Asesu a rheoli ymddygiad ceffylau

Mae’r safon hon yn cynnwys sut i asesu a rheoli ymddygiad ceffylau.
Bob tro y byddwch yn rhyngweithio gyda cheffyl, mae gennych y
potensial i newid eu patrymau ymddygiad i’w helpu i ddod yn gyfforddus â gofal carnau, gallai hyn fod trwy atgyfnerthu ymddygiad presennol neu greu rhai newydd. 

Mae’n bwysig eich bod yn deall y gall eich ymddygiad effeithio ar y ffordd y bydd y ceffyl yn ymddwyn.  Mae angen bod gennych y sgiliau angenrheidiol i reoli a chynnal eich ymddygiad eich hun.

Mae ceisio gwneud gwaith gofal arferol gyda cheffyl sydd heb ei hyfforddi’n dda ar gyfer y gwaith hwnnw yn cyflwyno risg i’ch diogelwch eich hun, diogelwch pobl eraill sydd yn gysylltiedig â’ch gwaith a risg i les y ceffyl. 

Bydd angen i chi fod yn ymwybodol o’ch cyfyngiadau eich hun a chadarnhau eich bod yn bodloni’r cyfrifoldebau cyfreithiol perthnasol ar gyfer darparu dyletswydd gofal yn unol â'r ddeddwriaeth iechyd a lles anifeiliaid, codau ymarfer a pholisïau’r busnes.

1. ​gweithio'n broffesiynol ac yn foesegol ac o fewn terfynau eich awdurdod, arbenigedd, hyfforddiant, cymhwysedd a phrofiad

2. cydymffurfio â'r ddeddfwriaeth berthnasol o ran iechyd a lles anifeiliaid â'r ddeddfwriaeth sy'n gysylltiedig ag anifeiliaid a chodau ymarfer cysylltiedig

3. gwneud eich gwaith yn unol â'r ddeddfwriaeth amgylcheddol ac iechyd a diogelwch perthnasol, codau ymarfer a pholisïau'r busnes

4. dewis a gwisgo dillad a chyfarpar diogelu personol (PPE) addas
5. cynnal hylendid a bioddiogelwch yn unol â'r ddeddfwriaeth berthnasol ac arferion busnes
6. rhyngweithio gyda'r ceffyl mewn ffordd sy'n lleihau trallod ac yn caniatáu gofal a hyfforddiant i gael ei wneud yn ddiogel ar gyfer y ceffyl ac unrhyw un arall sydd yn gysylltiedig â'r gwaith, yn cynnwys chi eich hun
7. asesu a rheoli patrymau ymddygiad ceffylau
8. asesu a rheoli lefel yr hyfforddiant sydd ei angen ar y ceffyl i gyflawni'r ymddygiad gofynnol ar gyfer y dasg
9. adnabod pryd mae ymddygiad y ceffyl ar lefel sy'n golygu nad yw'n ymarferol nac yn ddiogel i gwblhau'r dasg
10. gwybod a yw'r hyfforddiant sy'n ofynnol o fewn lefel eich gallu

11. gwybod pryd i wneud cais bod y person cyfrifol yn gwneud hyfforddiant pellach a phryd i gyfeirio at arbenigwr ymddygiad ceffylau

12. creu cynllun hyfforddiant ar gyfer yr ymddygiad dymunol

13. rhoi'r cynllun ar waith gan ddefnyddio methodoleg hyfforddiant bresennol
14. rheoli'r cynllun hyfforddi er mwyn ystyried ymateb y ceffyl
15. cydnabod ac ystyried y gallai fod gan y person cyfrifol safbwyntiau dilys ynghylch yr ymagwedd tuag at hyfforddiant
16. parhau i gyfathrebu gyda phawb sydd yn gysylltiedig â'ch gwaith, neu wedi eu heffeithio ganddo
17. cadarnhau bod cofnodion yn cael eu cwblhau, eu cynnal a'u storio fel sy'n ofynnol gan y ddeddfwriaeth berthnasol ac arferion busnes

