedig â'ch gwaith neu wedi eu heffeithio ganddo, yn cynnwys chi eich hun

7. y dulliau o osod pedolau a sut i orffen y broses bedoli

8. sut i ddewis a defnyddio'r offer cywir ar gyfer gosod a gorffen pedolau
9. yr ystod o hoelion sydd ar gael ar gyfer gosod pedolau a sut i ddewis yr hoelion gofynnol ar gyfer y carn
10. y defnydd o weldiau, pinnau a phlygiau a stydiau ar gyfer gosod pedolau
11. y drefn hoelio a safle'r hoelion wrth osod pedolau
12. sut i ddewis offer a hoelion sydd yn addas ar gyfer cysylltu a gwasgu pedolau, technegau gwasgu a'r rhesymau dros wasgu
13. sut y gall gwres effeithio ar les y ceffyl yn ystod y broses osod
14. sut i adnabod symptomau pedolau wedi eu gosod yn anghywir
15. pwysigrwydd parhau i gyfathrebu gyda'r rheiny sydd yn gysylltiedig â'ch gwaith, neu wedi eu heffeithio ganddo a sut dylid gwneud hyn
16. y cofnodion y mae angen eu cadw a phwysigrwydd eu cwblhau yn unol â'r ddeddfwriaeth berthnasol ac arferion busnes

Ffactorau i'w hystyried wrth osod pedolau:

• Lleoliad hoelion

• Lleoliad pedol

• Ansawdd y gwaith terfynol

• Math o osodiad (gosodiad perimedr/clip)

• Trefn hoelio

• Gofynion y ceffyl

• Defnydd o lud

• Morthwyl

• Pinsiyrnau

• Gefeiliau gwasgu

• Rhigolwr gwasgu

• Rhathell orffen

• Safle carnau

• Blwch tywod/uned sandio