Paratoi a gweithredu cerbyd wedi ei bweru gydag ychwanegiadau

Mae'r safon hon yn cynnwys paratoi a gweithredu cerbyd wedi ei bweru, fel ATV, gyriant pedair olwyn, beic cwad, cerbyd profi, sglefren a bobcat, gydag ychwanegiadau. Nid yw'r safon yn cynnwys defnyddio tractorau gydag ychwanegiadau.

Mae'r safon yn cynnwys defnyddio cerbyd wedi ei bweru gydag ystod o ychwanegiadau mewn tywydd, cyflwr daear a thir amrywiol. Bydd yr amodau hyn yn cael effaith ar drin a defnyddio'r cerbyd.

Wrth weithio gyda pheiriannau neu offer dylech fod wedi cael hyfforddiant ac yn meddu ar dystysgrif gyfredol, lle bo angen.

Wrth ddefnyddio cerbyd wedi ei bweru ar y briffordd gyhoeddus mae'n rhaid bod gennych drwyddedau perthnasol ar eich cyfer chi a'r cerbyd.

Wrth wneud eich gwaith mae'n rhaid i chi ystyried yr effaith y bydd yn ei gael ar yr amgylchedd.

Mae'r safon hon yn addas ar gyfer y rheiny sy'n gweithredu cerbyd wedi ei bweru gydag ychwanegiadau ar y briffordd gyhoeddus ac oddi arno.

---

1. asesu'r risg sydd yn gysylltiedig â'r gweithgaredd gofynnol
2. gwisgo dillad ac offer amddiffynnol personol (PPE) addas
3. paratoi'r cerbyd wedi ei bweru gofynnol trwy wneud gwiriadau ac addasiadau cyn cychwyn, yn unol â deddfwriaeth berthnasol, cyfarwyddiadau a manylebau
4. cadarnhau bod y cerbyd wedi ei bweru yn ddiogel ac yn barod i'w ddefnyddio
5. esgyn a disgyn oddi ar y cerbyd wedi ei bweru yn ddiogel
6. gwirio ac addasu amgylchedd y gweithredwr i fodloni eich gofynion personol
7. dewis yr ychwanegiadau priodol i wneud y gwaith gofynnol
8. cadarnhau bod yr ychwanegiadau yn addas ar gyfer y cerbyd wedi ei bweru
9. cadarnhau bod yr ychwanegiadau wedi eu gosod yn gadarn ac yn ddiogel
10. cadarnhau bod yr ychwanegiadau wedi eu gosod neu eu graddnodi, os oes angen
11. gwirio'r ardal uniongyrchol am beryglon a rhwystrau cyn symud i ffwrdd, a phob amser wrth weithredu'r cerbyd wedi ei bweru
12. defnyddio'r arwyddion rhybudd cywir bob amser
13. gweithredu a symud y cerbyd wedi ei bweru yn ddiogel, yn unol â'r math o gerbyd, ychwanegiad a'r gweithrediad sy'n cael ei wneud
14. defnyddio'r ychwanegiad yn ddiogel bob amser
15. sicrhau bod yr ychwanegiad yn y safle cludo pan nad yw'n cael ei ddefnyddio, yn unol â chyfarwyddiadau'r cynhyrchydd
16. addasu'r gweithdrefnau gweithredu i ystyried unrhyw newidiadau yn y tywydd, cyflwr y ddaear neu'r mathau o dir
17. defnyddio ffactorau effeithlonrwydd i gynnal perfformiad effeithlon gan y cerbyd wedi ei bweru a'r ychwanegiad trwy drin a defnyddio'r cerbyd yn briodol
18. monitro gweithrediad yr ychwanegiad a chydnabod unrhyw namau
19. diffodd ac ynysu'r cerbyd wedi ei bweru ar ôl cwblhau'r gweithgaredd
20. tynnu'r ychwanegiad yn unol â'r cyfarwyddiadau a'r manylebau
21. gadael y cerbyd wedi ei bweru a'r ychwanegiad yn ddiogel ar ôl ei ddefnyddio ac yn y cyflwr cywir ar gyfer ei ddefnyddio yn y dyfodol
22. parhau i gyfathrebu â chydweithwyr ac eraill sydd yn gysylltiedig â'ch gwaith, neu wedi eu heffeithio ganddo
23. dilyn canllawiau'r diwydiant a'r busnes i leihau niwed amgylcheddol
24. gwneud eich gwaith yn unol â deddfwriaeth amgylcheddol ac iechyd a diogelwch perthnasol, gofynion asesu risg, codau ymarfer a pholisïau busnes

---

1. sut i adnabod peryglon ac asesu risg
2. y math o ddillad ac offer amddiffynnol personol (PPE) addas ar gyfer y gweithgaredd

3. y ddeddfwriaeth bresennol mewn perthynas â pharatoi a gweithredu cerbydau wedi eu pweru ac ychwanegiadau

