Monitro ac adrodd ar lefelau dŵr

​

Mae'r safon hon yn cynnwys monitro ac adrodd ar lefelau dŵr. Rydych fwyaf tebygol o wneud y gwaith hwn fel rhan o weithgareddau eraill eich gwaith fel addasu systemau lefel dŵr neu gynnal y cwrs dŵr.

Bydd angen eich bod yn gallu cymryd darlleniadau cywir gan ddefnyddio dull addas.

Mae'n rhaid i chi wneud eich gwaith mewn ffordd sydd yn rhoi cyfrif am ei effaith ar yr amgylchedd.

Mae'r safon hon ar gyfer cyflogeion neu wirfoddolwyr sydd yn gysylltiedig â monitro ac adrodd ar lefelau dŵr fel rhan o'u swydd.

1. adnabod y lleoliad(au) gorau ar gyfer cael darlleniadau yn unol â'r cyfarwyddiadau, natur y tir a gofynion mynediad
2. cael a chwblhau darlleniadau cywir ar yr adegau perthnasol
3. cymryd y camau cywir i ddatrys y sefyllfa lle na ellir cael darlleniadau cywir yn hawdd
4. gwneud eich gwaith yn unol â'r ddeddfwriaeth amgylcheddol ac iechyd a diogelwch perthnasol, gofynion asesu risg, codau ymarfer a pholisïau eich sefydliad
5. cynnal bioddiogelwch trwy gydol eich gwaith
6. gwneud y gwaith mewn ffordd sydd yn amharu cyn lleied â phosibl ar y safle a'r ardal gyfagos
7. adrodd ynghylch lefelau dŵr o fewn y graddfeydd amser gofynnol
8. creu adroddiadau sydd yn gywir ac yn cynnwys yr holl wybodaeth ofynnol yn unol â'r ddeddfwriaeth berthnasol a gofynion eich sefydliad
9. os oes niwed i'r amgylchedd yn cael ei nodi, gweithredu ar unwaith a hysbysu'r person perthnasol
10. parhau i gyfathrebu gyda chydweithwyr ac eraill sydd yn gysylltiedig â'ch gwaith, neu wedi eu heffeithio ganddo
11. gweithredu'r gweithdrefnau brys cywir ar unwaith lle mae llifogydd gwirioneddol neu bosibl neu ddŵr yn gollwng yn cael ei nodi, ac adrodd am eich gweithredoedd i'r person perthnasol
12. cwblhau a storio adroddiadau yn unol â'r ddeddfwriaeth berthnasol a gofynion eich sefydliad

1. y lleoliadau addas lle gellir cymryd darlleniadau o lefel y dŵr
2. y cyfarwyddiadau ar gyfer cael gwybodaeth am lefelau dŵr
3. sut i gael mynediad i leoliadau lle gellir cael darlleniadau o lefelau'r dŵr
4. y rhesymau dros gymryd darlleniadau
5. y rhesymau pam nad yw'n bosibl cymryd darlleniadau cywir
6. sut i gael ac amcangyfrif lefelau a darllen deialau dŵr
7. y ddeddfwriaeth berthnasol a'r gofynion sefydliadol sydd yn gysylltiedig â monitro ac adrodd ar lefelau dŵr
8. eich cyfrifoldebau yn unol â deddfwriaeth amgylcheddol ac iechyd a diogelwch, gofynion asesu risg, codau ymarfer a pholisïau eich sefydliad
9. effaith bosibl eich gwaith ar yr ardal gyfagos a sut i leihau hyn
10. pwysigrwydd cynnal bioddiogelwch wrth wneud eich gwaith a'r dulliau ar gyfer cyflawni hyn
11. y cynefinoedd bywyd gwyllt a allai fod yn bresennol a sut i addasu'r gweithdrefnau yn unol â hynny
12. sut i asesu a dehongli lefelau dŵr
13. gofynion y sefydliad ar gyfer adrodd ar lefelau dŵr
14. pa niwed amgylcheddol y gellir dod ar ei draws a'r ffordd y mae'n rhaid adrodd am hyn
15. pwysigrwydd parhau i gyfathrebu gyda'r rheiny sydd yn gysylltiedig â'ch gwaith, neu wedi eu heffeithio ganddo, a'r ffordd orau o wneud hyn
16. y gofynion cyfreithiol perthnasol a rhai eich sefydliad ar gyfer cwblhau a storio adroddiadau

Gweithredoedd:

• amcangyfrif lefelau
• hysbysu pobl eraill
• cofnodi'r broblem

Darlleniadau:

• telemetreg awtomataidd/ar-lein
• â llaw
• defnyddio byrddau deial
• trwy weld