Arwain taith geffylau

​Mae'r safon hon yn cynnwys arwain taith geffylau, yn cynnwys dilyn llwybr y daith, monitro cleientiaid, a nodi ac ymateb i unrhyw sefyllfaoedd peryglus. Mae'r safon hon yn berthnasol i deithiau o bob hyd.

Bydd angen i chi fod yn gwbl ymwybodol o bwysigrwydd iechyd a lles anifeiliaid mewn cysylltiad â'r gweithgaredd hwn.

Bydd angen i chi adnabod peryglon ac asesu risg yn y gweithle.

1. ​dewis a gwisgo'r dillad a'r offer amddiffynnol personol priodol ar gyfer y gweithgaredd
2. arwain taith geffylau gan ddilyn y llwybr cywir, o fewn y raddfa amser gytûn
3. monitro cleientiaid ac amodau, yn unol â gweithdrefnau cytûn
4. nodi sefyllfaoedd peryglus a chymryd camau unioni priodol, o fewn terfynau eich awdurdod
5. rhoi gwybodaeth i gleientiaid ar adegau a chyfnodau priodol, yn cynnwys sefyllfaoedd peryglus (i'r marchog a'r ceffyl), mannau o ddiddordeb lleol a chynnydd y daith
6. cadw at y gweithdrefnau cytûn mewn argyfwng
7. dilyn y gweithdrefnau sydd eisoes wedi eu nodi yn cynnwys rhannau perthnasol o Reolau'r Ffordd Fawr a'r Côd Cefn Gwlad/Mynediad, bob amser
8. trafod y daith gyda'r cleientiaid a chael adborth
9. monitro a chynnal eich iechyd a'ch diogelwch eich hun ac eraill, a lles y ceffyl, yn ystod y gweithgaredd

1. ​sut i ddewis, defnyddio a gofalu am offer amddiffynnol personol
2. yr amodau diogel ar gyfer merlota
3. defnyddio mapiau, cwmpawd a GPS wrth arwain taith geffylau
4. sut mae'r tywydd yn effeithio ar dirweddau gwahanol
5. y rhesymau dros wirio aelodau'r daith yn barhaus
6. y gweithdrefnau brys priodol os bydd damwain, digwyddiad neu salwch, ar gyfer y ceffyl a'r marchog
7. pryd y mae'n angenrheidiol cael cynorthwywyr ar y daith
8. eich cyfrifoldeb yn unol ag adrannau perthnasol o Reolau'r Ffordd Fawr a'r Côd Cefn Gwlad/Mynediad
9. y mathau o beryglon i geffylau a marchogion a allai fod yn bresennol wrth ferlota
10. sut i adnabod trallod cleient
11. sut i adnabod problemau gyda cheffylau
12. y gweithdrefnau cytûn yn ymwneud â mynd ar gefn ac oddi ar gefn ceffyl
13. cysylltiadau cwsmeriaid a phwysigrwydd cyfathrebu da cyn, yn ystod ac ar ôl y daith
14. sut i ymdrin ag unrhyw broblemau a chyfyngiadau awdurdod
15. sut y gofelir gam geffylau ar ôl taith
16. pam y mae'n bwysig sicrhau yr hysbysir ynghylch pob digwyddiad
17. y peryglon i geffylau, i chi eich hun ac eraill a sut y caiff y rhain eu rheoli
18. eich cyfrifoldebau yn unol â deddfwriaeth a chodau ymarfer iechyd a lles anifeiliaid ac iechyd a diogelwch perthnasol

Monitro'r amodau canlynol:

• tywydd
• tirwedd
• iechyd cleientiaid
• agwedd cleientiaid
• lles ceffylau

Cael adborth gan gleientiaid:

• bodlonrwydd cwsmeriaid
• llwybr
• hyd
• amseru

Arwain teithiau o hyd amrywiol (hyd at un diwrnod).

Ymdrin â'r canlynol:

• cwynion
• sylwadau
• argymhellion