Ymchwilio a pharatoi gweithgareddau dehongliadol amgylcheddol

Mae'r safon hon yn cynnwys ymchwilio a pharatoi gweithgareddau dehongliadol amgylcheddol yn ymwneud â safleoedd neu destunau amgylcheddol. Mae ymchwil a chynllunio cadarn yn hanfodol er mwyn i'r dehongli fodloni anghenion amrywiaeth o gynulleidfaoedd.

Mae'n rhaid eich bod yn gallu adnabod ffocws y dehongliad a datblygiad themâu a negeseuon.

Mae'n rhaid i chi wneud eich gwaith mewn ffordd sydd yn ystyried ei effaith ar yr amgylchedd.

Mae'r safon hon ar gyfer Gweithwyr Cadwraeth Amgylcheddol, yn cynnwys mynediad a hamdden, daearol, morol ac unrhyw agwedd arall ar gadwraeth, sydd yn gyfrifol am gyflawni gweithgareddau dehongliadol amgylcheddol.

1. nodi'r gynulleidfa a'r lleoliad a fwriadwyd ar gyfer y gweithgareddau dehongliadol amgylcheddol
2. sefydlu natur, gofynion a disgwyliadau'r gynulleidfa a fwriadwyd
3. ffurfio amcanion ymchwil sydd yn cysylltu natur a gofynion y gynulleidfa, y lleoliad cyflwyno a ffocws y dehongliad
4. nodi a defnyddio ffynonellau gwybodaeth yn effeithiol wrth ymchwilio i weithgareddau dehongliadol amgylcheddol
5. asesu'r holl wybodaeth a gafwyd am gywirdeb a pherthnasedd i'r gynulleidfa a fwriadwyd
6. cydnabod ffynonellau gwybodaeth wrth wneud ymchwil
7. ystyried y lleoliad, y gynulleidfa darged a ffocws y dehongli wrth baratoi gweithgareddau dehongliadol amgylcheddol
8. cynnal asesiad risg o'r ardaloedd sy'n cael eu defnyddio ar gyfer gweithgareddau, ac ystyried hyn wrth baratoi
9. caniatáu ar gyfer defnyddio ystod o ddulliau dehongli
10. sicrhau bod arddull a strwythur y gweithgareddau a gynlluniwyd yn berthnasol i amgylchiadau, diddordeb a gallu'r gynulleidfa
11. ystyried cynlluniau wrth gefn wrth baratoi
12. ystyried effaith amgylcheddol a chymdeithasol y gweithgareddau dehongliadol amgylcheddol arfaethedig
13. trafod a chytuno ar drefniadau mynediad i'r safle cyn unrhyw ymweliadau a gynlluniwyd
14. nodi'r adnoddau gofynnol a chadarnhau eu hargaeledd
15. cadarnhau bod eich gweithgareddau dehongliadol dethol yn cyd-fynd ag amcanion y dehongli, yn addas ar gyfer y safle a'r digwyddiad ac o fewn y gyllideb
16. hyrwyddo a rhoi cyhoeddusrwydd i'r gweithgaredd dehongliadol amgylcheddol ar gyfer y gynulleidfa darged

1. sut i sefydlu natur, gofynion a disgwyliadau'r gynulleidfa a fwriadwyd
2. y ffyrdd y gallai anghenion cynulleidfaoedd gwahanol amrywio, ac effaith hyn ar ymchwilio i weithgareddau dehongliadol amgylcheddol
3. pam y mae'n bwysig ffurfio amcanion ymchwil sydd yn cysylltu natur a gofynion y gynulleidfa, y lleoliad cyflwyno, a ffocws y dehongli
4. y ffynonellau gwybodaeth perthnasol, a sut i gael mynediad at y rhain a'u defnyddio'n effeithiol
5. sut i wirio gwybodaeth am gywirdeb a pherthnasedd, a'r rhesymau pam y mae hyn yn bwysig
6. y ffyrdd y gallwch gydnabod y ffynonellau gwybodaeth
7. amcanion a blaenoriaethau dehongliadol amgylcheddol eich sefydliad
8. pwysigrwydd paratoi'n ofalus ac yn drylwyr
9. sut i baratoi dehongliadau amgylcheddol a dewis gweithgareddau sydd yn mynd i'r afael ag anghenion y gynulleidfa, y lleoliad cyflwyno, a ffocws y dehongli
10. sut i gynnal asesiad risg o'r ardaloedd a ddefnyddir ar gyfer gweithgareddau ac addasu eich paratoadau yn unol â hynny
11. yr ystod o ddulliau dehongliadol, adnoddau a'r ymagweddau sydd ar gael, a'u perthnasedd i'r amgylchiadau, diddordeb a gallu'r gynulleidfa
12. y camau i'w cymryd os bydd unrhyw anawsterau neu gynlluniau wrth gefn
13. sut i ystyried yr amgylchedd posibl ac effaith gymdeithasol y dehongliadau amgylcheddol a'r rhesymau pam y mae hyn yn bwysig
14. sut i drafod a chytuno ar drefniadau mynediad i'r safle ar gyfer unrhyw ymweliadau a gynlluniwyd a chanlyniadau methu gwneud hyn
15. pwysigrwydd cadarnhau argaeledd adnoddau a chanlyniadau methu gwneud hyn
16. yr ystod o offer sydd ar gael i hyrwyddo gweithgaredd dehongliadol amgylcheddol, egwyddorion eu defnydd a sut i gael mynediad iddynt

​

Cynulleidfaoedd: **

• oedolion
• plant a phobl ifanc
• teuluoedd
• pobl llai abl ac agored i niwed
• grwpiau diddordeb cyffredinol
• grwpiau diddordeb arbennig
• defnyddwyr hamdden
• y rheiny â gofynion arbennig
• y rheiny nad Saesneg yw eu hiaith gyntaf

Technegau dehongli: **

• defnydd o gyfarpar sain-weledol
• defnydd o bropiau ac adnoddau
• cyfranogiad a chyfraniad cynulleidfa

Gweithgareddau dehongliadol:

• sgyrsiau darluniadol

• darparu arddangosiadau

• teithiau tywys
• dweus straeon
• defnyddio gemau amgylcheddol
• drama/perfformiadau