Cynorthwyo gyda gofal arbenigol ceffylau perfformio

Mae'r safon hon yn ymwneud â chynorthwyo gyda gofal arbenigol ceffylau perfformio.

Mae ceffylau perfformio yn cynnwys ceffylau ar gyfer rasio, cystadlaethau a gyrru.

Mae'r safon yn cynnwys ymarfer y ceffyl perfformio gan ddefnyddio cerddwr y ceffyl a mathau eraill o ymarfer nad yw'n marchogaeth, gan gynorthwyo'r arbenigwr i weinyddu gofal iechyd a helpu i gadw'r iard a'r cyfleusterau yn daclus ac mewn cyflwr y gellir ei ddefnyddio.

Byddai'r gwaith a ddisgrifir yn y safon hon yn cael ei wneud yn dilyn cytundeb gyda goruchwylydd am gyfrifoldebau a dulliau gweithio

Bydd angen i chi fod yn gwbl ymwybodol o bwysigrwydd iechyd, diogelwch a lles anifeiliaid mewn cysylltiad â'r gweithgaredd hwn.

Bydd angen i chi allu adnabod peryglon yn y gweithle.

1. dewis a gwisgo'r dillad a'r offer amddiffynnol personol priodol ar gyfer y gweithgaredd, yn unol â'r cyfarwyddiadau
2. gwirio a sicrhau bod yr offer a'r cyfleusterau'n cael eu cadw mewn cyflwr defnyddiol
3. mynd at y ceffyl yn unol â'r cyfarwyddiadau ac mewn ffordd sy'n lleihau straen ar y ceffyl, a pherygl i chi eich hun ac i eraill
4. cynorthwyo gyda gofal arbenigol ceffylau perfformio trwy wneud ymarferion heb farchogaeth, yn unol â'r cyfarwyddiadau
5. cynorthwyo'r arbenigwr i weinyddu gofal iechyd ar gyfer ceffylau perfformio, yn unol â'r cyfarwyddiadau
6. cadw cofnodion stabl cywir ar gyfer ceffylau unigol yn unol â gweithdrefnau'r sefydliad yr ydych yn gweithio iddo
7. cynnal eich iechyd a'ch diogelwch chi ac eraill, a lles y ceffyl, yn ystod y gweithgaredd

1. sut i ddewis, defnyddio a gofalu am offer amddiffynnol personol
2. sut i fynd at geffylau mewn ffordd briodol er mwyn lleihau straen ar y ceffyl, a pherygl i chi eich hun ac i eraill
3. sut i ddefnyddio'r mathau gwahanol o ymarferion heb farchogaeth ar gyfer ceffylau perfformio
4. y mathau o ofal iechyd arbenigol a'r gweithdrefnau ar gyfer cynorthwyo gweithwyr gofal iechyd ceffylau proffesiynol
5. y mathau o gofnodion a'u pwysigrwydd, yn cynnwys iechyd, triniaethau, pedoli a chofnodion ymarfer a sut i'w cynnal
6. y gweithdrefnau ar gyfer gwirio a chynnal a chadw offer a chyfleusterau a'r angen iddynt fod mewn cyflwr defnyddiol
7. y peryglon i geffylau, i chi ac i eraill a sut y gellir lleihau'r rhain
8. pwysigrwydd hylendid a bioddiogelwch wrth ddarparu gofal parhaus ar gyfer ceffylau perfformio
9. eich cyfrifoldebau yn unol â deddfwriaeth a chodau ymarfer iechyd a lles anifeiliaid ac iechyd a diogelwch perthnasol

Cynorthwyo dau o'r canlynol a chofnodi manylion y gweithdrefnau:

• milfeddyg
• gof
• deintydd
• ffisiotherapydd

Ymarferion heb farchogaeth:

• mewn llaw
• hyrddio
• ffrwyn hir
• cerddwr ceffyl
• nofio
• melin draed