Ymgynghori a thrafod i ddiogelu neu wella’r defnydd o dir neu safleoedd morol

Mae'r safon hon yn cynnwys ymgynghori a thrafod i ddiogelu neu wella'r defnydd o dir neu safleoedd morol.

Gall hyn gynnwys cynnal arfer da presennol wrth wynebu newidiadau arfaethedig. Bydd yr ymgynghori a'r trafod yn cael ei wneud gydag amrywiaeth eang o grwpiau â diddordeb. Mae'r safon yn pwysleisio gweithio mewn partneriaeth ag eraill i gyflawni atebion a gwelliannau.

Gellir defnyddio'r termau "tir" neu "forol" ar gyfer amgylcheddau daearol, dŵr neu gymysg mewn cyd-destunau trefol a gwledig, yn cynnwys ardaloedd ar y môr i ymyl dyfroedd tiriogaethol.

Mae'r safon hon ar gyfer gweithwyr cadwraeth a mynediad morol sydd yn gysylltiedig ag ymgynghoriadau a thrafodaethau'n ymwneud â'r defnydd o dir a/neu ardaloedd morol. Er enghraifft, gallai hyn gynnwys trafodaethau gyda pherchnogion tir ynghylch rheoli cynefin neu hawliau mynediad, pysgotwyr ynghylch defnydd ar y cyd o ardaloedd o'r môr neu gyrff statudol ynghylch newidiadau mewn rheolaethau o ran defnydd o dir a/neu safleoedd morol.

1. nodi unrhyw faterion yn ymwneud â defnydd presennol neu arfaethedig o dir neu'r môr
2. nodi ac ymgysylltu â'r prif grwpiau diddordeb ac unigolion sydd yn gysylltiedig â defnydd presennol neu arfaethedig
3. esbonio cyfleoedd ar gyfer diogelu/gwella'r defnydd o dir neu'r môr i'r prif grwpiau diddordeb ac unigolion, a chael eu safbwyntiau am y cyfleoedd hyn
4. ymgynghori a thrafod gyda'r prif grwpiau diddordeb a'r unigolion, yn unol â diddordebau'r holl bartïon cysylltiedig, ac o fewn y gofynion cyfreithiol perthnasol a rhai eich sefydliad
5. nodi a gwerthuso atebion posibl i unrhyw faterion gyda'r defnydd presennol neu arfaethedig o dir neu safleoedd morol
6. datblygu argymhellion ar gyfer gweithredu i ddiogelu neu wella'r defnydd o dir neu safleoedd morol, yn unol â'r ddeddfwriaeth genedlaethol berthnasol, rheoliadau lleol, strategaethau, polisïau a chodau ymarfer
7. cwblhau ymgynghori a thrafod yn unol â'r gofynion cyfreithiol perthnasol a rhai eich sefydliad
8. cofnodi canlyniadau ymgynghori a thrafod a'r argymhellion ar gyfer gweithredu gyda'r prif grwpiau diddordeb ac unigolion
9. monitro gweithredu ac effeithiolrwydd gweithredoedd y cytunwyd arnynt

1. y materion gyda'r defnydd presennol neu arfaethedig o dir neu'r môr a sut i farnu'r angen i weithredu
2. sut i nodi ac ymgysylltu prif grwpiau diddordeb ac unigolion sydd yn gysylltiedig â'r defnydd presennol neu arfaethedig o'r tir neu'r safle morol
3. pam y mae ymgynghori a thrafod gyda'r prif grwpiau diddordeb a'r unigolion perthnasol yn bwysig
4. ystod o dechnegau ar gyfer cynnal a chwblhau ymgynghoriadau a thrafodaethau effeithiol
5. y ffyrdd y mae diddordebau partïon eraill yn newid wrth i'r trafodaethau fynd yn eu blaen
6. yr atebion technegol a phosibl eraill i faterion a'r dulliau o werthuso eu heffeithiolrwydd tebygol
7. y ddeddfwriaeth genedlaethol berthnasol, rheoliadau lleol, strategaethau, polisïau a chodau ymarfer a goblygiadau peidio â chydymffurfio â'r rhain
8. y gweithredoedd gwahanol sydd ar gael i ddiogelu neu wella'r defnydd o dir neu safle morol a'r rhesymau dros argymell gweithred benodol
9. pwysigrwydd monitro gweithredu ac effeithiolrwydd y weithred y cytunwyd arni a sut dylid gwneud hyn

Gallai materion gynnwys:

• bygythiadau i fioamrywiaeth
• defnydd amhriodol o dir a'r arfordir
• cynnal y safle yn wael
• mynediad

Prif grwpiau diddordeb ac unigolion:

• perchnogion tir
• rheolwyr tir
• awdurdodau lleol
• grwpiau cymunedol a grwpiau eraill â diddordeb
• y cyhoedd
• asiantaethau statudol ac asiantaethau eraill
• arbenigwyr amgylcheddol