Rheoli plâu ac ysglyfaethwyr fertebraidd gan ddefnyddio trapiau

Mae’r safon hon yn ymwneud â thrapio plâu ac ysglyfaethwyr fertebraidd. Mae’n gysylltiedig â’r gweithgareddau gwaith a wnewch i reoli plâu ac ysglyfaethwyr fertebraidd gan ddefnyddio trapiau. Mae wedi’i fwriadu ar gyfer y rhai sy’n gweithio ym maes rheoli bywyd gwyllt.

I fodloni’r safon hon, byddwch yn gallu adnabod presenoldeb plâu ac ysglyfaethwyr fertebraidd (mamaliaid neu adar) a datblygu a gweithredu cyfundrefn drapio gan ddefnyddio dulliau cyfreithiol i’w rheoli.

Wrth ddefnyddio trapiau, mae’n rhaid eich bod wedi’ch hyfforddi’n llawn ar eu defnyddio a diogelwch, a dal tystysgrifau perthnasol, lle bo gofyn.

Mae’r safon hon ar gyfer y bobl sy’n defnyddio trapiau i reoli plâu ac ysglyfaethwyr fertebraidd.

1. cynnal y gweithgarwch yn ddiogel yn unol â’r gofynion iechyd a diogelwch ac asesiadau risg perthnasol
2. gwisgo dillad a chyfarpar diogelu personol (PPE) yn enwedig wrth drin anifeiliaid byw neu farw
3. defnyddio dulliau perthnasol i fonitro a dehongli arwyddion i bennu gweithgarwch plâu ac ysglyfaethwyr fertebraidd
4. addasu gweithgareddau monitro i gyfrif am amrywiadau tymhorol, amodau tywydd presennol a chynefin
5. adnabod rhywogaethau plâu ac ysglyfaethwyr fertebraidd cyffredin
6. adnabod presenoldeb rhywogaethau nad ydynt yn darged
7. pennu ai trapio fyddai’r dull gweithredu gorau i ddelio â phlâu ac ysglyfaethwyr, yn unol â deddfwriaeth a chodau ymarfer penodol i wlad ar hel mamaliaid ac adar
8. gwirio a oes angen trwydded penodol i rywogaeth a chadarnhau ei bod ar waith
9. datblygu cyfundrefn drapio i reoli plâu ac ysglyfaethwyr fertebraidd
10. dewis dull trapio sy’n briodol i’r rhywogaeth pla ac ysglyfaethwr fertebraidd, yn unol â deddfwriaeth a chodau ymarfer penodol i wlad ar ddefnyddio gwahanol fathau o drapiau a maglau a’r gofynion am hyfforddiant neu dystysgrif
11. gwirio a chadarnhau bod y trapiau a ddewiswyd mewn cyflwr da ac yn gweithio
12. sefydlu trapiau mewn lleoliadau addas i ddal rhywogaethau plâu ac ysglyfaethwyr fertebraidd targed yn effeithiol ac i leihau’r effaith ar rywogaethau nad ydynt yn darged
13. defnyddio dulliau perthnasol i fonitro trapiau
14. cynnal trapiau yn unol â deddfwriaeth a chodau ymarfer perthnasol penodol i wlad, gan wirio gweithrediad y trapiau, bwydo a dyfrhau
15. mynd at blâu ac ysglyfaethwyr fertebraidd sydd wedi’u trapio, mewn ffordd sy’n cynnal eich diogelwch personol
16. lladd plâu ac ysglyfaethwyr fertebraidd wedi’u trapio heb iddynt ddioddef, yn unol â deddfwriaeth a chodau ymarfer penodol i wlad
17. rhyddhau rhywogaethau nad ydynt yn darged yn ôl i’r gwyllt mewn ffordd sy’n hybu’u hiechyd a’u lles ac sy’n gyson â’r gofynion cyfreithiol perthnasol
18. gwaredu plâu ac ysglyfaethwyr fertebraidd marw yn gywir, yn unol â deddfwriaeth a chodau ymarfer penodol i wlad
19. cynnal cofnodion rheoli plâu ac ysglyfaethwyr, yn unol â deddfwriaeth a chodau ymarfer perthnasol penodol i wlad

