Gweithredu a chynnal systemau lefelau dŵr

​

Mae'r safon hon yn cynnwys gweithredu a chynnal systemau lefelau dŵr. Mae'n berthnasol i unrhyw system ddŵr wedi ei rheoli lle mae cyfundrefn rheoli lefel neu lif mewn gweithrediad.

Byddwch yn gallu gweithredu amrywiaeth o beiriannau ac offer i gynnal systemau lefelau dŵr.

Mae'n rhaid i chi wneud eich gwaith mewn ffordd sydd yn ystyried ei effaith ar yr amgylchedd.

Mae'r safon hon ar gyfer y rheiny sydd yn gysylltiedig â chynnal systemau lefelau dŵr yn ymwneud ag afonydd, arfordiroedd a dyfrffyrdd.

---

1. asesu'r risg sydd yn gysylltiedig â'r safle a'r gweithgaredd gofynnol
2. gwisgo dillad a chyfarpar diogelu personol (PPE) addas
3. gweithredu a chynnal systemau lefelau dŵr yn unol â'r cyfarwyddiadau a'r manylebau ac amodau lefelau dŵr
4. paratoi a gweithio cyfarpar gwaith trwy gynnal gwiriadau ac addasiadau cyn ei ddefnyddio, yn unol â'r ddeddfwriaeth berthnasol, cyfarwyddiadau a'r manylebau
5. gweithredu cyfarpar yn ddiogel ac yn unol â'r gweithdrefnau rheoli llif
6. os bydd cyfarpar yn methu, defnyddio dulliau amgen i ddatrys y broblem ac adrodd wrth y person perthnasol
7. symud unrhyw rwystrau a malurion neu gyfeirio at y person perthnasol ar gyfer gweithredu pellach
8. cynnal bioddiogelwch trwy gydol eich gwaith
9. monitro lefelau dŵr gan ddefnyddio'r dulliau cywir ac adrodd data yn unol â'r gofynion cyfreithiol perthnasol a rhai eich sefydliad
10. nodi ac ymateb i'r angen i newid systemau lefelau dŵr yn unol â gofynion eich sefydliad
11. parhau i gyfathrebu gyda chydweithwyr ac eraill sydd yn gysylltiedig â'ch gwaith, neu wedi eu heffeithio ganddo
12. gwneud eich gwaith yn unol â'r ddeddfwriaeth amgylcheddol ac iechyd a diogelwch perthnasol, gofynion asesu risg, codau ymarfer a pholisïau eich sefydliad
13. nodi'r cyfleoedd i wella cynefinoedd bywyd gwyllt trwy addasiadau i weithdrefnau gwaith ac adrodd am y rhain wrth y person perthnasol
14. cwblhau cofnodion fel sy'n ofynnol gan y ddeddfwriaeth berthnasol a'ch sefydliad

---

1. sut i nodi peryglon ac asesu risg
2. y math o ddillad a chyfarpar diogelu personol (PPE) sydd yn addas ar gyfer y gweithgaredd
3. y cyfarwyddiadau a'r manylebau ar gyfer gweithredu a chynnal systemau lefelau dŵr
4. diben a swyddogaeth y system lefel dŵr
5. y defnydd o systemau rheoli llifogydd naturiol
6. y gofynion cyfreithiol perthnasol ar gyfer paratoi a defnyddio cyfarpar gwaith
7. y mathau o fethiant cyfarpar a allai ddigwydd a sut i adnabod ac ymdrin â namau o'r fath
8. terfynau eich cyfrifoldeb mewn perthynas ag ymdrin â methiant cyfarpar ac wrth bwy i adrodd am hyn
9. y mathau o rwystrau a allai ddigwydd a sut i adnabod ac ymdrin â nhw yn ddiogel
10. pwysigrwydd cynnal bioddiogelwch wrth wneud eich gwaith a'r dulliau ar gyfer cyflawni hyn
11. sut i fonitro ac amcangyfrif lefelau dŵr a'r gweithdrefnau ar gyfer adrodd am ddata lefelau dŵr
12. y gofynion deddfwriaeth a sefydliad perthnasol sydd yn gysylltiedig â gweithredu a chynnal systemau lefelau dŵr
13. pwysigrwydd parhau i gyfathrebu gyda'r rheiny sydd yn gysylltiedig â'ch gwaith, neu wedi eu heffeithio ganddo, a sut dylid gwneud hyn
14. eich cyfrifoldebau yn unol â deddfwriaeth amgylcheddol ac iechyd a diogelwch, gofynion asesu risg, codau ymarfer a pholisïau eich sefydliad
15. yr ystyriaethau amgylcheddol y mae'n rhaid eu hystyried
16. y cyfleoedd a allai godi i wella cynefinoedd bywyd gwyllt ac wrth bwy y dylid adrodd am y rhain
17. y gofynion cyfreithiol a rhai eich sefydliad ar gyfer cwblhau a storio cofnodion

---

---

---

---

---

---

---

​Cyfarpar

• mecanyddol
• llaw
• trydanol
• hydrolig

Amodau lefelau dŵr:

• uchel
• arferol
• isel

Cyfarwyddiadau a manylebau:

• darluniau/cynlluniau
• mapiau safle/asesiad o ddelwedd o'r awyr
• amserlenni
• datganiadau dull
• Gweithdrefnau Gweithredu Safonol (SOP)
• canllawiau'r cynhyrchydd
• gofynion cyfreithiol
• canllawiau arfer da
• gofynion cwsmeriaid
• safon gofynnol y canlyniad
• cyfarwyddiadau llafar

Rheoli Llifogydd Naturiol:

• Argaeau yn gollwng
• Byndiau pren
• Coetir glannau afon
• Rheoli erydiad
• Blocio draeniau

Systemau lefelau dŵr:

• falf llabed
• gorsaf bwmpio
• llifddorau a choredau
• gatiau
• rhodlau daear
• boncyffion atal

---

---

---

---

30 Maw 2025

---

Ar hyn o bryd

---

Gwreiddiol

---

Lantra

---

LANEnC19

---

Gweithiwr Ystâd, Swyddog Polisi Amgylcheddol

---

5119

---

afonydd; dyfrffyrdd; falf llabed; rhodlau daear; llifddorau; coredau

---