Pennu cyfleoedd ar gyfer defnydd integredig o dir gwledig a menter

Mae’r safon hon yn ymdrin â’r cymhwysedd sydd ei angen i bennu cyfleoedd ar gyfer defnydd integredig o dir gwledig a menter. Mae’n cynnwys ymchwilio i gyfleoedd posibl ar gyfer defnydd o dir gwledig a chyfleoedd menter, a’u hasesu. 

Mae’r safon hon wedi ei hanelu at y rheiny sy’n gyfrifol am reoli gweithgareddau fel amaethyddiaeth, garddwriaeth, helwriaeth, cadwraeth bywyd gwyllt, coedwigaeth neu bysgodfeydd.

Wrth bennu cyfleoedd ar gyfer defnydd integredig o dir gwledig a menter mae’n rhaid i chi ystyried yr effaith y bydd yn ei gael ar yr amgylchedd, a cheisio gwarchod a gwella cynefinoedd a bioamrywiaeth ac ymateb i effeithiau newid hinsawdd a’u lleddfu.

Yn y safon hon, mae’r term “tir” hefyd yn cynnwys dŵr.

1. ymchwilio ac asesu cyfleoedd ar gyfer defnydd integredig o dir gwledig a menter, gan ystyried ffactorau allweddol 
2. nodi’r synergeddau a’r gwrthdaro rhwng defnydd gwahanol o dir gwledig a chyfleoedd menter
3. archwilio ffyrdd y gellid integreiddio mentrau gwledig i gynyddu cyfleoedd
4. ymchwilio i ofynion seilwaith ar gyfer defnydd gwahanol o dir a chyfleoedd menter gwledig
5. edrych ar arfer gorau ac enghreifftiau o’r hyn sydd eisoes wedi cael ei gyflawni yn y sector
6. ymchwilio i gyfleoedd ar gyfer cynnyrch neu wasanaethau y gellid eu darparu gan fenter wledig
7. sefydlu a oes marchnad ar gyfer y cynnyrch neu’r gwasanaethau arfaethedig o fenter wledig
8. ymchwilio i gyfleoedd i wneud defnydd cynaliadwy o’r adnoddau naturiol a’r sgil-gynnyrch sydd ar gael 
9. ymchwilio i gyfleoedd ar gyfer ynni adnewyddadwy 
10. ymchwilio i gyfleoedd ar gyfer defnyddio technoleg newydd
11. ymchwilio i gyfleoedd ar gyfer grantiau, cymorthdaliadau neu fathau eraill o gyllid a chymorth 
12. cael cyngor arbenigol lle bo angen
13. pennu opsiynau hyfyw ar gyfer defnydd integredig o dir gwledig a chyfleoedd menter fyddai’n ategu gweithgareddau presennol
14. pennu’r adnoddau sydd yn angenrheidiol i gefnogi gweithredu opsiynau hyfyw yn llwyddiannus ar gyfer defnydd integreidig o dir gwledig a cyfleoedd menter
15. cadarnhau bod opsiynau’n bodloni gofynion y ddeddfwriaeth genedlaethol berthnasol a rheoliadau lleol
16. cadarnhau bod opsiynau’n bodloni’r gofynion perthnasol ar gyfer cadwraeth amgylcheddol a bioamrywiaeth, a’u bod yn gynaliadwy

1. sut i ymchwilio ac asesu cyfleoedd ar gyfer defnydd integredig o dir gwledig a menter, a’r ffactorau allweddol y dylid eu hystyried 
2. y systemau perthnasol ar gyfer y defnydd o dir 
3. y ffordd y gall defnydd gwahanol o dir gwledig gydweithio a chynyddu cyfleoedd
4. y ffordd y gall fod yn bosibl rheoli gwrthdaro rhwng defnydd gwahanol o dir gwledig
5. pa ofynion isadeiledd fyddai ar gyfer defnydd gwahanol o dir gwledig a mentrau
6. ble i ddod o hyd i wybodaeth am arfer amgylcheddol a busnes gorau ac enghreifftiau o’r hyn y mae eraill wedi ei gyflawni
7. pwysigrwydd nodi neu sefydlu marchnad ar gyfer unrhyw gynnyrch neu wasanaethau gan y fenter wledig
8. y mathau gwahanol o ynni adnewyddadwy a’r gofynion ar gyfer eu cynhyrchu
9. y ffordd y gallai technoleg newydd gynorthwyo gyda gwneud y defnydd gorau a mwyaf cynaliadwy o dir a chyfleoedd menter gwledig
10. ble i ddod o hyd i wybodaeth am grantiau, cymorthdaliadau neu fathau eraill o gyllid neu gymorth a allai fod ar gael
11. ble i gael cyngor ac arweiniad proffesiynol, a pha fathau o gyngor sydd ar gael
12. beth ddylai gael ei ystyried wrth bennu opsiynau hyfyw ar gyfer defnydd o dir gwledig a chyfleoedd menter
13. sut i bennu’r adnoddau sydd yn angenrheidiol, ble y gellir eu cael ac ar ba cost
14. gofynion y ddeddfwriaeth genedlaethol berthnasol a’r rheoliadau lleol sy’n rheoli’r defnydd o dir gwledig a menter 
15. y camau y gellir eu cymryd i warchod a gwella cynefinoedd a bioamrywiaeth ac ymateb i effeithiau newid hinsawdd a’u lleddfu.

Ffactorau allweddol: ffisegol (lleoliad daearyddol, hinsawdd, daeareg); adnoddau naturiol; amgylcheddol; ecolegol; defnydd cyfredol; gweithgareddau eraill yn yr ardal; mynediad cyhoeddus a hawliau tramwy; dynodiadau; deddfwriaeth; polisïau lleol, rhanbarthol a chenedlaethol; cymdeithasol, diwylliannol, esthetig ac economaidd; cynaliadwyedd, atafaelu carbon, gwella bioamrywiaeth a rheoli tir yn gynaliadwy.

Defnydd o dir: hefyd yn cynnwys y defnydd o ddŵr

Ynni adnewyddadwy: gwynt, hydro, solar, biomas, treulio anaerobig, ac ati

Adnoddau: ynni, cyllid, cyfleusterau, gwasanaethau, cyflenwadau, cyfarpar, pobl ac adnoddau naturiol, yn cynnwys priddoedd, cyrff dŵr, planhigion, coetir, glaswelltir, gweundiroedd, ac ati