Nodi ardaloedd â risg o lifogydd

Mae'r safon hon yn cynnwys nodi ardaloedd â risg o lifogydd. Gellir gwneud hyn trwy ddefnyddio GIS, mapiau, data arolygu, data hanesyddol a thrwy weithio gyda sefydliadau eraill. Gall achosion llifogydd fod yn rhai daear, afonol neu lawog.

Mae'r safon hefyd yn cynnwys creu mapiau perygl o lifogydd a mapiau risg o lifogydd fydd yn nodi maint posibl ardal y llifogydd a chanlyniadau llifogydd ar fodau dynol, yr economi leol a'r amgylchedd.

Mae'n rhaid i chi wneud eich gwaith mewn ffordd sydd yn ystyried ei effaith ar yr amgylchedd.

Mae'r safon hon ar gyfer cyflogeion neu wirfoddolwyr y mae angen iddynt nodi meysydd â risg posibl o lifogydd. Mae'n berthnasol i waith sy'n cael ei wneud ar afonydd, arfordiroedd a dyfrffyrdd

1. darllen a dehongli mapiau a graffiau i nodi meysydd â risg o lifogydd
2. creu mapiau o ardaloedd â risg o lifogydd
3. creu mapiau o ardaloedd â pherygl o lifogydd
4. nodi ffynonellau gwahanol o lifogydd posibl
5. asesu effaith llifogydd ar yr amgylchedd
6. asesu'r effaith ar fodau dynol a'r economi yn sgîl llifogydd
7. asesu graddau tebygol y llifogydd
8. asesu achosion tebygol llifogydd
9. gwerthuso'r risg o lifogydd
10. gweithio gyda sefydliadau eraill i nodi risg penodol

1. natur holistaidd y cylch dŵr, yn cynnwys dŵr daear
2. y creigwely, daeareg arwynebol a phriddoedd a'u dylanwad ar gyfraniad llif gwaelodol dŵr daear ar y dŵr wyneb
3. y mathau o systemau draenio a gallu
4. y systemau draenio cynaliadwy a'u defnydd
5. sut i ddehongli mapiau a graffiau wrth nodi ardaloedd â risg o lifogydd
6. sut i fapio peryglon llifogydd yn cynnwys graddau, dyfnder, cyfeiriad a chyflymder
7. sut i fapio risg o lifogydd mewn perthynas ag effaith ddynol, economaidd ac amgylcheddol
8. sut i ddefnyddio data hanesyddol ac arolygon yn nodi ardaloedd â risg o lifogydd
9. y cynllun rheoli basn afon lleol
10. sut i werthuso risg o ran llifogydd
11. ffynonellau ac achosion posibl llifogydd
12. y mathau o amddiffynfeydd a rheolaethau llifogydd a sut gellir eu defnyddio
13. pwysigrwydd gweithio gyda sefydliadau eraill

Mathau o ffynonellau ac achosion llifogydd:

• môr
• prif afonydd
• cronfeydd dŵr
• afonol (anallu cyrsiau dŵr naturiol i ymdopi â glaw eithafol)
• glawol (dŵr ffo uniongyrchol dros dir sy'n achosi llifogydd mewn ardaloedd nad ydynt yn flaenorol wedi bod yn gysylltiedig â chyrsiau dŵr naturiol neu artiffisial)
• dŵr daear (dŵr sydd islaw wyneb y ddaear ac mewn cyswllt
• uniongyrchol â'r ddaear neu'r isbridd)