Ymdrin â digwyddiad o lygredd

Mae'r safon hon yn cynnwys ymdrin â digwyddiad o lygredd ac adfer yr amgylchedd i gyflwr derbyniol. Mae'n berthnasol i amgylcheddau dŵr a thir lle mae llygredd wedi digwydd.

Mae'n rhaid eich bod yn gallu adnabod ac ymdrin â pheryglon sydd yn gysylltiedig â llygrwyr amrywiol a chymryd y camau gofynnol i leihau'r effaith. Gallai hyn gynnwys hysbysu a gweithio gyda sefydliadau eraill.

Mae'n rhaid i'ch gwaith i adfer amgylcheddau wedi'u llygru gael ei wneud mewn ffordd sy'n lleihau unrhyw effaith amgylcheddol niweidiol. Mae'n rhaid i'r defnydd o gyfarpar, deunyddiau a sylweddau ar gyfer glanhau'r amgylchedd ystyried ystyriaethau amgylcheddol ehangach.

Mae'r safon hon ar gyfer cyflogeion neu wirfoddolwyr sydd yn gysylltiedig ag adfer amgylcheddau wedi'u llygru i gyflwr derbyniol.

1. asesu'r risg sydd yn gysylltiedig â'r digwyddiad o lygredd
2. gwisgo cyfarpar diogelu personol (PPE) addas, yn unol â chyfarwyddiadau'r cynhyrchwyr, y math o ddigwyddiad a gofynion eich sefydliad
3. dewis, paratoi a defnyddio'r offer, y cyfarpar a'r deunyddiau sy'n ofynnol yn ddiogel ac yn effeithiol i ymdrin â'r digwyddiad o lygredd
4. rhoi dulliau ar waith i ymdrin â'r digwyddiad o lygredd, yn unol â'r cyfarwyddiadau

5. defnyddio deunyddiau a sylweddau perthnasol i ymdrin â'r digwyddiad o lygredd, yn unol â'r cyfarwyddiadau a'r ddeddfwriaeth berthnasol

6. gweithio i adfer yr amgylchedd llygredig a diogelu'r amgylchedd cyfagos, yn unol â'r cyfarwyddiadau ac anghenion y safle

7. ystyried y tywydd a chyflwr y ddaear a'r effaith bosibl y gallai'r cyflyrau hyn ei gael ar y digwyddiad
8. gwneud eich holl waith yn unol â'r ddeddfwriaeth amgylcheddol ac iechyd a diogelwch perthnasol, gofynion asesu risg, codau ymarfer a pholisïau eich sefydliad
9. parhau i gyfathrebu gyda chydweithwyr ac eraill sydd yn gysylltiedig â'ch gwaith neu wedi'u heffeithio ganddo
10. cymryd y mesurau perthnasol i ddiogelu a chynnal diogelwch y cyhoedd rhag y digwyddiad o lygredd
11. cwblhau gwaith i adfer yr amgylchedd llygredig i'r safon gofynnol, ac adrodd am unrhyw faterion wrth y person perthnasol yn unol â gweithdrefnau eich sefydliad
12. gweithredu pan nad yw gweithrediadau adfer yn gweithio
13. glanhau'r offer a ddefnyddir i dynnu'r llygrwyr a'r sylweddau glanhau yn gywir, yn unol â'r math o ddigwyddiad llygru, cyfarwyddiadau'r cynhyrchwyr a pholisïau eich sefydliad
14. gwaredu deunyddiau a sylweddau gwastraff a ddefnyddir i ymdrin â'r digwyddiad o lygredd yn ddiogel ac yn gywir yn unol â'r cyfarwyddiadau, y ddeddfwriaeth berthnasol a natur y digwyddiad
15. cwblhau cofnodion fel sy'n ofynnol gan y ddeddfwriaeth berthnasol a'ch sefydliad

1. sut i nodi peryglon ac asesu risg
2. y mathau o beryglon sydd yn gysylltiedig â llygrwyr gwahanol
3. y mathau o ddigwyddiadau llygredd a'r dulliau a'r rhagofalon a ddefnyddir wrth ymdrin â nhw
4. ble i gael cyfarwyddiadau ar gyfer ymdrin â'r digwyddiad o lygredd
5. y dewis a'r defnydd cywir o gyfarpar diogelu personol (PPE) ar gyfer ymdrin â'r digwyddiad o lygredd
6. sut i ddewis, paratoi a defnyddio offer, cyfarpar a deunyddiau sy'n briodol ar gyfer ymdrin â'r digwyddiad o lygredd
7. y dulliau cywir ar gyfer defnyddio deunyddiau a chyfarpar ar gyfer ymdrin â'r digwyddiad o lygredd
8. y dulliau cywir ar gyfer diogelu'r amgylchedd cyfagos
9. defnydd cadwriaethol, hamdden ac economaidd y safle a sut mae'r rhain yn ymwneud â'ch gweithgareddau gwaith
10. sut mae'r tywydd a chyflwr y ddaear yn effeithio ar y digwyddiad o lygredd
11. eich cyfrifoldebau yn unol â'r ddeddfwriaeth amgylcheddol ac iechyd a diogelwch perthnasol, gofynion asesu risg, codau ymarfer a pholisïau eich sefydliad
12. pwysigrwydd parhau i gyfathrebu gyda chydweithwyr ac eraill sydd yn gysylltiedig â'ch gwaith, neu wedi'u heffeithio ganddo
13. yr arwyddion nad yw gweithrediadau adfer yn gweithio a'r camau i'w cymryd
14. y gofynion cyfreithiol perthnasol a gweithdrefnau eich sefydliad ar gyfer cyfathrebu ac adrodd gwybodaeth am y digwyddiad o lygredd
15. y dulliau cywir ar gyfer glanhau'r cyfarpar a ddefnyddiwyd i dynnu llygrwyr a sylweddau
16. y gofynion cyfreithiol perthnasol a gweithdrefnau eich sefydliad ar gyfer gwaredu deunyddiau a sylweddau gwastraff a ddefnyddiwyd i ymdrin â digwyddiad o lygredd
17. gofynion cyfreithiol a rhai eich sefydliad ar gyfer cwblhau a storio cofnodion

Cyfarwyddiadau:

• datganiadau dull
• Gweithdrefnau Gweithredu Safonol (SOP)
• canllawiau cynhyrchwyr
• gofynion cyfreithiol
• canllawiau arfer da
• gofynion cwsmeriaid
• safon gofynol y canlyniad
• cyfarwyddiadau llafar

Gall llygrwyr gynnwys: llaid, anifeiliaid marw a llygredd cemegol yn cynnwys elifion, dŵr ffo amaethyddol a dŵr ffo arall, plaladdwyr, glanedyddion, olew ac ati