Mynd ar gefn a disgyn oddi ar gefn ceffylau addas, o dan oruchwyliaeth

​Mae'r safon hon yn ymwneud â mynd ar gefn a disgyn oddi ar gefn ceffylau addas, o dan oruchwyliaeth. Bydd hyn yn cynnwys mynd ar gefn ceffyl o'r ddaear neu o esgynfaen.  Mae hefyd yn cynnwys addasu gwartholion a chenglau.  Mae'n berthnasol i'r rheiny sydd yn gysylltiedig ag ymarfer ceffylau addas fel mater o drefn mewn cyfrwy.

Byddai'r gwaith a ddisgrifir yn y safon hon yn cael ei wneud o dan gyfarwyddyd goruchwylydd. Gallai hyn fod yn oruchwyliaeth uniongyrchol neu gallai fod trwy roi cyfarwyddiadau a monitro gwaith.

Bydd angen i chi fod yn gwbl ymwybodol o bwysigrwydd iechyd, diogelwch a lles anifeiliaid mewn cysylltiad â'r gweithgaredd hwn.

---

1. gwisgo'r dillad a'r offer amddiffynnol personol priodol ar gyfer y gweithgaredd, yn unol â'r cyfarwyddiadau
2. mynd at y ceffyl a'i arwain i'r ardal ofynnol, yn unol â'r cyfarwyddiadau ac mewn ffordd sy'n lleihau straen ar y ceffyl a pherygl i chi ac i eraill
3. clymu a rhyddhau ceffylau yn unol â chyfarwyddiadau
4. gwneud y gwiriadau diogelwch priodol ar harneisiau ac offer, o dan oruchwyliaeth
5. mynd ar gefn a disgyn oddi ar gefn ceffylau addas yn gywir, o dan oruchwyliaeth
6. bod yn ymwybodol o'ch iechyd a'ch diogelwch eich hun ac eraill, a lles y ceffyl, yn ystod y gweithgaredd

---

1. sut i ddefnyddio a gofalu am  offer amddiffynnol personol
2. sut i fynd at geffylau mewn ffordd briodol er mwyn lleihau straen arnynt a pherygl i chi eich hun ac i eraill
3. sut i ymdrin â cheffylau, eu clymu a'u rhyddhau yn ddiogel
4. sut i adnabod anesmwythdra mewn ceffylau wrth fynd ar eu cefn a disgyn oddi ar eu cefn
5. ystyriaethau diogelwch ar gyfer y ceffyl, chi eich hun ac eraill wrth fynd ar gefn a disgyn oddi ar gefn ceffylau
6. y gwiriadau a'r paratoadau ar gyfer harneisiau ac offer cyn mynd ar gefn ceffyl, yn cynnwys gwirio'r cenglau, tynnu'r gwartholion i lawr cyn mynd ar gefn y ceffyl a rhoi'r ffrwynau dros ben y ceffyl
7. effaith mynd ar gefn a disgyn oddi ar gefn y ceffyl i'r ceffyl
8. eich cyfrifoldebau yn ymwneud ag iechyd, diogelwch a lles anifeiliaid.

---

---

---

---

---

---

---

Offer amddiffynnol:

• het
• menig
• esgidiau uchel
• dillad addas ar gyfer y gweithgaredd

---

---

---

---

31 Ion 2021

---

Ar hyn o bryd

---

Gwreiddiol

---

Lantra

---

LANEq109

---

Cynorthwyydd Ceffylau

---

---

ceffyl; ceffylau; mynd ar gefn; disgyn oddi ar gefn; gwartholion; cenglau; cyfrwy; ffrwynau

---