Asesu cerbydau sy’n cael eu tynnu gan geffylau am eu haddasrwydd ar gyfer defnydd masnachol

​Mae'r safon hon yn ymwneud â gallu asesu cerbydau sy'n cael eu tynnu gan geffylau am eu haddasrwydd ar gyfer defnydd masnachol. Mae'n cynnwys gallu nodi ystod o gerbydau a'u defnydd cywir, yn ogystal â nodi'r rhannau a swyddogaeth y rhannau.

Byddwch yn gallu gwerthuso paramedrau gweithredu cerbydau sy'n cael eu tynnu gan geffylau, a chanfod eu pwysau, llusgiant, clo troi, pwynt cydbwysedd a'u craidd disgyrchiant.

Mae'n cynnwys gallu cynnal arolygiad llawn o gerbydau masnachol sy'n cael eu tynnu gan geffylau sy'n gweithredu ar y briffordd gyhoeddus.

Bydd angen i chi fod yn gwbl ymwybodol o bwysigrwydd iechyd, diogelwch a lles anifeiliaid mewn cysylltiad â'r gweithgaredd hwn.

Bydd angen eich bod yn gallu adnabod peryglon ac asesu risg mewn cysylltiad â'r gweithgaredd hwn

1. ​nodi cerbydau sy’n cael eu tynnu gan geffylau ar gyfer sawl math o ddefnydd
2. cynnal profion i bennu paramedrau gweithredu cerbydau unigol
3. defnyddio dulliau profi priodol i ganfod pwysau, llusgiant, clo troi, pwynt cydbwysedd a chraidd disgyrchiant y cerbyd
4. cynnal archwiliad manwl o bob rhan o’r cerbyd am draul neu niwed
5. asesu addasrwydd y cerbyd ar gyfer y defnydd masnachol a fwriedir
6. sicrhau bod gwaith cynnal a chadw fel mater o drefn yn cael ei wneud ar gerbydau sy’n cael eu tynnu gan geffylau, cyn eu defnyddio
7. atal cerbydau anaddas rhag cael eu defnyddio ar gyfer gwaith atgyweirio neu gynnal a chadw proffesiynol
8. cwblhau’r dogfennau gofynnol er mwyn bodloni’r codau ymarfer a’r ddeddfwriaeth berthnasol
9. asesu peryglon a rheoli’r risg i geffylau, i chi eich hun ac eraill mewn cysylltiad â’r gweithgaredd hwn

1. ​eich rôl a'ch cyfrifoldebau yn asesu cerbydau sy'n cael eu tynnu gan geffylau at ddefnydd masnachol
2. sut i ddyfeisio profion i asesu paramedrau gweithredu cerbydau sy'n cael eu tynnu gan geffylau
3. sut i ganfod pwysau, llusgiant, clo troi, pwynt cydbwysedd a chraidd disgyrchiant cerbydau unigol sy'n cael eu tynnu gan geffylau
4. sut i werthuso addasrwydd cerbydau unigol sy'n cael eu tynnu gan geffylau at ddefnydd masnachol penodol
5. sut i adnabod arwyddion traul neu niwed
6. y gofynion ar gyfer gwaith cynnal a chadw fel mater o drefn
7. pryd mae angen gwaith atgyweirio neu gynnal a chadw proffesiynol a sut i gael hwn
8. sut i ddewis cerbydau sydd yn addas at y defnydd y'u bwriedir
9. sut i ddewis ceffylau sydd yn addas i'w defnyddio gyda'r cerbyd a fwriedir
10. pwysigrwydd sicrhau bod dogfennau'n cael eu cwblhau yn unol â chodau ymarfer a deddfwriaeth berthnasol
11. y perygl i geffylau, i chi eich hun ac i eraill a sut y caiff y rhain eu rheoli
12. eich cyfrifoldebau yn unol â deddfwriaeth a chodau ymarfer iechyd a lles anifeiliaid ac iechyd a diogelwch perthnasol