Hyfforddi ceffylau harnais i safon uwch

​Mae'r safon hon yn ymwneud â hyfforddi ceffylau harnais i safon uwch.

Mae hyn yn cynnwys hyfforddi ceffylau harnais i safon uchel iawn ar gyfer gwaith arbenigol, a allai gynnwys digwyddiadau a gorymdeithiau seremonïol, arddangosiadau gyrru, digwyddiadau cyhoeddus proffil uchel, ac ati.

Byddwch yn gallu hyfforddi ceffylau harnais i safon uchel iawn i weithio fel ceffylau harnais profformiad uchel.

Mae'r safon yn cynnwys gwybodaeth a dealltwriaeth arbenigol o ymddygiad ceffylau, a'r gallu i ddyfeisio a gweithredu dulliau hyfforddi sydd yn waraidd ac yn effeithiol.

Bydd angen i chi fod yn gwbl ymwybodol o bwysigrwydd iechyd, diogelwch a lles anifeiliaid mewn cysylltiad â'r gweithgaredd hwn.

Bydd angen i chi sicrhau eich diogelwch eich hun ac eraill, a lles y ceffylau, yr holl amser.

1. ​adnabod diben hyfforddi ceffylau harnais
2. sicrhau bod dillad ac offer amddiffynnol personol yn cael eu gwisgo ar gyfer y gweithgaredd
3. asesu'r ceffylau am eu haddasrwydd at y diben a fwriedir
4. gwerthuso ymatebion ceffylau unigol i waith ceffylau harnais arbenigol, proffil uchel
5. dyfeisio dulliau gwaraidd ac effeithiol o hyfforddi sy'n lleihau straen yn ystod yr hyfforddiant
6. gweithredu rhaglen hyfforddi sydd wedi ei dylunio i hyfforddi ceffylau i safon uwch ar gyfer y diben a fwriedir
7. dewis Gyrrwr Ceffyl Harnais a chriw o weision i weithio gyda'r ceffylau
8. hyfforddi ac ymarfer y ceffylau a'r criw ar gyfer y defnydd arbenigol a fwriedir
9. gwerthuso effeitholrwydd y rhaglen hyfforddiant
10. sicrhau bod y cofnodion hyfforddiant priodol yn cael eu cadw a'u storio yn unol â gofynion y ddeddfwriaeth berthnasol a'r sefydliad yr ydych yn gweithio iddo
11. asesu peryglon a rheoli risg i geffylau, i chi eich hun ac eraill mewn cysylltiad â'r gweithgaredd hwn

1. ​eich rôl a'ch cyfrifoldebau wrth hyfforddi ceffylau harnais i safon uwch ar gyfer gwaith proffil uchel, arbenigol
2. y dillad a'r offer amddiffynnol personol y dylid eu gwisgo ar gyfer y gweithgaredd
3. ymddygiad a natur y ceffyl mewn perthynas â dylanwadau allanol
4. sut i bennu'r meini prawf ar gyfer dewis ceffylau ar gyfer gwaith arbenigol
5. sut i ddyfeisio a gweithredu dulliau hyfforddiant gwaraidd ac effeithiol
6. sut i ffurfio cyfuniadau o geffylau ar gyfer gwaith arbenigol
7. sut i weithio gyda'r gyrrwr a'r criw o Weision Ceffylau Harnais tra'n hyfforddi'r ceffylau
8. sut i bennu a bodloni targedau hyfforddiant
9. sut i ymarfer ceffylau a chriw ar gyfer gwaith arbenigol
10. sut i werthuso effeithiolrwydd rhaglenni hyfforddiant
11. sut i addasu rhaglenni hyfforddiant ar gyfer gwaith arbenigol gwahanol
12. pwysigrwydd sefydlu a chadw cofnodion hyfforddiant
13. sut i sicrhau eich diogelwch eich hun ac eraill, a lles y ceffylau, yn ystod y gweithgaredd hwn

Dylanwadau allanol:

• sŵn anarferol ac eithafol
• agosatrwydd torfeydd mawr
• gwrthrychau a gweithgareddau anarferol
• gweithio'n gyflym a/neu o dan bwysau
• gweithio mewn ardaloedd anarferol