Gweithio’n ddiogel mewn mannau cyfyng

Mae'r safon hon yn cynnwys y cymwyseddau sydd yn ofynnol ar gyfer gweithio'n ddiogel mewn mannau cyfyng. Mae'n berthnasol ble bynnag y byddwch yn gweithio mewn gofod cyfyng, waeth pa weithrediad technegol yr ydych yn ei wneud.

Mae'n cynnwys cynllunio a pharatoi gwaith mewn mannau cyfyng, yn cynnwys asesu'r risg.

Mae'n rhaid i chi wneud eich gwaith mewn ffordd sydd yn ystyried ei effaith ar yr amgylchedd.

Mae'r safon hon ar gyfer gweithwyr ar afonydd, arfordiroedd a dyfrffyrdd sydd yn gwneud gwaith mewn mannau cyfyng.

1. cadarnhau'r angen i weithio mewn ardaloedd cyfyng
2. paratoi ar gyfer gweithio mewn mannau cyfyng yn unol â chodau ymarfer a gweithdrefnau perthnasol eich sefydliad
3. asesu'r risg o weithio yn y man cyfyng a dewis y dulliau gwaith perthnasol
4. dewis a defnyddio'r cyfarpar diogelwch sy'n ofynnol i sicrhau ei fod yn gweithio'n gywir, wedi'i raddnodi, ac wedi'i gynnal yn addas ar gyfer gwaith mewn mannau cyfyng
5. gwneud y gwiriadau cywir cyn cael mynediad yn unol â'r codau ymarfer a gweithdrefnau eich sefydliad

6. gosod arwyddion rhybudd a rhwystrau yn y lleoliadau perthnasol

7. gwneud eich gwaith yn unol â'r ddeddfwriaeth amgylcheddol ac iechyd a diogelwch perthnasol, â'r gofynion asesu risg, codau ymarfer a pholisïau eich sefydliad

8. parhau i gyfathrebu gyda chydweithwyr wrth weithio mewn mannau cyfyng
9. monitro diogelwch amodau gwaith yn barhaus yn ystod gwaith mewn gofod cyfyng yn unol â'r codau ymarfer perthnasol a gweithdrefnau eich sefydliad
10. lle bo angen, dechrau gweithdrefnau diogelwch a brys yn unol â'r codau ymarfer perthnasol a gweithdrefnau eich sefydliad
11. cwblhau cofnodion fel sy'n ofynnol gan y ddeddfwriaeth berthnasol a'ch sefydliad

1. yr egwyddorion a'r dulliau ar gyfer gweithio mewn mannau cyfyng
2. yr amodau sydd yn pennu pryd mae angen gwaith mewn mannau cyfyng
3. y codau ymarfer perthnasol a gweithdrefnau eich sefydliad ar gyfer gwaith mewn mannau cyfyng
4. y mathau o risg sydd yn gysylltiedig â gwaith mewn mannau cyfyng
5. y mathau o gyfarpar sy'n ofynnol ar gyfer gwaith mewn mannau cyfyng a'r defnydd cywir a graddnodau cyfarpar o'r fath
6. y gwiriadau a'r gweithdrefnau mynediad sy'n ofynnol wrth weithio mewn mannau cyfyng

7. sut a pham y dylid defnyddio arwyddion rhybudd wrth weithio mewn mannau cyfyng

8. eich cyfrifoldebau yn unol â'r ddeddfwriaeth amgylcheddol ac iechyd a diogelwch perthnasol, â'r gofynion asesu risg, codau ymarfer a pholisïau'r sefydliad

9. pwysigrwydd parhau i gyfathrebu wrth weithio mewn mannau cyfyng a sut dylid gwneud hyn
10. y dulliau ar gyfer monitro diogelwch yn ystod gwaith mewn mannau cyfyng
11. gweithdrefnau diogelwch a brys eich sefydliad ar gyfer gwaith mewn mannau cyfyng a sut i ysgogi'r rhain
12. y gofynion cyfreithiol â'r gofynion eich sefydliad ar gyfer cwblhau a storio cofnodion

Cyfarpar:

• cyfarpar profi nwy
• cyfathrebiadau
• dillad diogelu
• cyfarpar anadlu neu setiau dianc
• rhaffau achub
• winsh
• harnais
• goleuadau

Risg:

• lefelau dŵr
• atmosffêr
• llygrwyr yn y dŵr
• y tywydd
• risg strwythurol

Gweithdrefnau diogelwch a brys:

• newidiadau i lefelau dŵr
• newidiadau i'r atmosffêr
• anallu aelodau'r tîm
• llygrwyr yn y dŵr