Dyrannu a monitro gweithgareddau gwaith
Trosolwg
Mae’r safon hon yn ymwneud â dyrannu a monitro’r gweithgareddau gwaith rydych chi’n gyfrifol amdanynt.
Mae’n cynnwys cynllunio a dyrannu gwaith yn deg ac yn effeithiol, gan ystyried y sgiliau, y wybodaeth a’r profiad sy’n ofynnol i gyflawni’r dasg, monitro cynnydd ac ansawdd y gwaith ynghyd ag ymateb i bryderon a gweithredu os bydd perfformiad yn annerbyniol. Hefyd, mae’n cynnwys arwain a symbylu’r gweithlu rydych chi’n gyfrifol amdano i gyflawni deilliannau’r gweithgareddau gwaith sy’n ofynnol.
Bydd angen gwybodaeth ymarferol dda arnoch am y gweithgareddau gwaith rydych chi’n eu dyrannu a’u monitro a dal ardystiad cyfredol, lle bo angen, yn unol â’r ddeddfwriaeth berthnasol.
Gallai’r term “gweithlu” gynnwys aelodau tîm, staff dros dro a staff asiantaeth, gwirfoddolwyr a chontractwyr, neu unrhyw gyfuniad o’r rhain.
Mae’r safon hon i bobl sydd â chyfrifoldebau goruchwylio.
Meini prawf perfformiad
Mae'n rhaid eich bod chi'n gallu:
- cadarnhau’r gweithgareddau gwaith sy’n ofynnol, gan gynnwys ansawdd y deilliannau a’r amserlenni, nodi blaenoriaethau a gweithgareddau hanfodol, a chynllunio sut bydd y gwaith yn cael ei wneud
- dyrannu gwaith i’r gweithlu perthnasol, gan gyfrif am eu llwyth gwaith presennol a’r sgiliau, y wybodaeth a’r profiad sy’n ofynnol i wneud y gweithgareddau gwaith
- cadarnhau bod gan bob aelod o’r gweithlu’r hyfforddiant, y sgiliau, y cymhwysedd a’r ardystiad perthnasol i wneud y gwaith, yn unol â gofynion cyfreithiol
- lle ceir diffyg sgiliau a gwybodaeth, gwneud dadansoddiad o anghenion dysgu a datblygu i bennu pa hyfforddiant sy’n ofynnol i gyflawni’r gwaith
- cynnal cyfle cyfartal wrth ddyrannu gwaith
- briffio’r gweithlu ar y gwaith sy’n ofynnol, gan gynnwys yr ansawdd a ddisgwylir, amserlenni, dulliau gweithio ac iechyd a diogelwch
- gwirio gyda’r bobl sy’n ymwneud â’r gwaith rydych chi’n gyfrifol amdano eu bod yn deall beth sy’n ofynnol ohonynt i gyflawni’r deilliannau disgwyliedig
- cadarnhau bod adnoddau, gan gynnwys deunyddiau, offer, cyfarpar a PPE sy’n ofynnol i wneud y gweithgareddau gwaith, ar gael
- monitro, asesu a chofnodi ansawdd a chynnydd y gwaith a wnaed yn erbyn y deilliannau sy’n ofynnol
- nodi unrhyw amrywiadau o’r gofynion a chymryd camau cywirol
- darparu adborth adeiladol ar berfformiad gwaith i aelodau’r gweithlu
- nodi perfformiad gwaith gwael neu annerbyniol, trafod a chytuno ar ffyrdd o wella perfformiad, lle bo’n bosibl, neu ddilyn gweithdrefnau sefydliadol i ddelio â’r broblem
- nodi pryd y mae angen cymorth neu adnoddau ychwanegol ar unigolion i gyflawni deilliannau gwaith
- arwain a symbylu aelodau’r gweithlu i gyflawni deilliannau gwaith
- cydnabod cwblhau darnau arwyddocaol o waith, neu weithgareddau gwaith, yn llwyddiannus gan aelodau’r gweithlu
- diweddaru cofnodion cynnydd gwaith i adlewyrchu newidiadau a chadw gwybodaeth yn gyfredol yn unol â gofynion cyfreithiol a gweithdrefnau sefydliadol
