Paratoi a thrafod cynigion ar gyfer gwaith contract

Mae'r safon hon yn cynnwys y gwaith sy'n ofynnol i baratoi a thrafod cynnig ffurfiol ar gyfer gwaith contract. Mae'n cynnwys gwerthuso dogfennau manyleb (e.e. gwahoddiadau tendro), paratoi cynigion a thrafod a chytuno ar delerau gyda'r ochr arall.

Mae'r safon hon ar gyfer rheolwyr fydd yn paratoi a thrafod cynigion ar gyfer gwaith contract.

---

1. gwirio dogfennau'r fanyleb a nodi gallu a galluogrwydd eich sefydliad i wneud y gwaith contract
2. trawswirio'r wybodaeth a ddarparwyd yn y manylebau gydag unrhyw wybodaeth berthnasol arall
3. asesu cyfleoedd a chyfyngiadau gwneud cais am y gwaith contract
4. cynllunio a pharatoi cynnig addas i fodloni'r fanyleb a'r dyddiad cyflwyno

5. hysbysu'r cwsmer am eich bwriad i gyflwyno/peidio â chyflwyno cynnig am y gwaith

6. dadansoddi'r adnoddau sy'n ofynnol i gyflawni'r contract yn seiliedig ar y wybodaeth yr ydych wedi'i chael

7. creu costau fydd yn rhoi elw digonol, gan ystyried cyflwr y farchnad
8. paratoi cynigion sydd yn bodloni gofynion y cwsmeriaid ac anghenion eich sefydliad
9. cyflwyno cynigion ar amser ac ar y ffurf sy'n ofynnol gan y cwsmer
10. cynnal trafodaethau ar ôl y cynnig sydd yn paratoi'r ffordd ar gyfer perthynas waith gadarnhaol gyda'r cwsmer
11. egluro cyfrifoldebau, gweithdrefnau a hyblygrwydd yn y contract gyda'r cwsmer
12. cadarnhau bod penderfyniadau ac awgrymiadau a wnaed yn ystod y trafodaethau yn cyd-fynd â gofynion eich sefydliad
13. cytuno ar gontractau a'u cadarnhau cyn dechrau'r gwaith

---

1. pwysigrwydd gwirio dogfennau'r fanyleb yn drwyadl, gan eu trawsgyfeirio a nodi unrhyw faterion
2. sut i ddefnyddio offer gwneud penderfyniadau i bennu a ddylid ceisio contract
3. y materion sefydliadol, cyfreithiol, adnoddau a moesegol perthnasol a allai fod yn  gysylltiedig â derbyn y gwaith contract
4. y rhyngberthynas rhwng gwaith contract y gallai fod gan y sefydliad ddiddordeb yn ei wneud a'i allu i'w gyflawni
5. y rhesymau pam y gallai sefydliadau ddewis peidio â gwneud cais am gontractau er eu bod yn gallu eu cyflawni
6. y mathau o risgiau a allai fod yn gysylltiedig â chontractau a'r dulliau o asesu risgiau o'r fath
7. y ffynonellau gwybodaeth a chyngor: technegol, cyfreithiol ac ariannol
8. yr angen am ganiatâd, trwyddedau neu ofynion arbennig eraill i wneud mathau penodol o waith contract yn eich diwydiant
9. y ffactorau allanol sydd yn effeithio ar gyflawni'r contract, fel y tywydd, adeg o'r flwyddyn
10. pwysigrwydd y rhagolygon llif arian a sut i rannu'r gwaith contract cyffredinol yn gerrig milltir allweddol
11. sut i werthuso'r adnoddau sy'n ofynnol: ariannol, materol, cyfalaf a dynol a pherthynas y rhain â'r cyllidebau arfaethedig
12. sut i gyrraedd cost sydd yn ystyried cyflwr cyffredin y farchnad a chost gwirioneddol darparu'r cynnyrch neu'r gwasanaethau sy'n ofynnol yn y contract
13. sut i baratoi cynigion ar gyfer gwaith contract
14. y cyfleoedd a allai fod ar gael i drafod gyda'r cwsmer a sut gall hyn gyfrannu at berthynas waith gadarnhaol
15. egwyddorion cyfraith contractau
16. pam y gallai trafodaethau ar ôl y cytundeb fod yn angenrheidiol a sut i'w cynnal
17. pryd y gallai fod yn syniad da cael cymorth gyda'r trafodaethau er mwyn cael canlyniad llwyddiannus
18. terfynau eich sefydliad o ran sicrhau'r contract
19. y graddfeydd amrywiol o hyblygrwydd a chyfyngiadau y gallai'r contractau eu cael, yn dibynnu ar natur y gwaith a'r cwsmer cysylltiedig

---

---

---

---

---

---

---

---

---

---

---

2025

---

Ar hyn o bryd

---

Gwreiddiol

---

Lantra

---

LANCS47

---

Coedlannu, Coedyddiaeth a choedwigaeth, Garddwr, Gofalwr Tir, Rheolwyr Parciau, Technegydd Peirianegol a Gwyddoniaeth, Rheolwyr Cynhyrchu, Rheolwr Eiddo

---

2141

---

tendrau; contractau; trafod; cynnyrch; gwasanaethau

---