Troi ceffylau allan a’u cynnal mewn ardal bori

​Mae'r safon hon yn cynnwys troi ceffylau allan a'u cynnal mewn ardal bori a gwirio ceffylau a thir fel mater o drefn. Mae hefyd yn cynnwys dal ceffyl ar dir pori.

Byddai'r gwaith a ddisgrifir yn y safon hon yn cael ei wneud yn dilyn cytundeb gyda goruchwylydd am gyfrifoldebau a dulliau gweithio.

Bydd angen i chi fod yn gwbl ymwybodol o bwysigrwydd iechyd, diogelwch a lles anifeiliaid mewn cysylltiad â'r gweithgaredd hwn

Bydd angen i chi allu adnabod peryglon yn y gweithle.

1. ​dewis a gwisgo'r dillad a'r offer amddiffynnol personol priodol ar gyfer y gweithgaredd, yn unol â'r cyfarwyddiadau
2. gwirio fel mater o drefn bod y tir, ffiniau, gatiau ac unrhyw loches yn addas ac yn ddiogel a hysbysu'r person priodol ynghylch unrhyw broblemau, yn cynnwys ar lafar neu'n ysgrifenedig
3. gwirio bod cyflenwad digonol o ddŵr glân ar gael
4. mynd at y ceffyl yn unol â'r cyfarwyddiadau ac mewn ffordd sy'n lleihau straen ar y ceffyl, a pherygl i chi eich hun ac i eraill
5. dewis a gosod offer os oes angen cyn arwain y ceffylau i'r ardal bori
6. troi'r ceffylau allan i'r ardal bori yn unol â'r cyfarwyddiadau
7. cynnal ceffylau trwy wirio eu hymddygiad a'u cyflwr, fel y bo'n briodol
8. cymryd y camau priodol i ddatrys unrhyw broblemau
9. dal ceffylau o'r ardal bori a dod â cheffylau i mewn yn unol â'r cyfarwyddiadau
10. cael eglurhad pan nad yw'r cyfarwyddiadau'n glir
11. cyfathrebu gydag eraill a chynnal gwaith tîm effeithiol
12. cynnal eich iechyd a'ch diogelwch chi ac eraill, a lles y ceffyl, yn ystod y gweithgaredd

1. ​sut i ddewis, defnyddio a gofalu am  offer amddiffynnol personol
2. y peryglon posibl a allai ddigwydd wrth symud, troi ceffylau allan a'u dal
3. sut i fynd at geffylau mewn ffordd briodol er mwyn lleihau straen a pherygl i chi eich hun ac i eraill
4. dulliau o droi ceffylau allan i ardaloedd pori rheolaidd a newydd
5. pa mor aml i wirio'r ceffyl, y cae a'r dwr yn dibynnu ar yr adeg o'r flwyddyn a'r tywydd
6. y mathau o gofnodion sydd eu hangen a phwysigrwydd cadw cofnodion cywir
7. sut i gyflwyno ceffyl newydd i grwp sydd wedi ei sefydlu
8. ymddygiad grŵp ceffylau
9. peryglon i geffylau, i chi eich hun ac i eraill a sut y gellir lleihau'r peryglon hyn
10. eich cyfrifoldebau yn unol â deddfwriaeth a chodau ymarfer iechyd a lles anifeiliaid ac iechyd a diogelwch perthnasol.

​Cynnal ceffylau ar dir pori:

• yn ystod yr haf
• yn ystod y gaeaf
• drwy'r flwyddyn

​Gallai'r ffiniau gynnwys:

• muriau
• ffensys
• ffosydd
• gwrychoedd

Ymddygiad grŵp ceffylau:

• greddf naturiol
• gweithredoedd
• adweithiau