Plethu myngau a thwtio ceffylau

​Mae'r safon hon yn cynnwys plethu myngau a thwtio ceffylau. Gellir gwneud hyn ar gyfer ystod o geffylau.

Byddai'r gwaith a ddisgrifir yn y safon hon yn cael ei wneud yn dilyn cytundeb gyda goruchwylydd am gyfrifoldebau a dulliau gweithio.

Bydd angen i chi fod yn gwbl ymwybodol o bwysigrwydd iechyd, diogelwch a lles anifeiliaid mewn cysylltiad â'r gweithgaredd hwn

Bydd angen i chi allu adnabod peryglon yn y gweithle.

1. ​dewis a gwisgo'r dillad a'r offer amddiffynnol personol priodol ar gyfer y gweithgaredd, yn unol â'r cyfarwyddiadau
2. mynd at y ceffyl yn unol â'r cyfarwyddiadau ac mewn ffordd sy'n lleihau straen ar y ceffyl, a pherygl i chi eich hun ac i eraill
3. defnyddio technegau atal sydd yn lleihau straen ac anaf wrth blethu myngau a thwtio ceffylau
4. paratoi a phlethu mwng y ceffyl, yn unol â'r cyfarwyddiadau
5. twtio mwng neu gynffon y ceffyl, yn unol â'r cyfarwyddiadau
6. cael eglurhad pan nad yw'r cyfarwyddiadau'n glir
7. cyfathrebu gydag eraill a chynnal gwaith tîm effeithiol
8. cynnal a glanhau a thacluso'r ardal waith
9. cynnal eich iechyd a'ch diogelwch chi ac eraill, a lles y ceffyl, yn ystod y gweithgaredd

1. ​sut i ddewis, defnyddio a gofalu am  offer amddiffynnol personol
2. dewis ardal waith ac offer addas
3. sut i fynd at geffylau mewn ffordd briodol er mwyn lleihau straen a pherygl i chi eich hun ac i eraill
4. technegau addas i atal ceffyl wrth blethu myngau a thwtio
5. pryd y dylid plethu a phryd na ddylid plethu
6. sut i blethu mwng ceffylau
7. pryd mae angen twtio a sut i dwtio
8. sut i dynnu mwng a phryd y mae hyn yn briodol
9. pam y mae'n bwysig cael ardal waith lân a thaclus
10. peryglon i geffylau, chi eich hun ac i eraill a sut y gellir lleihau'r rhain
11. eich cyfrifoldebau yn unol â deddfwriaeth a chodau ymarfer iechyd a lles anifeiliaid ac iechyd a diogelwch perthnasol.

​Plethu myngau a thwtio ceffylau fel y bo'n briodol:

• gosod mwng
• plethu mwng
• tynnu mwng (dewisol – yn unol â gofynion yr iard)
• twtio cynffon
• tynnu cynffon (dewisol – yn unol â gofynion yr iard)
• twtio llwybr neu fwlch ffrwyn (dewisol – yn unol â gofynion yr iard)
• twtio plu
• twtio clustiau
• twtio gên