Marchogaeth ceffylau â lefelau ffitrwydd gwahanol

​Mae'r safon hon yn cynnwys marchogaeth ceffylau â lefelau ffitrwydd gwahanol er mwyn eu hymarfer. Bydd hyn yn cynnwys marchogaeth ceffylau â rhaglenni ymarfer gwahanol yn effeithiol, mewn ffordd reoledig, a monitro cynnydd y ceffyl.

Bydd angen i chi fod yn gwbl ymwybodol o bwysigrwydd iechyd a lles anifeiliaid mewn cysylltiad â'r gweithgaredd hwn.

Bydd angen i chi adnabod peryglon ac asesu risg yn y gweithle.

1. ​dewis a gwisgo'r dillad a'r offer amddiffynnol personol priodol ar gyfer y gweithgaredd
2. dewis a gosod harneisiau i fodloni gofynion unigol
3. marchogaeth ceffylau er mwyn eu hymarfer, mewn ffordd reoledig, sy'n briodol i'r ardal waith a'r amodau
4. ystyried lefelau ffitrwydd gwahanol y ceffylau
5. ymarfer ceffylau yn unol â'r rhaglen ymarfer
6. monitro cynnydd ceffylau yn erbyn y rhaglen ymarfer a hysbysu'r person priodol
7. monitro a chynnal eich iechyd a'ch diogelwch eich hun ac eraill, a lles y ceffyl, yn ystod y gweithgaredd
8. dilyn Rheolau'r Ffordd Fawr a'r gweithdrefnau ar gyfer marchogaeth ar y ffordd, gan addasu osgo a chyflymder yn unol â'r amodau

1. ​sut i ddewis, defnyddio a gofalu am offer amddiffynnol personol
2. ymddygiad ceffylau yn ystod cyfnodau gwahanol hyfforddiant a lefelau ffitrwydd
3. y rhesymau dros fonitro perfformiad y ceffyl
4. effeithiau ymarfer ar y ceffyl
5. pwysigrwydd mabwysiadu'r safle marchogaeth priodol ar gyfer y math o ymarfer
6. adwaith ceffylau o dan amgylchiadau ac amodau gwahanol
7. y peryglon yr ydych yn debygol o ddod ar eu traws wrth farchogaeth ar y ffordd
8. sut i farchogaeth y ceffyl ar y ffordd yn ddiogel, yn enwedig wrth gyffyrdd
9.  y peryglon i geffylau, i chi eich hun ac eraill a sut y caiff y rhain eu rheoli
10. eich cyfrifoldebau yn unol â deddfwriaeth a chodau ymarfer iechyd a lles anifeiliaid ac iechyd a diogelwch perthnasol

​Marchogaeth mewn ffordd reoledig yn yr amodau canlynol:

• cyflwr arwyneb
• presenoldeb ceffylau eraill
• presenoldeb pobl eraill
• tywydd gwahanol (yn cynnwys tywydd gwael)

Marchogaeth yn y sefyllfaoedd hyn:

• yn unigol
• mewn grwpiau
• cerdded, trotian a hanner carlamu
• mewn mannau agored
• ar y ffordd

Marchogaeth o leiaf dau o'r mathau canlynol o geffylau:

• ffit
• hanner ffit
• ddim yn ffit

Marchogaeth mwy nag un ceffyl i'w hymarfer ar gyfer disgyblaeth benodol; dylai'r ceffylau fod â lefelau ffitrwydd amrywiol.

​Amodau:

• arwyneb y ffordd
• tywydd
• marchogion eraill
• defnyddwyr eraill y ffordd