1. y gofynion iechyd a diogelwch perthnasol a’r risgiau sy’n gysylltiedig â monitro a thrapio plâu ac ysglyfaethwyr fertebraidd, gan gynnwys peryglon gweithio ar eich pen eich hun
2. y dillad a’r cyfarpar diogelu personol (PPE) y dylid eu gwisgo
3. y ddeddfwriaeth a’r codau ymarfer perthnasol penodol i wlad sy’n rheoli’r defnydd o wahanol fathau o drapiau a maglau
4. sut i ddewis trapiau addas a phryd y gall fod angen hyfforddiant neu dystysgrifau ar gyfer defnyddio trapiau penodol, yn unol â deddfwriaeth a chodau ymarfer penodol i wlad
5. y rhywogaeth plâu ac ysglyfaethwyr sy’n dod o dan ofynion penodol i wlad am drwyddedau cyffredinol, pryd mae angen trwydded penodol i rywogaeth a sut i wneud cais am y rhain
6. eich cyfrifoldebau o dan y ddeddfwriaeth amgylcheddol a chadwriaethol berthnasol yn gysylltiedig â monitro a rheoli plâu ac ysglyfaethwyr fertebraidd
7. y rhywogaethau plâu ac ysglyfaethwyr fertebraidd cyffredin a sut i adnabod a dehongli arwyddion i bennu gweithgarwch plâu ac ysglyfaethwyr
8. y dulliau ar gyfer monitro presenoldeb plâu ac ysglyfaethwyr fertebraidd, gan gynnwys defnyddio technoleg
9. arwyddocâd ac effeithiau posibl plâu ac ysglyfaethwyr fertebraidd i’r safle a’i ddiben, yn ogystal ag ar boblogaethau anifeiliaid a phlanhigion
10. nodweddion ymddygiadol plâu ac ysglyfaethwyr fertebraidd a sut gellir defnyddio’r rhain wrth ddewis cyfundrefn drapio
11. effeithiau’r tymhorau ac amodau’r tywydd ar fonitro poblogaethau plâu ac ysglyfaethwyr a sut gellir addasu dulliau i gyfrif am y newidiadau hyn
12. sut i adnabod rhywogaethau nad ydynt yn darged yn yr ardal drapio
13. sut i gyfyngu ar effaith trapio ar rywogaethau nad ydynt yn darged
14. y dulliau trapio a’u gweithredu’n gywir, gan gynnwys sut i osod trapiau gan ystyried yn briodol bresenoldeb rhywogaethau nad ydynt yn darged ac aelodau’r cyhoedd yn yr ardal drapio
15. sut i wirio a chynnal cyflwr trapiau a phwysigrwydd gwiriadau rheolaidd yn unol ag amserlen cynnal a chadw trapiau
16. sut i gynnal cyflwr yr abwyd byw, lle y bo’n briodol
17. sut i ladd gwahanol rywogaethau plâu ac ysglyfaethwyr fertebraidd heb iddynt ddioddef
18. sut i waredu plâu ac ysglyfaethwyr fertebraidd sydd wedi’u lladd yn ddiogel ac yn unol â deddfwriaeth a chodau ymarfer penodol i wlad
19. y ddeddfwriaeth a’r codau ymarfer penodol i wlad sy’n gysylltiedig â rhyddhau anifeiliaid wedi’u trapio
20. y dulliau o ryddhau gwahanol rywogaethau nad ydynt yn darged yn ddiogel, mewn ffordd sy’n hybu’u hiechyd a’u lles
21. sut i leihau peryglon clefyd neu anaf personol wedi’u hachosi gan drin anifeiliaid sydd wedi’u trapio
22. y gofynion ar gyfer cynnal cofnodion rheoli plâu ac ysglyfaethwyr cywir a chyfredol

Dehongli o leiaf bump o’r arwyddion canlynol i bennu gweithgarwch plâu ac ysglyfaethwyr:
• eu gweld yn uniongyrchol
• rhediadau
• olion troed
• difrod i gynefin
• anifeiliaid marw
• lladdiadau
• seiniau
• arogleuon
• tail

Sefydlu, monitro a chynnal dau o’r trapiau canlynol:
• sbring
• wedi’u pweru â CO2
• caets
• magl