Paratoi a chynnal tir pori ar gyfer ceffylau

​Mae'r safon hon yn ymwneud â pharatoi a chynnal tir pori ar gyfer ceffylau. Mae hyn yn cynnwys edrych ar ansawdd, maint ac addasrwydd tir pori. Mae hefyd yn cynnwys adnabod a rheoli presenoldeb chwyn a phlanhigion gwenwynig, adnabod a dileu peryglon, sicrhau cyflenwad digonol o ddŵr addas a gwirio ffiniau.

Bydd angen i chi fod yn gwbl ymwybodol o bwysigrwydd iechyd a lles anifeiliaid mewn cysylltiad â'r gweithgaredd hwn.

Bydd angen i chi adnabod peryglon ac asesu risg yn y gweithle.

1. ​dewis a gwisgo'r dillad a'r offer amddiffynnol personol priodol ar gyfer y gweithgaredd
2. asesu bod maint ac ansawdd tir pori yn briodol ar gyfer ceffylau sy'n pori
3. paratoi a chynnal tir pori trwy adnabod a rheoli presenoldeb chwyn a phlanhigion gwenwynig
4. adnabod presenoldeb unrhyw beryglon a chymryd y camau priodol
5. asesu diogelwch a diogeledd ffiniau ar gyfer tir pori
6. paratoi a chynnal ffiniau ar gyfer tir pori
7. paratoi a chynnal cyflenwad digonol o ddŵr heb ei halogi
8. cofnodi cyflwr y tir pori
9. monitro a chynnal eich iechyd a'ch diogelwch eich hun ac eraill, a lles y ceffyl, yn ystod y gweithgaredd

1. sut i ddewis, defnyddio a gofalu am offer amddiffynnol personol
2. sut i wella ansawdd tir pori gwael ar gyfer ceffylau
3. sut i gynnal ansawdd tir pori da ar gyfer ceffylau
4. sut i adnabod a rheoli presenoldeb chwyn a phlanhigion gwenwynig
5. sut i leihau plâu parasitig ar dir pori ar gyfer ceffylau
6. y mathau gwahanol o ffiniau, eu haddasrwydd a'u defnydd
7. sut gellir darparu lloches a'i gynnal ar gyfer ceffylau
8. pwysigrwydd cyflenwad dwr mewn lleoliad addas
9. sut i reoli'r cyflenwad dwr trwy gydol y flwyddyn
10. pwysigrwydd cynnal diogelwch ardaloedd pori
11. y peryglon i geffylau, i chi eich hun ac eraill a sut y caiff y rhain eu rheoli
12. eich cyfrifoldebau yn unol â deddfwriaeth a chodau ymarfer iechyd a lles anifeiliaid ac iechyd a diogelwch perthnasol.

Ffiniau:

• gatiau
• muriau
• ffensys
• ffosydd
• gwrychoedd