Gwybodaeth a Dealltwriaeth
You need to know and understand:
- sut i wirio a chadarnhau’r gweithgareddau gwaith sy’n ofynnol, gan gynnwys cynhyrchu rhaglenni ac amserlenni
- sut i nodi blaenoriaethau a gweithgareddau hanfodol a chynllunio sut bydd gwaith yn cael ei wneud
- sut i ddyrannu gwaith yn deg i’r gweithlu perthnasol
- gofynion cyfreithiol, y diwydiant a sefydliadol am hyfforddiant, profiad ac ardystiad i wneud y gweithgareddau gwaith gofynnol
- pryd bydd angen hyfforddiant a sut gellir ei ddarparu
- pwysigrwydd cydnabod a rhoi pwys ar gydraddoldeb ac amrywiaeth yn y gweithle
- sut i friffio’r gweithlu rydych chi’n gyfrifol amdano am y gwaith sy’n ofynnol, y deilliannau a’r safonau ansawdd a ddisgwylir, a gwneud hynny’n rheolaidd
- pwysigrwydd gwirio bod pawb sy’n ymwneud â’r gwaith rydych chi’n gyfrifol amdano yn dilyn gweithdrefnau’r sefydliad
- sut i sicrhau bod yr holl adnoddau ar gael i’r gweithlu, pryd a lle bo angen
- sut i fonitro cynnydd ac ansawdd gwaith yn erbyn gofynion y gwaith ac amserlenni i nodi unrhyw amrywiadau a’r camau cywirol i’w cymryd
- sut i roi adborth adeiladol ar berfformiad i aelodau’r gweithlu
- pam mae angen i chi nodi perfformiadau gwaith annerbyniol a sut gellir delio â hyn
- sut i ddarparu cymorth neu adnoddau ychwanegol, lle gofynnir am hyn a lle y byddant ar gael
- yr arddulliau arwain gwahanol a sut i ddewis a chymhwyso’r rhain i wahanol sefyllfaoedd a phobl
- y ffyrdd gwahanol o symbylu’r gweithlu i gyflawni deilliannau gwaith
- sut gall lles y gweithlu effeithio ar gyflawni deilliannau gwaith
- sut i gydnabod cwblhau darnau arwyddocaol o waith neu weithgareddau gwaith yn llwyddiannus
- y gofynion cyfreithiol a sefydliadol am gwblhau cofnodion yn gysylltiedig â monitro gweithgareddau gwaith
Cwmpas/ystod
Cwmpas Perfformiad
Gwybodaeth Cwmpas
Achosion perfformiad gwael
· ffactorau allanol
· ffactorau mewnol
· ffactorau cymdeithasol
· amgylchiadau personol
· diffygion o ran sgiliau a gwybodaeth
· diffyg cefnogaeth
· diffyg adnoddau
Adborth
· gwerthusiad ffurfiol
· trafodaeth lafar
· adroddiad ysgrifenedig
Gwerthoedd
Ymddygiadau
Sgiliau
Geirfa
Mae gweithdrefnau sefydliadol yn cyfeirio at weithdrefnau sydd wedi’u gosod gan y sefydliad sy’n eich cyflogi neu’r sefydliad rydych chi’n gwneud y gwaith ar ei ran (y cleient neu’r cwsmer)
Safonau ansawdd
· gofynion statudol
· manylebau prosiect
· Safonau Prydeinig
· Safonau Rhyngwladol
· Codau Ymarfer
· safonau sefydliadol
· canllawiau ac arfer gorau diwydiant
· meincnodau neu Ddangosyddion Perfformiad Allweddol (DPA)
Adnoddau
· pobl
· offer, cyfarpar neu beiriannau
· PPE
· deunyddiau neu gydrannau
· gwybodaeth
· ardal weithio a chyfleusterau
Gallai’r gweithlu gynnwys:
· aelodau’r tîm
· gweithwyr dros dro
· staff asiantaeth
· gwirfoddolwyr
· contractwyr
· unrhyw gyfuniad o’r rhain