4. y mathau gwahanol o gerbydau wedi eu pweru ar gyfer gweithgareddau gwahanol

5. pa gerbydau wedi eu pweru sydd yn addas i gludo teithwyr

6. y mathau gwahanol o ategolion sydd ar gael ar gyfer cerbydau wedi eu pweru a sut cânt eu cysylltu i'r cerbyd
7. sut i ddewis cerbyd wedi ei bweru addas ar gyfer y gweithgaredd gofynnol a sut i baratoi'r cerbyd wedi ei bweru a'r ychwanegiad trwy wneud gwiriadau ac addasiadau cyn cychwyn
8. sut i esgyn a disgyn o'r cerbyd wedi ei bweru yn ddiogel
9. sut i ddechrau a diffodd y cerbyd wedi ei bweru yn ddiogel
10. y mathau o offer diogelwch ddylai fod ar gael ar y cerbyd
11. swyddogaeth yr holl reolyddion a'r offer ar y cerbyd wedi ei bweru a'r ychwanegiad sy'n cael ei ddefnyddio
12. y mathau o ychwanegiadau a sut dylid eu cysylltu a'u tynnu o'r cerbyd wedi ei bweru
13. y mathau o ychwanegiadau sy'n ddiogel i'w defnyddio gyda'r cerbyd wedi ei bweru yr ydych yn ei ddefnyddio a'r rheiny nad ydynt yn ddiogel
14. yr amodau y dylid eu cadw mewn cof wrth ystyried defnyddio ychwanegiadau
15. sut i osod neu raddnodi ychwanegiadau, lle bo angen
16. y defnydd cywir o arwyddion rhybudd a dangosyddion
17. y ffyrdd y dylid gweithredu a symud y cerbyd wedi ei bweru a'r ychwanegiad, a sut i ystyried tywydd, amodau daear a thir amrywiol
18. sut i weithredu a defnyddio ychwanegiadau yn ofalus ar y cerbyd wedi ei bweru
19. sut i roi'r ychwanegiad i mewn i'r safle cludo a'r safle gwaith, yn ôl y gofyn
20. galluoedd a chyfyngiadau'r cerbyd wedi ei bweru a'r gweithredwr a'r ffactorau a allai effeithio ar ddiogelwch ac effeithlonrwydd
21. y mathau o beryglon a rhwystrau y gellir dod ar eu traws wrth weithredu cerbyd wedi ei bweru gydag ychwanegiadau a sut i ymdrin â'r rhain
22. sut i fonitro gweithredu'r ychwanegiad a'r camau y gallai fod angen eu cymryd
23. y namau, diffygion a'r rhannau sy'n treulio cyffredin ar ychwanegiadau a ddefnyddir yn eich lle gwaith
24. y math o broblemau a allai ddigwydd gyda'r cerbyd wedi ei bweru neu'r ychwanegiad, sut i'w hadnabod a'r camau priodol i'w cymryd
25. pwysigrwydd cynnal gwiriadau a gwaith cynnal a chadw fel mater o drefn i gadarnhau bod y cerbyd wedi ei bweru a'r ychwanegiad yn dal yn ddiogel ac mewn cyflwr gweithredol da
26. y rhesymau pam y dylid gadael y cerbyd wedi ei bweru a'r ychwanegiad yn y cyflwr cywir ar gyfer ei ddefnyddio yn y dyfodol
27. pam y mae'n bwysig cynnal diogelwch a diogeledd y cerbyd wedi ei bweru a'r ychwanegiad bob amser
28. pwysigrwydd parhau i gyfathrebu gyda'r rheiny sydd yn gysylltiedig â'ch gwaith neu wedi eu heffeithio ganddo a sut dylid gwneud hyn
29. yr effaith bosibl y gallai eich gweithgareddau ei gael ar yr amgylchedd a'r ffyrdd y gellir lleihau hyn
30. eich cyfrifoldebau yn unol â deddfwriaeth amgylcheddol ac iechyd a diogelwch, codau ymarfer a pholisïau busnes

---

---

---

---

---

---

---

Dylai ychwanegiad/au gynnwys offer tynnu neu osod

*           Ffactorau effeithlonrwydd:*

• gers
• hydroleg
• pwysedd teiars
• cyflwr y trac
• brecs
• cydwyr

Cyflwr y ddaear:
* gwlyb
* sych
* rhew
* iâ
* mwd
* tir rhydd

Cyfarwyddiadau a manylebau:
* darluniau/cynlluniau
* amserlenni
* datganiadau dull
* Gweithdrefnau Gweithredu Safonol (SOP)
* canllawiau'r cynhyrchydd
* gofynion y cwsmer
* cyfarwyddiadau llafar

Amgylchedd y gweithredwr:

• sedd
• olwyn lywio
• drychau
• gwregys

* *

Cerbydau wedi eu pweru yn cynnwys:

• ATV
• gyriannau pedair olwyn
• beiciau cwad
• cerbydau coes bob ochr
• cerbydau profi
• sglefrau
• bobcats **

* *

Tir:

• arwynebeddau caled
• arwynebeddau meddal
• arwynebeddau anwastad
• llethrau

---

​

LANCS9 Paratoi a gweithredu cerbyd wedi ei bweru

LANCS57 Paratoi a gweithredu tractor ag ychwanegiadau

---

---

---

31 Ion 2024

---

Ar hyn o bryd

---

Gwreiddiol

---

Lantra

---

LANCS59

---

Ffermwr, Gweithiwr Fferm Cyffredinol

---

9111

---

ATV; gyriant pedair olwyn; beic cwad; cerbyd profi; sglefren; bobcat

---