Sefydlu a chynnal perthynas waith
Trosolwg
Mae'r safon hon yn ymwneud â sefydlu a chynnal perthynas waith a gweithio'n effeithiol gyda phobl eraill. Mae hyn yn cynnwys cyfathrebu'n glir, cydweithredu gydag eraill a helpu i wella ffyrdd o gydweithio.
Gallai hyn fod gyda'ch cydweithwyr eich hun, goruchwylwyr/rheolwyr neu bobl sy'n allanol i'ch tîm/adran/sefydliad, yn cynnwys cyflenwyr a chwsmeriaid. Gallai gynnwys gweithio gyda gwirfoddolwyr, hyfforddeion, pobl ar secondiad neu brofiad gwaith. Gallai gynnwys gweithio gyda phobl o gefndiroedd a diwylliannau gwahanol, pobl ag anableddau neu broblemau iechyd neu'r rheiny nad yw eu hiaith gyntaf yr un peth â'ch un chi.
Mae'r safon hon yn addas ar gyfer pawb sydd angen sefydlu a chynnal perthynas waith fel rhan o'u rôl yn y gwaith.
Meini prawf perfformiad
Mae'n rhaid eich bod chi'n gallu:
cyflwyno delwedd broffesiynol ohonoch chi eich hun a'r rheiny yr ydych yn eu cynrychioli
nodi rolau yn eich perthynas waith
bod yn ymwybodol o gyfrifoldebau, rhwystrau a chyfyngiadau'r bobl yr ydych yn gweithio gyda nhw
sefydlu ffyrdd o weithio a chyfathrebu
cyfathrebu mewn ffordd sy'n cefnogi perthynas waith gynhyrchiol
bod yn ymwybodol o negesuon cyfathrebu nad ydynt yn rhai llafar
addasu eich cyfathrebu er mwyn iddo gael ei ddeall gan y bobl wahanol yr ydych yn gweithio gyda nhw
darparu gwybodaeth yn glir, yn ystyriol ac mewn ffordd sy'n berthnasol i'r gynulleidfa a'r pwnc
cadw cyfrinachedd
gweithio'n gydweithredol gydag eraill i gyflawni canlyniadau, gan addasu eich rôl a'ch ymddygiad yn unol â hynny
edrych ar arferion gwaith a thrafod cyfleoedd i wella ffyrdd o weithio
ymdrin yn rhagweithiol â phethau sydd yn mynd o'i le gyda'r berthynas
derbyn y bydd gan bobl eraill safbwyntiau a disgwyliadau gwahanol i'ch rhai chi a'u parchu
trin pobl fel unigolion ac nid yn unol â disgwyliadau neu stereoteipiau
gwerthuso eich cyfraniad at y berthynas waith, pa mor dda yr ydych wedi cydweithredu gydag eraill a sut gallech wella yn y dyfodol
Gwybodaeth a Dealltwriaeth
You need to know and understand:
- y ffyrdd y gallwch gyflwyno delwedd broffesiynol ohonoch chi eich hun a'r rheiny yr ydych yn eu cynrychioli
- y rhesymau pam y mae perthynas waith yn bwysig a sut gellir eu cynnal a'u gwella
- pwysigrwydd sefydlu rolau, cyfrifoldebau, rhwystrau a chyfyngiadau'r bobl yr ydych yn gweithio gyda nhw
- cyfyngiadau eich cyfrifoldeb a'ch awdurdod
- y rhesymau pam y mae cyfathrebu effeithiol yn bwysig
- sut i bennu'r y dulliau cyfathrebu sy'n berthnasol i'r gynulleidfa a'r pwnc
- yr heriau wrth gyfathrebu â phobl y mae eu hiaith, eu tafodiaith neu eu ffordd o siarad yn wahanol i'ch un chi a sut gellir goresgyn hyn
- ffyrdd o leihau camddealltwriaeth a gwella cyfathrebu
- pwysigrwydd cynnal sgiliau gwrando da
- sut gallai eich cyfathrebu nad yw'n llafar gael ei ddehongli gan eraill a sut gallai eu cyfathrebu nhw effeithio ar eich amgyffrediad ohonynt
- pwysigrwydd peidio â defnyddio datganiadau bychanol mewn sefyllfa waith
- pwysigrwydd cynnal cyfrinachedd
- y pethau allai fynd o'i le gyda pherthynas waith a'r ffyrdd y gellir goresgyn y rhain
- pwysigrwydd gwerthuso eich cyfraniad at berthynas waith a sut gellir gwneud hyn
Cwmpas/ystod
Cwmpas Perfformiad
Gwybodaeth Cwmpas
Gwerthoedd
Ymddygiadau
Sgiliau
Geirfa
Anabledd – Y term a ddefnyddir i gyfeirio at weithrediad unigolyn, yn cynnwys nam corfforol, nam synhwyraidd, nam gwybyddol, nam deallusol, salwch meddwl, a mathau amrywiol o glefyd cronig.
Gallai y dulliau cyfathrebu gynnwys:
wyneb yn wyneb
ffôn
cyswllt fideo
neges ysgrifenedig
neges lafar
neges electronig
ebost
cyfryngau cymdeithasol
aps
gohebiaeth ysgrifenedig ffurfiol
Cyfathrebu nad yw'n llafar – iaith y corff, tôn y llais, ymddygiad
Ffyrdd o leihau camddealltwriaeth a gwella cyfathrebu – er enghraifft, cymryd amser i wrando'n ofalus, gan wirio eich dealltwriaeth, dysgu'r confensiynau ar gyfer cyflwyniadau a chyfarchion, defnyddio ystumiau, osgoi idiomau, esbonio byrfoddau, defnyddio lluniau a diagramau, dysgu rhai ymadroddion yn iaith y person arall.