Cynnal a gwella lefelau dŵr a llif dŵr trwy weithrediadau mecanyddol

​

Mae'r safon hon yn cynnwys cynnal a chadw a gwella lefelau dŵr a llif dŵr trwy gynnal y cwrs dŵr yn fecanyddol.

Mae'n rhaid eich bod yn gallu cynnal y cwrs dŵr trwy godi rhwystrau, ailffurfio glannau, gweithrediadau dadleidio a threillio. Mae'r safon hefyd yn cynnwys adfer y safle yn dilyn gweithrediadau cynnal.

Wrth weithio gydag offer llaw neu beiriannau mae'n rhaid eich bod wedi cael hyfforddiant ac yn meddu ar ardystiad cyfredol, lle bo angen, yn unol â'r ddeddfwriaeth berthnasol.

Mae'n rhaid i chi wneud eich gwaith mewn ffordd sydd yn ystyried ei effaith ar yr amgylchedd.

Mae'r safon hon ar gyfer cyflogeion neu wirfoddolwyr sydd yn cynnal ac yn gwella lefelau dŵr a llif dŵr trwy weithrediadau mecanyddol. Mae'n berthnasol i waith sy'n cael ei wneud ar afonydd, arfordiroedd a dyfrffyrdd.

1. asesu'r risg sydd yn gysylltiedig â'r safle a'r gweithgaredd gofynnol
2. gwisgo dillad a chyfarpar diogelu personol (PPE) addas
3. cael mynediad i'r safle a gwneud gweithrediadau cynnal i wella lefelau dŵr a llif dŵr yn unol â'r cyfarwyddiadau a'r manylebau
4. dewis, paratoi, defnyddio a chynnal y cyfarpar, y peiriannau a'r PPE sy'n ofynnol, a'i gadw mewn cyflwr glân a gweithredol trwy gydol y gwaith
5. paratoi'r cyfarpar gwaith neu'r peiriannau trwy gynnal gwiriadau ac addasiadau cyn eu defnyddio, yn unol â'r ddeddfwriaeth berthnasol, y cyfarwyddiadau a'r manylebau
6. gwneud eich gwaith yn unol â'r ddeddfwriaeth genedlaethol berthnasol, rheoliadau lleol, canllawiau, codau ymarfer a pholisïau eich sefydliad
7. codi malurion a rhwystrau yn ddiogel o'r dŵr, gyda'r niwed lleiaf i'r amgylchedd cyfagos a strwythurau gerllaw
8. os bydd niwed damweiniol neu lygredd yn digwydd, cymryd camau ar unwaith i leihau'r effeithiau a hysbysu'r bobl berthnasol
9. cynnal bioddiogelwch trwy gydol eich gwaith
10. sicrhau bod eich y dulliau gwaith yn bodloni unrhyw gyfyngiadau statudol ar y gweithrediadau oherwydd statws y safle
11. ymdrin â gwastraff a deunyddiau dros ben yn gywir yn unol â'r ddeddfwriaeth berthnasol â'r gofynion eich sefydliad
12. parhau i gyfathrebu gyda chydweithwyr ac eraill sydd yn gysylltiedig â'ch gwaith, neu wedi'u heffeithio ganddo
13. gwneud eich gwaith yn unol â'r ddeddfwriaeth amgylcheddol ac iechyd a diogelwch perthnasol, â'r gofynion asesu risg, codau ymarfer a pholisïau eich sefydliad
14. gwella gallu'r cwrs trwy gwblhau gweithrediadau cynnal mecanyddol o fewn y graddfeydd amser gofynnol

15. cymryd y camau gofynnol os bydd argyfwng neu amgylchiadau na ellir eu rhagweld

16. adnabod y cyfleoedd i wella cynefinoedd bywyd gwyllt trwy addasu gweithdrefnau gwaith, ac adrodd i'r person perthnasol am hyn

17. adfer y safle i gyflwr diogel sydd yn cyd-fynd â'r amgylchedd cyfagos
18. cwblhau'r cofnodion fel sy'n ofynnol gan y ddeddfwriaeth berthnasol a'ch sefydliad

