Darparu amgylchedd gwaith diogel ac iach

​Mae'r safon hon yn cynnwys darparu amgylchedd gwaith diogel ac iach.  Mae'n ymwneud â sicrhau bod yr ardal yr ydych yn gyfrifol amdani yn amgylchedd diogel ac iach ar gyfer y rheiny sy'n gweithio yno ac ar gyfer y rheiny sy'n ymweld. Mae'r safon hefyd yn ymwneud â sicrhau asedau yn yr ardal waith.

Mae'r safon hon ar gyfer y rheiny sy'n gyfrifol am ardal waith.

​

1. nodi eich cyfrifoldebau a'ch atebolrwydd personol yn unol â deddfwriaeth iechyd a diogelwch a gweithdrefnau sefydliadol
2. sicrhau bod polisi'r sefydliad ar gyfer iechyd, diogelwch a diogeledd yn cael ei gyfathrebu'n glir i bawb o fewn eich maes cyfrifoldeb a phartïon perthnasol eraill
3. sicrhau bod system wedi ei sefydlu ar gyfer nodi ac asesu risg i iechyd, diogelwch a diogeledd o fewn eich maes cyfrifoldeb a bod camau prydlon ac effeithiol yn cael eu cymryd i ddileu neu reoli peryglon a risg a nodir
4. sicrhau bod ymgynghori rheolaidd yn digwydd gyda phobl o fewn eich maes cyfrifoldeb, neu eu cynrychiolydd, yn ymwneud â materion iechyd, diogelwch a diogeledd ac wrth ddylunio neu adolygu amgylcheddau ac arferion gwaith
5. sicrhau bod gweithdrefnau iechyd, diogelwch a diogeledd yn cael eu sefydlu yn eich maes cyfrifoldeb chi
6. sicrhau bod y rheiny sydd yn mynd i mewn i'r ardal waith yn ymwybodol o'r gofynion iechyd, diogelwch a diogeledd yn y ffordd fwyaf priodol
7. sicrhau bod effeithiolrwydd gweithdrefnau iechyd, diogelwch a diogeledd yn cael ei fonitro a'i adolygu'n barhaus
8. gweithredu o fewn eich maes cyfrifoldeb chi i wneud gwelliannau
9. sicrhau bod systemau ar gyfer monitro, mesur ac adrodd ar berfformiad iechyd, diogelwch a diogeledd o fewn eich maes cyfrifoldeb yn cael eu defnyddio
10. ceisio a gwneud defnydd o arbenigedd lle bo angen
11. cymryd cyfrifoldeb am ddigwyddiadau ac argyfyngau ac ymateb yn gyflym gyda chamau gweithredu arfaethedig
12. datblygu diwylliant o fewn eich maes cyfrifoldeb sydd yn rhoi iechyd, diogelwch a diogeledd yn gyntaf.

​

1. eich cyfrifoldebau a'ch atebolrwydd personol ar gyfer iechyd, diogelwch a diogeledd yn unol â deddfwriaeth a gweithdrefnau sefydliadol perthnasol
2. polisi'r sefydliad ar gyfer iechyd, diogelwch a diogeledd a'r ffordd y caiff ei gyfathrebu i bobl sydd yn gweithio i'r sefydliad, ac i bartïon eraill perthnasol o fewn eich maes cyfrifoldeb chi
3. deddfwriaeth, rheoliadau, canllawiau a chodau ymarfer sy'n benodol i'r diwydiant neu'r sector, yn ymwneud ag iechyd, diogelwch a diogeledd
4. risg, materion a datblygiadau iechyd, diogelwch a diogeledd sydd yn benodol i'r diwydiant neu'r sector
5. sut i ddilyn y materion allweddol yn ymwneud ag iechyd, diogelwch a diogeledd yn eich diwydiant neu sector
6. y math o beryglon a'r risg a allai godi – sut i sefydlu a defnyddio systemau ar gyfer nodi peryglon ac asesu risg a'r mathau o gamau y dylid eu cymryd i'w dileu neu eu rheoli
7. nodweddion allweddol gweithdrefnau effeithiol ar gyfer iechyd, diogelwch a diogeledd a pham maent yn bwysig
8. sut i gyfathrebu gweithdrefnau ar gyfer iechyd, diogelwch a diogeledd i bobl sydd yn gweithio o fewn eich maes cyfrifoldeb neu'n dod i mewn iddo
9. pwysigrwydd gosod esiampl dda i eraill mewn perthynas ag iechyd, diogelwch a diogeledd
10. sut i ddefnyddio systemau ar gyfer monitro, mesur ac adrodd ar berfformiad iechyd a diogelwch yn eich maes cyfrifoldeb chi
11. ffynonellau arbenigedd mewn perthynas ag iechyd, diogelwch a diogeledd
12. gweithdrefnau ar gyfer trin ac adrodd ynghylch digwyddiadau ac argyfyngau
13. ffyrdd o ddatblygu diwylliant yn eich maes cyfrifoldeb sydd yn rhoi iechyd, diogelwch a diogeledd yn gyntaf

diogeledd - e.e. personél; stoc; adnoddau; gwybodaeth