Rheoli’r broses ar gyfer cystadlu gyda cheffylau

​Mae'r safon hon yn ymwneud â rheoli'r broses ar gyfer cystadlu gyda cheffylau.

Mae'n ymdrin â rheoli a goruchwylio'r gwaith o ddewis ceffylau sy'n addas ar gyfer cystadlaethau, cyflwyno ceffylau a gweithgareddau cyn ac ar ôl cystadlaethau.

Bydd angen i chi fod yn gwbl ymwybodol o bwysigrwydd iechyd, diogelwch a lles anifeiliaid mewn cysylltiad â'r gweithgaredd hwn.

Bydd angen i chi sicrhau eich diogelwch eich hun ac eraill, a lles y ceffylau, yr holl amser.

1. ​adnabod y ddisgyblaeth a'r lefel fyddai fwyaf addas ar gyfer ceffyl unigol
2. rheoli'r broses o gyflwyno ceffylau mewn cystadlaethau priodol
3. sicrhau cydymffurfio â rheolau'r awdurdod llywodraethu
4. rheoli'r gwaith o weithredu arferion cyn ac ar ôl cystadlaethau
5. cyfathrebu gyda phersonél perthnasol
6. sicrhau bod cofnodion priodol yn cael eu cadw a'u storio, yn unol â gofynion deddfwriaeth berthnasol a'r sefydliad yr ydych yn gweithio iddo
7. asesu peryglon a rheoli perygl i geffylau, i chi eich hun ac eraill mewn cysylltiad â'r gweithgaredd hwn

1. ​sut i asesu addasrwydd ceffylau ar gyfer disgyblaethau gwahanol a phwysigrwydd hyn
2. y ffactorau amrywiol all effeithio ar botensial cystadleuol y ceffyl
3. sut i gydymffurfio ag awdurdodau llywodraethol a rheolau a rheoliadau'r gystadleuaeth
4. y gofynion mynediad a'r gweithdrefnau cofrestru ar gyfer cystadlaethau
5. y ffactorau allai effeithio ar berfformiad ceffylau mewn cystadlaethau
6. pam mae cyfathrebu effethiol yn bwysig
7. pwysigrwydd sefydlu a chadw cofnodion
8. y peryglon i geffylau, i chi eich hun ac eraill a sut y caiff rhain eu rheoli
9. eich cyfrifoldebau yn unol â deddfwriaeth a chodau ymarfer iechyd a lles anifeiliaid ac iechyd a diogelwch perthnasol

​Personél perthnasol:

• hyfforddwr
• marchog
• swyddogion cystadleuaeth
• y wasg

Ffactorau sy'n effeithio ar botensial cystadleuol ceffyl:

• Magu