Paratoi a gweithredu peiriannau dŵr

Mae'r safon hon yn cynnwys paratoi a gweithredu peiriannau dŵr. Mae'n berthnasol i ddefnyddio peiriannau dŵr ar gyfer gweithgareddau cynnal a chadw yn yr amgylchedd dŵr.

Wrth weithio gydag offer a pheiriannau trydanol, mae'n rhaid eich bod wedi cael hyfforddiant ac yn meddu ar ardystiad cyfredol, lle bo angen, yn unol â'r ddeddfwriaewth berthnasol.

Mae'n rhaid i chi wneud eich gwaith mewn ffordd sydd yn ystyried ei effaith ar yr amgylchedd.

Mae'r safon ar gyfer gweithwyr afonydd, arfordirol a dyfrffyrdd sydd yn defnyddio peiriannau dŵr.

1. asesu'r risg sydd yn gysylltiedig â'r safle a'r gweithgaredd gofynnol
2. gwisgo dillad a chyfarpar diogelu personol (PPE) addas
3. cadarnhau eich bod wedi cael unrhyw ganiatâd, cydsyniad neu drwyddedau penodol angenrheidiol i weithredu'r peiriannau dŵr a gwneud y gweithgaredd gofynnol
4. dewis y peiriannau dŵr perthnasol yn unol â gofynion y gwaith
5. paratoi'r peiriannau dŵr trwy gynnal gwiriadau ac addasiadau cyn eu defnyddio, yn unol â'r ddeddfwriaeth berthnasol, cyfarwyddiadau a'r manylebau

6. cadarnhau bod y peiriannau dŵr yn addas, wedi'u clymu'n ddiogel ac yn barod i'w defnyddio

7. cadarnhau bod namau wedi eu nodi, eu cywiro a'u cofnodi, neu wedi'u cyfeirio at y person perthnasol

8. defnyddio'r arwyddion rhybudd cywir cyn gweithredu'r peiriannau dŵr ac wrth eu defnyddio
9. gweithredu peiriannau dŵr yn ddiogel er mwyn gwneud y gweithgareddau gofynnol yn unol â'r cyfarwyddiadau a'r manylebau
10. gwneud eich gwaith yn unol â'r ddeddfwriaeth genedlaethol berthnasol, rheoliadau lleol, canllawiau, codau ymarfer a pholisïau eich sefydliad
11. parhau i gyfathrebu gyda chydweithwyr ac eraill sydd yn gysylltiedig â'ch gwaith, neu wedi'u heffeithio ganddo
12. gwneud eich gwaith yn unol â'r ddeddfwriaeth amgylcheddol ac iechyd a diogelwch perthnasol, gofynion asesu risg, codau ymarfer a pholisïau eich sefydliad
13. adnabod amgylchiadau a allai effeithio ar y gweithgaredd a chymryd y camau gofynnol
14. symud y peiriannau dŵr yn ddiogel ac yn unol â'r math o beiriant a'r gweithgaredd sy'n cael ei gynnal
15. cynnal sefydlogrwydd y peiriannau dŵr yn gywir
16. addasu gweithrediadau i ystyried y tywydd, amodau'r dŵr a defnyddwyr eraill y dŵr a chynefinoedd bywyd gwyllt
17. gwneud y defnydd gorau o danwydd ac ireidiau wrth drin a defnyddio'r peiriannau dŵr
18. cynnal bioddiogelwch wrth ddefnyddio peiriannau dŵr
19. diffodd ac ynysu'r peiriannau dŵr ar ôl cwblhau'r gweithgaredd a'u gadael mewn cyflwr diogel a chywir ar gyfer eu defnyddio yn y dyfodol
20. cwblhau cofnodion fel sy'n ofynnol gan y ddeddfwriaeth berthnasol a'ch sefydliad

1. sut i adnabod peryglon ac asesu risg
2. y math o ddillad a chyfarpar diogelu personol (PPE) sydd yn addas ar gyfer y gweithgaredd
3. y mathau o beiriannau dŵr a'u defnydd
4. pwysigrwydd cael y caniatâd, cynsyniad neu drwyddedau perthnasol i weithredu'r peiriannau dŵr a gwneud y gweithgaredd gofynnol
5. y gofynion cyfreithiol perthnasol a manylebau'r cynhyrchwyr ar gyfer paratoi a defnyddio peiriannau dŵr
6. sut i glymu'r peiriannau dŵr mewn perthynas â'r gweithgaredd gofynnol
7. y namau a allai ddigwydd a sut gellir unioni'r rhain

8. sut a pham defnyddio arwyddion rhybudd wrth weithredu peiriannau dŵr

9. y cyfarwyddiadau a'r manylebau ar gyfer defnyddio peiriannau dŵr ar gyfer gwneud y gweithgareddau gofynnol

10. goblygiadau â'r ddeddfwriaeth genedlaethol berthnasol, rheoliadau lleol, canllawiau, codau ymarfer a pholisïau eich sefydliad ar gyfer eich gwaith
11. pwysigrwydd parhau i gyfathrebu gyda'r rheiny sydd yn gysylltiedig â'ch gwaith, neu wedi'u heffeithio ganddo, a sut dylid gwneud hyn
12. eich cyfrifoldebau yn unol â'r ddeddfwriaeth amgylcheddol ac iechyd a diogelwch, gofynion asesu risg, codau ymarfer a pholisïau eich sefydliad
13. yr amgylchiadau a allai effeithio ar y gweithgaredd a'r camau y dylid eu cymryd
14. terfynau eich cyfrifoldeb mewn perthynas ag amgylchiadau nas rhagwelwyd y gellir dod ar eu traws
15. sut i gynnal sefydlogrwydd peiriannau dŵr
16. y ffyrdd y mae'n rhaid addasu gweithrediadau i ystyried y tywydd, amodau'r dŵr, defnyddwyr eraill y dŵr a chynefinoedd bywyd gwyllt
17. y defnydd effeithlon o beiriannau dŵr
18. pwysigrwydd cynnal bioddiogelwch wrth ddefnyddio peiriannau dŵr a'r dulliau ar gyfer cyflawni hyn
19. y cyflwr y dylid gadael peiriannau dŵr ar ôl eu defnyddio
20. gofynion cyfreithiol a rhai eich sefydliad ar gyfer cwblhau a storio cofnodion

Gweithgareddau y gellir eu gwneud gan beiriannau dŵr:

• treillio

• codi

• symud rhwystrau

• cludo deunyddiau

Amgylchiadau a allai effeithio ar y gweithgaredd:

• peryglon diogelwch
• gwasanaethau uwchben ac o dan y ddaear
• newidiadau yn llif y dŵr
• methiant i glymu
• peiriannau'n torri lawr
• cynefinoedd bywyd gwyllt
• y tywydd
• defnyddwyr eraill y dŵr

Sicrhau bod peiriannau'n barod i'w defnyddio:

• cynnal a chadw arferol
• gwiriadau diogelwch
• llenwi â thanwydd ac iro

Arwyddion rhybudd:

• synau
• goleuadau

Peiriannau dŵr:

• ar fad
• ar lwyfan