Asesu harnais ceffylau am addasrwydd ar gyfer defnydd masnachol
Trosolwg
Mae'r safon hon yn ymwneud â gallu asesu harnais ceffylau am ei addasrwydd ar gyfer defnydd masnachol. Mae'n cynnwys gallu adnabod yr harnais mwyaf addas ar gyfer sawl math o ddefnydd penodol, a gwirio holl rannau'r harnais am draul neu niwed.
Mae'n cynnwys gallu rhoi mathau gwahanol o harnais at ei gilydd o gydrannau, a gosod yr harnais ar y ceffyl ar ôl ei gydosod.
Byddwch yn deall y defnydd cywir o fathau gwahanol o harnais a'u gallu gweithredu pennaf.
Yn cynnwys:
- harnais unigol
- harnais pâr
- harnais tîm
- harnais tandem
- harnais uncorn
- harnais arbenigol
- harnais amaethyddol ac ar y tir.
Bydd angen i chi fod yn gwbl ymwybodol o bwysigrwydd iechyd, diogelwch a lles anifeiliaid mewn cysylltiad â'r gweithgaredd hwn.
Bydd angen i chi sicrhau eich diogelwch eich hun ac eraill, a lles y ceffylau, yr holl amser.
Meini prawf perfformiad
Mae'n rhaid eich bod chi'n gallu:
- sicrhau bod y dillad a'r offer amddiffynnol personol yn cael eu gwisgo ar gyfer y gweithgaredd
- dewis harnais ceffyl sy'n briodol ar gyfer y defnydd masnachol a fwriedir
- archwilio ac asesu'r harnais am ei addasrwydd ar gyfer defnydd masnachol
- cydosod setiau o harneisiau o gydrannau ar gyfer sawl math o ddefnydd
- gosod yr harnais ar geffylau
- sicrhau bod y cofnodion priodol yn cael eu cadw a'u storio yn unol â gofynion deddfwriaeth berthnasol a'r sefydliad yr ydych yn gweithio iddo
- asesu peryglon a rheoli risg i geffylau, i chi eich hun ac eraill mewn cysylltiad â'r gweithgaredd hwn
Gwybodaeth a Dealltwriaeth
You need to know and understand:
- pa ddillad ac offer amddiffynnol personol y dylid eu gwisgo ar gyfer y gweithgaredd
- eich rôl a'ch cyfrifoldebau yn asesu'r harnais ceffylau o ran ei addasrwydd ar gyfer defnydd masnachol
- sut i adnabod a dewis harnais ar gyfer mathau gwahanol o ddefnydd masnachol
- sut i asesu harnais o ran ei addasrwydd ar gyfer defnydd masnachol
- sut i gydosod harnais yn setiau ar gyfer mathau gwahanol o ddefnydd masnachol
- sut i osod yr harnais ar geffylau unigol
- galluoedd gweithredu mathau ac arddulliau gwahanol o harnais
- pwysigrwydd sefydlu a chadw cofnodion
- y peryglon i geffylau, i chi eich hun ac eraill a sut y caiff y rhain eu rheoli
- eich cyfrifoldebau yn unol â deddfwriaeth a chodau ymarfer iechyd a lles anifeiliaid ac iechyd a diogelwch perthnasol