1. sut i adnabod peryglon ac asesu risg
2. y math o ddillad a chyfarpar diogelu personol (PPE) sydd yn addas ar gyfer y gweithgaredd
3. sut i gael mynediad i safleoedd yn ddiogel ac yn gywir
4. y cyfarwyddiadau a'r manylebau ynghylch sut i wneud eich gwaith
5. y niwed fyddai'n digwydd pe na byddai'r cwrs dŵr yn cael ei gynnal yn unol â'r cyfarwyddiadau a'r manylebau
6. y dulliau mecanyddol o gynnal a gwella lefelau dŵr a llif dŵr
7. mesurau eraill o leddfu llifogydd sydd yn gysylltiedig â rheoli'r cwrs
8. y mathau o gyfarpar, peiriannau a deunyddiau sy'n ofynnol ar gyfer y gwaith, a sut i baratoi, defnyddio, cynnal a chadw a storio'r rhain yn ddiogel ac yn gywir yn unol â'r cyfarwyddiadau a'r manylebau
9. y gofynion cyfreithiol perthnasol ar gyfer paratoi a defnyddio cyfarpar a pheiriannau gwaith
10. pam y mae'n bwysig cynnal diogelwch a diogeledd cyfarpar a cherbydau ar y safle
11. sut i godi malurion a rhwystrau o'r dŵr gan ddefnyddio gweithgareddau mecanyddol
12. yr amgylchiadau a allai effeithio ar eich gwaith
13. y camau i'w cymryd mewn ymateb i argyfyngau neu amgylchiadau newidiol
14. y mathau o niwed damweiniol neu lygredd a allai ddigwydd yn ystod gweithrediadau a'r camau y mae'n rhaid eu cymryd
15. y gofynion deddfwriaethol a sefydliadol perthnasol ar gyfer cynnal y cwrs dŵr
16. effaith bosibl eich gwaith ar yr ardal gyfagos a sut i leihau hyn
17. pwysigrwydd cynnal bioddiogelwch wrth wneud eich gwaith a'r dulliau ar gyfer cyflawni hyn
18. y gofynion cyfreithiol a sefydliadol perthnasol ar gyfer trin, cludo, storio, ailgylchu neu waredu gwastraff a deunydd dros ben
19. pwysigrwydd parhau i gyfathrebu gyda'r rheiny sydd yn gysylltiedig â'ch gwaith, neu wedi'u heffeithio ganddo, a sut dylid gwneud hyn
20. eich cyfrifoldebau yn unol â'r ddeddfwriaeth amgylcheddol ac iechyd a diogelwch, â'r gofynion asesu risg, codau ymarfer a pholisïau eich sefydliad
21. y cyfleoedd a allai godi i wella cynefinoedd bywyd gwyllt a'r person perthnasol ar gyfer adrodd am y rhain

22. pwysigrwydd adfer y safle i gyflwr diogel, sydd yn cyd-fynd â'r amgylchedd cyfagos

23. y gofynion cyfreithiol perthnasol a rhai eich sefydliad ar gyfer cwblhau a storio cofnodion

Amgylchiadau a allai effeithio ar y gwaith:

• amodau daear newidiol
• lefelau dŵr newidiol
• cynefin bywyd gwyllt
• llygredd oherwydd cynnal a chadw
• statws diogelu'r safle
• presenoldeb rhywogaethau ymledol nad ydynt yn gynhenid
• presenoldeb rhywogaethau wedi'u diogelu
• niwed i wasanaethau
• mynediad
• defnydd hamdden o'r amgylchedd dŵr

Cyfarpar*:*

• * *
• bwcedi cloddio
• peiriannau dŵr
• peiriannau mecanyddol

Cyfarwyddiadau a manylebau:

• darluniau/cynlluniau
• mapiau safle/asesiad o ddelwedd o'r awyr
• amserlenni
• datganiadau dull
• Gweithdrefnau Gweithredu Safonol (SOP)
• canllawiau cynhyrchwyr
• gofynion cyfreithiol
• canllawiau arfer da
• gofynion cwsmeriaid
• safon y canlyniad sy'n ofynnol
• cyfarwyddiadau llafar

Gweithrediadau cynnal:

• codi malurion a rhwystrau
• ailffurfio glannau
• dadleidio
• treillio
• gwella cynefin glannau
• diogelu glannau