1. ​eich cyfrifoldebau proffesiynol a'r angen i gynnal cymhwysedd proffesiynol
2. eich cyfrifoldebau yn unol â'r ddeddfwriaeth amgylcheddol ac iechyd a diogelwch perthnasol, codau ymarfer a pholisïau eich busnes

3. eich cyfrifoldebau yn unol â'r ddeddfwriaeth bresennol iechyd a lles anifeiliaid, rheoliadau a chodau ymarfer eraill sy'n berthnasol i anifeiliaid, a chyfyngiadau cyfreithiol y Ddeddf Llawfeddygon Milfeddygol bresennol yn ymwneud â diagnosis a thrin clefydau neu anafiadau

4. y math o ddilad a chyfarpar diogelu personol (PPE) sydd yn addas ar gyfer y gweithgaredd

5. pwysigrwydd cynnal hylendid a bioddiogelwch a'r dulliau ar gyfer cyflawni'r rhain
6. sut i wybod y bydd eich ymddygiad yn cynrychioli hyfforddiant i'r ceffyl a sut gallai effeithio ar ymddygiad y ceffyl

7. sut gall ymwybyddiaeth ceffylau a bodau dynion fod yn wahanol mewn perthynas â synhwyrau gweld, arolgi, clywed, blasu a chyffwrdd

8. y gwahaniaeth o ran ymddygiad goroesi naturiol rhwng anifeiliaid ysglyfaethus a phrae a pherthnasedd hyn i batrymau ymddygiad ceffylau

9. patrymau ymddygiad naturiol gwahanol ceffyl wedi ei ddofi

10. sut i adnabod patrymau ymddygiad sydd o ganlyniad i boen neu anesmwythdra neu o ganlyniad i brofiad trawmatig blaenorol a sut i ystyried y rhain wrth ryngweithio â'r ceffyl
11. sut i adnabod ble y gallai patrymau ymddygiad fod wedi eu dylanwadu gan amgylchedd y ceffyl a deall sut i ystyried ffactorau o'r fath
12. pwysigrwydd cynnwys y person cyfrifol wrth reoli ymddygiad y ceffyl
13. y defnydd o ddulliau hyfforddi presennol, ac effaith y dulliau hyn ar ymddygiad ceffylau ac ymarferoldeb cymhwyso pob dull
14. effeithiau a chanlyniadau ymarferol hyfforddiant a'r amgylchedd ar reoli dysgu ac ymddygiad ceffylau
15. effaith llifogydd, dadsensiteiddio a gwrth-gyflyrru
16. pwysigrwydd amseru a chysondeb mewn hyfforddiant
17. sut i osod ac ysgrifennu cynllun hyfforddiant gyda nodau hyfforddiant perthnasol y gellir eu cyflawni ar gyfer y ceffyl
18. arwyddocâd gosod nodau y gellir eu cyflawni yn y cynllun hyfforddiant a chymhwyso egwyddorion hyfforddiant

19. sut i asesu lefel bresennol ymddygiad ceffyl yn erbyn cynllun hyfforddiant i sicrhau eich iechyd a'ch diogelwch ac i osgoi trallod i'r ceffyl

20. pwysigrwydd parhau i gyfathrebu gyda'r rheiny sydd yn gysylltiedig â'ch gwaith, neu wedi eu heffeithio ganddo, a sut dylid gwneud hyn

21. y cofnodion y mae angen eu cadw a phwysigrwydd eu cwblhau yn unol â'r ddeddfwriaeth berthnasol ac arferion busnes

​Ceffyl: ceffyl neu aelod arall o deulu’r ceffyl yn cynnwys asynnod, mulod, asennod a mwlsod.

Mae'r safon hon yn ymwneud â'r cyd-destunau a'r ceisiadau canlynol: